Fréttablaðið - 27.08.2022, Side 28

Margir eiga góðar
minningar úr þessu
húsi en það var reist árið
1938 af fjölskyldu Lár-
usar Helgasonar og
Elínar Sigurðardóttur á
Klaustri. Hótelið þjónaði
gestum allt til ársins
1994.
Veitingahúsaflóran á lands-
byggðinni hefur verið að
aukast á undanförnum árum
og ferðamenn hafa nú úr
meiru að velja en hamborg-
urum og pylsum. Kjarr res-
taurant var opnaður á Kirkju-
bæjarklaustri 17. júní. Í tilefni
þess var íbúum Klausturs
boðið í kaffi og tertu.
sjofn@frettabladid.is
Íbúum staðarins fannst ánægju-
legt að sjá að gamla hótelið hefði
fengið nýtt líf. Margir eiga góðar
minningar úr þessu húsi en það
var reist árið 1938 af fjölskyldu
Lárusar Helgasonar og Elínar
Sigurðardóttur á Klaustri. Hótelið
þjónaði gestum allt til ársins 1994
en þá fluttist starfsemin á Hótel
Klaustur. Frá árinu 1997 var
Kirkjubæjarstofa með starfsemi
í húsinu en flutti síðan á efri hæð
heimavistarálmu Kirkjubæjar-
skóla á Síðu í febrúar 2021.
Eigendur Kjarrs eru þau Baldvin
Lár Benediktsson, Lárus Hilmar
Sigurðsson og Vigdís My Diem Vo.
Strákarnir unnu lengi í Hörpunni,
bæði á Kolabrautinni og í veitinga-
þjónustunni, og síðan störfuðu
þeir á La Primavera, en síðustu
tvö ár hefur Baldvin tekið þátt
í ævintýri Sælkerabúðarinnar.
Vigdís lærði konditor og bakara
hjá Sandholts bakaríi og vann þar
í mörg ár. Eftir meistaraskólann
starfaði Vigdís hjá ísbúðinni Skúbb
og var bakari og konditor á Edition
hótelinu á Hafnartorgi. Þau hafa
öll brennandi áhuga á matargerð
og draumurinn er að reka eigin
veitingastað. Þess má geta að
Baldvin Lár og Lárus Hilmar eru
afkomendur Siggeirs og Soffíu sem
lengst af sáu um rekstur hótels-
ins á Klaustri en það var byggt af
langafa þeirra.
Vissi ung hvað hún vildi gera
Vigdís var einungis 17 ára þegar
hún hóf námið og hefur starfað
sem bakari og konditor síðan.
„Ég er með brennandi áhuga á
kokteilum og matargerð. Ég sé um
kokteilgerðina og barinn á Kjarri
auk eftirréttanna. Mér finnst
gaman að geta nýtt það hráefni
sem er í nærumhverfinu og nota
það gjarnan í kokteilana sem og í
eftirréttina,“ segir Vigdís og nýtur
sín í botn á Klaustri. „Eftir að ég
útskrifaðist árið 2016 færði ég mig
yfir á Marshall restaurant sem
síðar varð La primavera. Ég fór
svo aftur til Sandholt til að klára
bakara- og meistaranámið.
Ég tók eitt sumar í Skúbb þar
sem ég sá um vöruþróun og opnun
á Skúbb á nýjum stað. Árið 2021
byrjaði ég að vinna hjá Reykjavik
Edition, þar var ég yfir bakara- og
pastry-deildinni, þar sá ég um
allan brauðbakstur, bakkelsi og
alveg út í konfektgerð. Ég hef tekið
þátt í nokkrum keppnum, meðal
annars um eftirrétt ársins og kon-
fekt ársins.“
Vigdís varð í 3. sæti í keppninni
um Eftirrétt ársins 2013, 3. sæti í
Konfekti ársins 2019, 2. sæti í Kon-
fekti ársins 2020 og tók 1. sætið í
Konfekti ársins 2021.
„Matarástin kviknaði þegar ég
fylgdist með og hjálpaði mömmu
við eldamennsku þegar ég var
yngri. Viðbrögðin sem ég fékk,
hversu ánægt fólk var með það
sem ég útbjó hvatti mig enn frekar
til dáða, það er mjög gefandi til-
finning að sjá fólk njóta matarins,“
segir Vigdís og brosir.
Unnu saman á La Primavera
Lárus Hilmar hefur starfað við
eldamennsku í átta ár en fór í
stál smíði í tvö ár hjá vélsmiðjunni
Stálvík í smá pásu 2020 til 2022 sem
kom sér vel við uppsetningu á öllu
stálinu í eldhúsinu á Kjarri og smíði
á barnum. „Ég byrjaði að læra á
Kolabrautinni árið 2014 ,tók síðan
eitt sumar á Hótel Eddu árið 2017
og byrjaði svo eftir það sumar hjá
La Primavera,“ segir Lárus Hilmar.
Þríeykið vinnur vel saman og
skiptir með sér verkum þar sem
hæfileikarnir nýtast best. „Við
Lárus sjáum að mestu leyti um
eldhúsið með aðstoð frá Vigdísi.
Ég byrjaði að læra matreiðslu árið
2013 á Kolabrautinni í Hörpunni.
Eftir að ég útskrifaðist árið 2016
vann ég nokkra mánuði á Kola-
brautinni sem vaktstjóri og færði
mig svo yfir á Marshall restaurant
með Leifi Kolbeinssyni sem
er meistari minn ,“ segir Lárus
Hilmar.
Baldvin Lár vann einnig með
Lárusi þar sem ítalska matargerðin
heillaði. „Við Lárus unnum saman
á La Primavera. Við tengdum vel
við þá einföldu ítölsku matargerð
sem var og er þar. Við erum því
svolítið ítalskir í okkur og leitum
í góð staðarhráefni. Síðustu tvö ár
hef ég unnið í Sælkerabúðinni hjá
Viktori og Hinriki Erni,“ segir Bald-
vin Lár og er afar ánægður með
hve vel hefur tekist til við að flétta
saman kunnáttu þeirra þriggja.
„Við erum öll frekar ung, Baldvin
er 25 ára, Vigdís 26 ára og ég 25
ára,“ segir Lárus Hilmar.
„Baldvin og ég erum báðir frá
Kirkjubæjarklaustri. Baldvin ólst
upp á Klaustri áður en hann flutti
suður. Okkur hefur lengi langað
að opna stað og gera eitthvað sjálf.
Svo kom tækifæri þegar Kirkjubæj-
arstofa fékk nýtt húsnæði og allt
í einu var gamla gistihúsið laust.
Það stóð autt í tvö ár meðan Covid
gekk yfir og eigendur hússins hugs-
uðu um hvað þar skyldi verða, við
vorum svo heppin að fá það í hend-
urnar og láta draum okkar rætast
um opnun á veitingastað þar sem
við gætum látið matarástina okkar
blómstra.“
Matargerðin
blómstrar á
landsbyggðinni
Eigendurnir á
Kjarr restaurant
eru ungir en
hafa komið víða
við, þau Baldvin
Lár Benedikts­
son, Lárus
Hilmar Sigurðs­
son og Vigdís
My Diem Vo.
MYND/AÐSEND
Húsið var byggt árið 1938 og stendur á fallegum stað við Klaustur.
Kjarr nafn með rentu
Þegar kom að því að velja nafn á
veitingastaðinn vildi þríeykið hafa
það íslenskt og með skírskotun í
svæðið. „Við vildum velja íslenskt
nafn en samt nógu auðvelt fyrir
ferðamenn að geta sagt og skrifað.
Við vildum hafa eitthvað náttúru-
tengt, gaman er að geta þess að
Jóhannes Sveinsson (Kjarval) er frá
Kirkjubæjarklaustri.“
Húsinu sjálfu var mikið breytt
að innan til að þjóna nýju hlut-
verki en að utan var ekki hróflað
við neinu nema að timburpalli var
bætt við vestan megin við húsið.
Mikill metnaður er í matargerð-
inni og eigendurnir leggja áherslu
á að fá gott hráefni úr héraðinu.
„Við bjóðum fyrst og fremst upp á
heiðarlegan og góðan mat,“ segja
þau. „Við fáum Klausturbleikjuna
hinum megin við götuna, lengra
þarf ekki að fara.
Rabbarbarinn kemur úr bak-
garðinum og við notum hann bæði
í kokteilana og í rabbarbarabök-
una okkar. Við notum einungis
hvannarlauf á rauðrófuréttinn
okkar og stundum kerfil sem við
tínum úti í skógi. Með haustinu er
áætlað að nota bláber og krækiber.
Síðan er stefnan sett á að vera
enn meira með hráefni úr okkar
nærumhverfi í framtíðinni. Einnig
væri draumur að geta ræktað eitt-
hvað sjálf, til dæmis kartöflur og
gulrætur, mögulega fleiri tegundir
af grænmeti.“
Stíllinn okkar
Innblásturinn í matargerðina hafa
þau sótt á ferðalögum sínum. „Við
höfum ferðast mikið um Ítalíu og
Króatíu og það hefur heillað okkur
hversu einföld matargerðin er á
þessum slóðum. Við tókum stílinn
sem var þarna úti og gerðum hann
að okkar með íslensku hráefni í
forgrunni. Okkar uppáhaldsréttur
er sjávarréttapastað, einnig erum
við hrifin af rabbarbarabökunni,
hún minnir á baksturinn hennar
ömmu þegar við vorum yngri,“
segir þríeykið að lokum, sem veit
fátt skemmtilegra en að töfra fram
sælkerakræsingar fyrir matargesti
sína. n
100% náttúruleg
hvannarrót
60 HYLKI FÆÐUBÓTAREFNI
hvannarrót
Leyndarmál
hvannarrótar
Loft í maga?
Glímir þú við
meltingartruflanir?
Næturbrölt
Eru tíð þvaglát
að trufla þig?
Fæst í næsta apóteki, heilsuvöru-
verslun, Hagkaupum og Nettó.
4 kynningarblað A L LT 27. ágúst 2022 LAUGARDAGUR