Skólavarðan - 2021, Qupperneq 12

12 SKÓLAVARÐAN VOR 2021
VIÐTAL / Birte Harksen
verða ástfangin. Baldur fluttist síðan til
Danmerkur og þau bjuggu þar næstu
árin. Birte fór í kennaranám og starfaði
svo sem grunnskólakennari í Árósum.
Þegar Baldri bauðst starf á Íslandi
ákváðu þau að grípa tækifærið til að
styrkja íslenskukunnáttuna hjá syni
þeirra, sem þá var fjögurra ára, auk þess
sem Birte sjálf vildi líka læra íslensku
betur.
Upphaflega var hugmyndin að
Birte starfaði sem dönskukennari. Hún
segist vera hæstánægð með að hafa
sótt um vinnu í Heilsuleikskólanum
Urðarhóli sem þá var nýstofnaður. Það
var einmitt þar sem sonur hennar hafði
fengið leikskólapláss. „Mér fannst gam-
an að kenna í grunnskóla í Danmörku,“
segir Birte, „en þegar ég fór að vinna í
leikskóla á Íslandi áttaði ég mig á því
að það var mín raunverulega köllun að
vinna með börn á leikskólaaldri.“ Birte
tók síðar viðbótardiplómunám við HA
og fékk þá leyfisbréf sem leikskóla-
kennari.
Tónlistarstarfið á Urðarhóli
Birte er fagstjóri í tónlist og fer á milli
deilda Urðarhóls. „Ég fer á hverja deild
einu sinni í viku og er með söngstund
og ég sé líka um danstíma einu sinni í
viku. Mér finnst það vera forréttindi að
fá að vera með öllum börnum leikskól-
ans og upplifa hvað þau hlakka til að
fá mig til sín.“ Þetta hefur Birte gert í
mörg ár og má segja að það sé megin-
hlutinn af starfi hennar. Tónlistarstarfið
er þó ekki hennar eina hlutverk því
að hún er líka hluti af starfsmanna-
hópnum á einni deild og var í mörg ár
deildarstjóri þar. Birte er ánægð með
að vera hætt sem deildarstjóri en finnst
nauðsynlegt að halda áfram almennu
starfi á deild en hún segir að starfið gæti
orðið of einhliða ef það snerist bara um
tónlist. „Ég hef líka gaman af sögu-
stundum, skapandi starfi, drullumalli
og göngu túrum svo að eitthvað sé
nefnt.“
Birte tekur frumkvæðið að því að
hrinda hugmyndum sínum í fram-
kvæmd og hún hefur verið svo heppin
að leikskólastjórarnir í Heilsuleikskól-
anum Urðarhóli hafa gefið henni svig-
rúm og tækifæri til þess. Þegar hún á
sínum tíma fékk hugmyndina að því að
þróa tónlistarstarf leikskólans meira og
bað um leyfi til að vera með söngstundir
á öllum deildum var því vel tekið af
Unni Stefánsdóttur heitinni, stofnanda
heilsuleikskólahreyfingarinnar og
þáverandi leikskólastjóra á Urðarhóli.
„Þessi jákvæðu viðbrögð frá Unni
voru mér líka hvatning til að sækja
um þróunarstyrk til verkefnis sem ég
kallaði Breitt og fjölbreytt tónlistarstarf
í leikskóla en það varð síðar að vefnum
Börn og tónlist.“
Maja maríuhæna
Þróunarverkefnið Breitt og fjölbreytt
tónlistarstarf bar reyndar líka annan
ávöxt, en það var geisladiskurinn
Maja maríuhæna og önnur barnalög
sem Birte gaf út með hjálp Sigtryggs
Baldurssonar árið 2007. Á disknum eru
m.a. vinsæl dönsk barnalög sem Birte
og Baldur, eiginmaður hennar, þýddu
yfir á íslensku. Þekktust þeirra eru
eflaust Maja maríuhæna og Ruggutönn.
Einnig er frumsamið lag eftir Birte á
disknum en það heitir Álfadrottningin.
Þar er álfadrottning að reyna að lokka
börnin til að dansa við sig, en þau
vita að það er hættulegt og segja því
ákveðið nei. „Þetta lag er alltaf sungið á
þorrablótum á Urðarhóli.“
Birte segir frá því þegar diskurinn
varð til: „Sigtryggur var með barn á
deildinni hjá mér og tók eftir því að við
vorum að syngja öðruvísi lög. Hann
bauðst til að hjálpa mér að búa til disk
og ég trúði varla eigin eyrum. Fyrst
gerðum við bara upptökur af mér og
gítarnum og síðan fengum við fjögur
börn úr leikskólanum til að koma með
í stúdíóið hans og syngja með í sumum
lögunum. Sigtryggur bætti síðan inn
áslætti og fleiri hljóðfærum og hljóð-
blandaði þessu.“
Birte tekur fram að þetta sé bara
lítill áhugamannadiskur sem aldrei
hafi verið seldur í plötubúðum eða eftir
Þau
brosa og
ég brosi
og ég hlæ
og þau
hlæja.
Birte tekur frumkvæðið að því að hrinda hugmyndum sínum í framkvæmd og hún hefur verið svo heppin að leikskólastjórarnir í Heilsuleikskólanum Urð-
arhóli hafa gefið henni svigrúm og tækifæri til þess.