Morgunblaðið - 17.06.2022, Síða 6

6 FRÉTTIR
Innlent
MORGUNBLAÐIÐ FÖSTUDAGUR 17. JÚNÍ 2022
Borgarholtsskóli mun bjóða nám í
pípulagningum í haust en að sögn
skólameistara hefur illa gengið að
ráða kennara. „Það er búinn að vera
svolítill þrýstingur; Tækniskólinn á
mjög erfitt með að anna eftirspurn
eftir náminu. Þau eru með miklu
fleiri umsóknir en þau ráða við að
taka inn, þannig að ráðuneytið leitaði
til okkar,“ segir Ásta Laufey Aðal-
steinsdóttir, skólameistari Borg-
arholtsskóla. Var ákvörðun um að
bjóða upp á námsleiðina tekin í sam-
ráði við menntamálaráðuneytið og
Tækniskólann.
„Þetta er í rauninni allt gert í sam-
vinnu við Tækniskólann. Við erum
svolítið að taka kúfinn af þar og
kannski kominn tími á að dreifa
þessu aðeins til þess að minnka álag-
ið þar og við erum bara mjög
spennt.“ Ekki hefur þó gengið vel að
ráða inn kennara í pípulagningum.
„Það er vandamálið, en við erum með
kennara í málmiðngreinum sem geta
kennt flesta áfangana, en þó ekki
alla.“ Enn hefur enginn nýr kennari
verið ráðinn. „Við viljum gjarnan fá
inn góðan kennara í pípulagningum
sem gæti verið okkar stoð og stytta í
að koma þessu af stað, einhvern með
yfirumsjón,“ segir Ásta. „Ég held að
þetta sé sama ástæða og það er erfitt
að fá pípara,“ segir hún, spurð hvers
vegna ráðning gangi illa. „Það er svo
brjálað að gera, það er skortur á
pípulagningarmönnum og þeir eru
allir á kafi í vinnu úti um allt. En það
að það er erfitt fyrir okkur að fá
kennara er í raun ástæðan fyrir því
að við erum að fara að kenna þetta.“
Ekki liggur fyrir hve margir hafa
sótt um námið. „Þetta er svo nýtt, við
settum þetta ekki inn í umsóknina
þannig að það verður væntanlega
ekki ljóst fyrr en í ágúst.“
Erfitt að ráða kenn-
ara í pípulagningum
- Pípulagningar
verða kenndar við
Borgarholtsskóla
Morgunblaðið/Sigurður Bogi
Nám Boðið verður upp á nám í pípu-
lagningum við Borgarholtsskóla.
Guðni Einarsson
gudni@mbl.is
Hugur er kominn í starfsmenn
Hvals hf. vegna komandi hvalver-
tíðar, að sögn Jóns Storms Benja-
mínssonar. Ljósmyndari Morg-
unblaðsins hitti hann nýlega við
starfsstöð fyrirtækisins í Hafnar-
firði og smellti af honum mynd.
„Ég vinn hér í Hafnarfirði á milli
vertíða og geri flest sem til fellur,“
sagði Jón. Þeir sem vinna hjá Hval
hf. í Hafnarfirði verka meðal annars
súra hvalinn sem landsmenn þekkja
vel og er löngu orðinn ómissandi á
þorrahlaðborðum. Þeir sjóða hval-
rengið og súrsa í mysu eftir kúnstar-
innar reglum. Hjá Hval í Hafnarfirði
starfar fastur kjarni allt árið og svo
fjölgar starfsmönnum verulega þeg-
ar vertíðin byrjar. Jón fór fyrst á
hvalvertíð árið 2015.
„Mér líkaði vel og ílengdist hér.
Áður vann ég í vélsmiðju og þar áður
í Norðuráli á Grundartanga í ellefu
ár,“ sagði Jón. Hann er búsettur á
Akranesi og sækir vinnu þaðan. Jón
reiknaði með að færa sig yfir í hval-
stöðina í Hvalfirði eftir næstu helgi
til að undirbúa komandi vertíð. Þar
þarf að prufukeyra tækin og passa
að allt sé í lagi í vertíðarbyrjun. Það
verður því aðeins styttra í vinnuna
fyrir Jón þegar vertíðin hefst. Unnið
er í dagvinnu í Hafnarfirði en á átta
tíma vöktum í hvalstöðinni. Jón
reiknar með að dvelja meira og
minna í hvalstöðinni í sumar. Þar er
vel búið að starfsmönnum og Jón
fær þar herbergi og fullt fæði.
Toppviðhald á búnaðinum
„Það eru svaka miklar græjur í
hvalstöðinni. Búnaðurinn er ekki al-
veg nýr en allt í toppviðhaldi. Manni
er farið að þykja vænt um þetta,“
sagði Jón. Hann sá um frystivél-
arnar og ísframleiðsluna á síðustu
vertíð. Jón sagði að hvalkjötið færi
beint í frost en spikið er strax kælt
með ís og flutt til Hafnarfjarðar þar
sem það er fryst.
Í sumar vinnur Jón í mjölbræðslu
hvalstöðvarinnarog verður „þurrk-
arakarl“. Mikill hiti er í kringum
þurrkarann, eðli málsins samkvæmt.
„Mér verður ekki kalt í sumar, það
er óhætt að segja það,“ sagði Jón.
Jón tók upp millinafnið Stormur
þegar það var leyft. „Það gustaði oft
af mér á yngri árum – var svolítið
virkur! Þess vegna tók ég nafnið
upp. Það var ekki orðið eins algengt
þá og það er nú.“
Hugur kominn í menn
vegna hvalvertíðar
- Jón Stormur Benjamínsson fór fyrst á hvalvertíð 2015
Morgunblaðið/Hákon
Jón Stormur „Það gustaði oft af mér á yngri árum – var svolítið virkur! Þess
vegna tók ég nafnið upp. Það var ekki orðið eins algengt þá og það er nú.“
Ragnhildur Þrastardóttir
ragnhildur@mbl.is
Landspítali ætlar að grípa til ráðstaf-
ana til þess að sporna við frekari út-
breiðslu kórónuveirusmits innan spít-
alans. Grímuskyldu verður komið á
og heimsóknir verða takmarkaðar.
Staðan er snúin, að sögn yfirlæknis,
en fjölgun innlagna Covid-veikra
bætist ofan á annað álag á spítalanum
og orlof starfsfólks.
30 smitaðir á 8 deildum
„Við erum með 30 sjúklinga inni á
átta deildum, þar af eru 28 í einangr-
un, tveir á gjörgæslu og annar þeirra í
öndunarvél. Það bættust við 16 síðast-
liðinn sólarhring vegna innlagna og
smita innanhúss,“ segir Már Krist-
jánsson, yfirlæknir á smitsjúkdóma-
deild Landspítala. Aðspurður segir
Már að ekki hafi verið tekin ákvörðun
um að færa spítalann upp á hættustig
vegna ástandsins en það verður
mögulega skoðað.
Aftur grímu-
skylda á LSH
- Snúin staða vegna fleiri smita
Morgunblaðið/Ásdís
Covid Már Kristjánsson, yfirlæknir
smitsjúkdómadeildar Landspítala.
Sólrún Lilja Ragnarsdóttir
solrun@mbl.is
Grunur er um tilfelli af berklum
hér á landi og til skoðunar er hvort
um fjölónæma berkla er að ræða.
Þetta staðfestir Þórólfur Guðnason
sóttvarnalæknir. Hann gerir ráð
fyrir að senda þurfi sýni til útlanda
til að staðfesta greininguna, en vit-
að er um eitt tilfelli.
„Það er bara í skoðun. Þetta er
það sem hefur verið bent á, þegar
það kemur meiri flóttamanna-
straumur eins og núna undanfarið,
þá er þetta eitthvað sem við getum
búist við að sjá og það er tilfelli til
skoðunar.“
Þórólfur segir það ekki nýtt að
berklasmit greinist á Íslandi í
seinni tíð, það hafi gerst reglulega
síðustu ár. „Auðvitað er það erf-
iðara þegar það
greinast svona
fjölónæmir berkl-
ar og það er það
sem er í skoðun.“
Þórólfur vill
ekki tjá sig um
uppruna smitsins
en aðspurður
hvort viðkomandi
sé í einangrun
segir hann: „Það
er bara verið að gera alla réttu
hlutina í kringum það.“
Fjölónæmir berklar hafa nokkr-
um sinnum komið upp hér á landi
en þeir eru ónæmir fyrir hefð-
bundnum berklalyfjum og eru vax-
andi vandamál í heiminum. Um er
að ræða alvarlegan sjúkdóm sem
erfitt og kostnaðarsamt er að með-
höndla.
Grunur um eitt fjöl-
ónæmt berklasmit
- Alvarlegur og erfiður sjúkdómur
Þórólfur
Guðnason