Litli Bergþór - 01.06.2021, Side 33

Litli-Bergþór 33
Dagmar Sif Morthens og Lilja Björk Sæland
fá viðurkenningu og hrós fyrir góðan árangur í
frjálsum. Þær hafa verið að æfa og keppa fyrir
hönd Selfoss og staðið sig með prýði.
Það verða engar breytingar á stjórninni hjá okkur
í íþróttadeildinni að þessu sinni, undirritaður er
áfram formaður, Ása Sigrún Sigurðardóttir heldur
áfram sem gjaldkeri á meðan Sólmundur Magnús
Sigurðarson heldur áfram sem ritari.
Við hjá íþróttadeildinni hvetjum krakkana til að
vera dugleg að æfa og prófa nýjar íþróttir á næstu
árum og stunda æfingar.
Fyrir hönd
íþróttadeildarinnar,
Gústaf Sæland.
Lygar
Ef að þú svindlar og svíkur,
af sannleikans vegi þú víkur,
þá vita þú mátt,
þó fyrst hlæir dátt:
það sést gegnum keisarans flíkur.
Ef að þú loddar og lýgur
á lymskunnar vængjum þú flýgur
þá vita þú mátt,
þó fyrst fljúgir hátt:
höggið er sárt er þú hnígur.
Ef að þú bullar og blaðrar
og belgir þig út svo það jaðrar
við vitleysishátt,
þá vita þú mátt:
við djöfulinn sjálfan þú daðrar.
Unnur Malín Sigurðardóttir, 2021
Bjarnabúðarblús
saminn í tilefni 30 ára afmælis búðarinnar.
Vaknaði um morguninn,
opnaði ísskápinn.
Gaufmyglað grænmeti
lá þar og á mig starði.
Þarf að fylla á birgðirnar,
bruna því í búðina,
til Oddnýjar og Bjarna.
Þar fæ ég allt sem mig vantar:
Kaffi og mjólk,
spjalla við fólk,
í Bjarnabúð á Brautarhóli.
Fjármála- og félagsmiðstöð,
bensínafgreiðsla, biðröð,
strætisvagnastoppistöð.
Ég fer inn úrill, en út glöð.
Mér finnst það svalt
að það fáist allt
í Bjarnabúð á Brautarhóli.
Unnur Malín Sigurðardóttir, 2016
Ef
það fæst ekki í
Bjarnabúð, þá vantar
þig það ekki!
Efri röð frá vinstri: Þröstur, Teitur, Greipur, Óli.
Neðri röð frá vinstri: Jörundur, Reimar.