Litli Bergþór - 01.06.2021, Qupperneq 15

Litli-Bergþór 15
Ketilbjörn ehf.
Vinnuvélaverktaki, Syðri-Reykjum
Grétar Már · Sími 868 7219
Grímur Þór · Sími 892 3444
hef ég unnið nær eingöngu heiman frá því í apríl
2020 svo þetta hefur vissulega verið sérstakt ár,
sérstaklega í nýju starfi!
Eins og fyrr segir er ég gift, maðurinn minn heitir
Steinar Þór Sturlaugsson og er tölvunarfræðingur
sem vinnur hjá háskólastofnuninni SciLifeLab
hérna í Uppsölum. Við eigum tvær dætur, Ylfu
(fædd 2010) og Aríu Eik (fædd 2017). Við
keyptum íbúð í Uppsölum árið 2018 og líður
afskaplega vel hér. Þetta er róleg og falleg gömul
háskólaborg, við njótum sænska veðurlagsins (og
verðlagsins, svona samanborið við Ísland) og hér
er almennt minna stress. Lengi vel áttum við ekki
bíl heldur fórum við allra okkar ferða hjólandi,
eða þar til við vorum komin með nýfætt barn árið
2017. Núna erum við reyndar komin á Volvo, eins
og ekta Svensson. Við búum nálægt Fyrisánni
sem rennur í gegnum miðborg Uppsala og stutt er
í falleg náttúruverndarsvæði og skóga, eyðum við
miklum tíma úti þegar veður leyfir.
Það sem við söknum mest frá Íslandi er að
sjálfsögðu fjölskylda og vinir, og ég sakna þess
reyndar merkilega mikið að sjá fjöll. Það er alltaf
yndislegt að koma heim til Íslands og þá sérstaklega
í sveitina og kyrrðina þar, nú er auðvitað orðið
alltof langt síðan vegna ferðatakmarkana. Það er
alls ekki útilokað að leið okkar fjölskyldunnar
muni aftur liggja heim í framtíðinni en við munum
alltaf búa að þeirri góðu reynslu að hafa prófað
að búa erlendis. Það víkkar sjóndeildarhringinn
að læra nýtt tungumál vel og að kynnast nýrri
menningu og siðum. Hér hef ég kynnst fólki af
fjölmörgum ólíkum þjóðernum, ­ sem er kostur
við háskólaborg ­ og mæli ég eindregið með því.
Ylfa í skógarferð í Uppsölum.
Elín og Steinar í sumarfríi á Íslandi, uppi á Bolafjalli.