Morgunblaðið - 25.04.2022, Page 16

16 UMRÆÐAN
MORGUNBLAÐIÐ MÁNUDAGUR 25. APRÍL 2022
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
FUNDUR
MEÐ ODDVITUM
Í REYKJAVÍK
Samtök um betri byggð efna til fundar með oddvitum allra
framboða til borgarstjórnar Reykjavíkur n.k. mánudag 25. apríl
frá kl. 17:00 – 19:00 á Kex Hostel. Fundarefnið eru baráttumál
samtakanna á sviði borgarskipulagsins. Allir eru velkomnir á
meðan húsrúm leyfir. Búast má við líflegum umræðum og fjölda
fyrirspurna úr sal.
Stjórn Samtaka um betri byggð
Morgunblaðið grein-
ir frá því í síðastliðinni
viku að geta Selfoss-
veitna til að afhenda
heitt vatn til nýbygg-
inga í Sveitarfélaginu
Árborg sé komin að
þolmörkum. Er þar
vísað til bréfaskrifta
embættismanna sveit-
arfélagsins sem virðast
ekki eiga aðra leið en
slíka til að opinbera áhyggjur sínar af
vissulega alvarlegri stöðu.
Þessi staða er með hreinum ólík-
indum í ljósi þess hve núverandi
meirihluti og bæjarstjóri þeirra hefur
hvatt verktaka til aukinnar byggingar
íbúða- og atvinnuhúsnæðis, vitandi að
staða grunninnviða sé í raun ekki að
þola slíka uppbyggingu. Það er veru-
lega óábyrgt af þeirra hálfu að hafa
ekki hlustað á ráðleggingar starfs-
manna sveitarfélagsins í þessum efn-
um. Það er langt gengið þegar emb-
ættismenn eru opinberlega farnir að
senda minnisblöð sín á milli til að
vekja athygli á stöðunni.
Samkvæmt ábendingum mann-
virkja- og umhverfissviðs Árborgar
er nú þegar búið að gefa leyfi fyrir um
549 nýjum íbúðum. Hitaveitukerfið
þolir ekki nema um 417 íbúðir. Því er
eðlilegt að velta fyrir sér hvert verið
sé að stefna. Eða er yfir höfuð til ein-
hver skýr stefna hjá meirihlutanum,
þar sem mannvirkja- og umhverfis-
svið bendir sömuleiðis á að framboð
skólahúsnæðis og annarra sambæri-
legra innviða þurfi að skoða ítarlega í
ljósi fjölgunar íbúa og aukinna bygg-
ingaráforma í sveitarfélaginu? Og
þetta er kallað farsælt
samstarf.
Maður veltir því eðli-
lega fyrir sér hvort yfir-
vofandi sé framkvæmda-
stopp í sveitarfélaginu
strax á þessu ári. Það hef-
ur grafalvarlegar afleið-
ingar fyrir stöðu sveitar-
félagsins, sem skv. fjár-
hagsáætlun reiðir sig á
áframhaldandi sölu lóða
til að mæta útgjaldaaukn-
ingu sem virðist óstöðv-
andi hjá þeim sem nú halda um stjórn-
artaumana. Gæti slíkt framkvæmda-
stopp mögulega þýtt að sveitarfélagið
verði að endurgreiða lóðir eða verði
einfaldlega skaðabótaskylt sé horft til
þeirrar fjárfestingar sem fjölskyldur
og fyrirtæki hafa lagt í?
Þetta eru vinnubrögð sem D-listinn
í Árborg stendur ekki fyrir. Kjörnir
fulltrúar eiga að horfa fram á veginn,
hlusta á sérfræðinga og fagaðila og
hafa ráð þeirra til hliðsjónar við
ákvarðanir þegar mótuð er framtíðar-
sýn, samfélagi okkar og íbúum þess til
heilla.
Er uppselt í Árborg?
Eftir Braga
Bjarnason
Bragi Bjarnason
» Þessi staða er með
hreinum ólíkindum í
ljósi þess hve núverandi
meirihluti og bæjar-
stjóri þeirra hefur hvatt
verktaka til aukinnar
byggingar íbúða- og
atvinnuhúsnæðis
Höfundur er oddviti
Sjálfstæðisflokksins í Árborg.
Í grein minni sem
birtist í Morgun-
blaðinu 20. apríl sl.
sagði ég frá því að
árið 2018 lagði
Flokkur fólksins
fram tillögu um að
borgin tryggði eftirlit
með framkvæmd
reglugerðar um há-
vaðamengun í borg-
inni og að henni yrði
fylgt til hins ýtrasta. Aðdragandinn
að framlagningu tillögunnar var sá
að íbúar höfðu kvartað til borg-
aryfirvalda og sagt að ekki væri
svefnfriður vegna hávaða frá
næturklúbbunum á svæðinu. Hér
er vísað í næturklúbba sem eru
opnir til klukkan hálffimm á nótt-
unni með tilheyrandi hávaða og
götupartíum.
Mér var að sjálfsögðu ljúft og
skylt að vekja athygli á málinu á
vettvangi borgarstjórnar enda vill
Flokkur fólksins hlusta á fólkið í
borginni. Núverandi borgar-
stjórnarmeirihluti lét sér hins veg-
ar fátt um finnast og tillaga Flokks
fólksins um að reglugerð um há-
vaðamengun verði fylgt er enn föst
í kerfinu.
Reglugerðin sem hér um ræðir
snýr að borgaralegum réttindum
en henni hefur einfaldlega ekki
verið framfylgt sem skyldi. Þess
utan stangast leyfi fyrir þjónustu-
tíma skemmtistaða á við þau lög að
allir íbúar eigi rétt á
svefnfriði frá kl. 23 til 7
að morgni, óháð búsetu
(sbr. jafnræðisregluna).
Hvað er til ráða?
Hér er ekki verið að
tala um að banna
næturklúbba. Flokkur
fólksins hefur skoðað
þessi mál með fjölmörg-
um aðilum, bæði íbúum
og þeim sem annast
næturklúbbana. Flestir
eru sammála um að
fyrsta skrefið sé að fylgja gildandi
reglugerð, lækka hávaðann og
draga úr bassanum. Setja þyrfti
upp hljóðmæla sem notaðir yrðu á
sama hátt og eftirlitsmyndavélar.
Sú tækni er til staðar að ef
skemmtistaðir færu yfir ákveðin
hávaðamörk slær rafmagnið ein-
faldlega út hjá viðkomandi sam-
komustað. Ef lög og reglur eru
brotnar þurfa þeir sem ábyrgðina
bera að sæta einhverjum viður-
lögum eins og gengur. Að öðrum
kosti eru lög og reglur bara dauður
bókstafur.
Til þess að eigendur skemmti-
staðanna missi ekki of stóran spón
úr aski sínum er mikilvægt að fá
fólk til að mæta fyrr út á lífið. Ef
staðið er saman að slíkum breyt-
ingum myndi markaðurinn án efa
aðlaga sig breyttum afgreiðslutíma.
Mottóið ætti að vera: Eftir eitt ei
heyrist neitt! Nauðsynlegt er að
setja næturstrætó í gang til að
koma fólki aftur heim til sín.
Ráða næturlífsstjóra
Þjóðráð væri einnig að ráða næt-
urlífsstjóra sem héldi utan um
þennan málaflokk, þ.m.t. kvartanir,
og sá hefði auk þess eftirlit með að
reglugerðum og lögum sé fram-
fylgt. Skemmtanalífið í Reykjavík
og „hagkerfi næturlífsins“ er það
umfangsmikið að ekki veitir af. Það
virðist vera lítið ef nokkurt samtal
milli stofnana sem þessi mál heyra
undir – borg, lögregla, heilbrigðis-
eftirlit, vinnueftirlit, byggingareft-
irlit og sýslumaður. Ef allt þetta
væri komið á eitt borð væri mun
auðveldara að hafa yfirsýn og sjá
hvar grípa þyrfti inn í með aðgerð-
um og úrræðum eftir því sem þykja
þurfi.
Skoða aðra staðsetningu
Samhliða þessum breytingum
yrði unnið að uppbyggingu á svæði
fyrir utan almenna íbúabyggð, t.d.
utarlega á Grandanum eða í ein-
hverju öðru iðnaðarhverfi, þar sem
fólk getur skemmt sér eins og það
vill án þess að ónáða aðra. Þá gæti
lögreglan einnig haft betra eftirlit
með því að allt fari vel fram.
Skilgreind svæði
Næturlífsstjórinn gæti t.d. gert
drög að skipulagsbreytingum sem
miða að því að hólfa skemmtanalífið
niður. Það má hugsa sér mismun-
andi hljóðsvæði frá 1-5, en á „partí-
svæði“ mætti hávaðinn (innandyra)
vera mikill og opið langt fram á
nótt.
Hljóðsvæði 4-5 þar sem hávaði er
mestur þyrfti að vera í fjarlægð frá
íbúabyggðinni. Svæði 1-2 mættu
vera í hjarta miðbæjarins en stað-
irnir dreifðari en nú er og yrði
þeim sett ströng skilyrði um hljóð-
vist: engir útihátalarar, lítil sem
engin hljóðmengun frá stöðunum út
á götur og aðeins opið til kl. 1.
Þetta eru allt hugmyndir sem
Flokkur fólksins setur fram og sem
vel mætti ræða.
Hljóðsvæði 3 gæti t.d. verið
kyrrðarsvæði þar sem fólk getur
verið eitt með sjálfu sér eða fjöl-
skyldu og vinum. Hugað væri vand-
lega að hljóðvist á þessum stöðum
og allt kapp lagt á að hafa þá sem
vistkænasta.
Flokkur fólksins hefur ávallt lagt
áherslu á samráð og að unnið sé
með borgarbúum og öllum þeim
sem hagsmuna eiga að gæta í því
máli sem um ræðir hverju sinni.
Nauðsynlegt verður að fá umsagnir
frá íbúum og öðrum rekstraraðilum
á svæðinu áður en stórar ákvarð-
anir eru teknar og taka á tillit til
þeirra eins og kostur er.
Hagsmunamál margra
Þessi mál þurfa að komast í lag
sem fyrst. Margir hafa hagsmuna
að gæta, ekki eingöngu íbúarnir,
heldur einnig hátt á sjötta tug hót-
ela og gistiheimila á svipuðu svæði
og þessir skemmtistaðir eru. Mið-
bærinn tilheyrir þjóðinni allri, enda
eru þar mörg af helstu kennileitum
íslenskrar þjóðmenningar.
Ég vil standa með öllum borgar-
búum sem eiga um sárt að binda
vegna þess að borgaryfirvöld hafa
neitað að hlusta, neitað að skilja og
virðast eingöngu vilja þagga óþægi-
leg mál niður. Það verður að finna
raunhæfar lausnir á þessu máli.
Nýjar lausnir
á næturvanda í miðbænum
Eftir Kolbrúnu
Baldursdóttur »Margir hafa hags-
muna að gæta, ekki
eingöngu íbúarnir, held-
ur einnig á sjötta tug
hótela og gistiheimila á
svipuðu svæði og þessir
skemmtistaðir eru.
Kolbrún Baldursdóttir
Höfundur er oddviti Flokks fólksins í
borgarstjórn Reykjavíkur og skipar
1. sæti á lista flokksins fyrir komandi
borgarstjórnarkosningar.