Fréttablaðið - 31.08.2022, Side 30

Ég held að þetta muni
bara hafa góð áhrif á
mig til framtíðar.
AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is ALMENNAR AUGLÝSINGAR: SÍMI 550 5050: Andrés Bertelsen andres@
frettabladid.is, Auður Húnfjörð audur@frettabladid.is, Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/SÉRBLÖÐ SÍMI 550 5078: Arnar
Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@frettabladid.is, Ruth Bergsdóttir ruth@frettabladid.is FÓLK
OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR/FASTEIGNIR SÍMI 550 5056: Hrannar Helgason hrannar@frettabladid.is TÍMAMÓTA- OG
ÞJÓNUSTUAUGLÝSINGAR: SÍMI 550 5055: Arna Rut Kristinsdóttir arnarut@frettabladid.is
Verzlunarskólaneminn Hrafn-
hildur Haraldsdóttir, nýkrýnd
Miss Universe Iceland, er enn
að reyna að ná áttum og segir
stuðning skólafélaganna hafa
verið henni mikilvægan þótt
hún finni einnig fyrir slúðri
menntaskólaáranna.
odduraevar@frettabladid.is
Hrafnhildur Haraldsdóttir var
krýnd Miss Universe Iceland í síð-
ustu viku og hún segist enn vera að
reyna að ná áttum. „Þegar úrslitin
voru tilkynnt leið mér eins og mig
væri að dreyma. Ég áttaði mig engan
veginn á þessu og tilfinningarnar
voru bókstaflega úti um allt,“ segir
fegurðardrottningin.
„Ég er enn þá að reyna að ná
áttum en ég er aðallega ótrúlega
spennt fyrir komandi tímum og
svo rosalega hamingjusöm með
allar yndislegu kveðjurnar og
stuðninginn sem ég er búin að fá,“
segir Hrafnhildur og bætir við að
hún voni innilega að hún muni gera
alla stolta af sér þegar kemur að því
að stíga á svið í stóru Miss Universe-
keppninni.
Alltaf langað að keppa
Hrafnhildur segist aðspurð ekki
hafa skráð sig í keppnina með sigur
sem markmið. „Nei, í raun ekki.
Mig hefur alltaf langað til að keppa
í svona keppni og alltaf litið mikið
upp til þeirra sem vinna. Eftir að ég
fór í keppnina sá ég hvað það voru
margar gullfallegar og yndislegar
stelpur með mér í þessu og þá ákvað
ég bara að njóta og skemmta mér
þetta sumar.“
Hún segist ekki geta lýst því með
orðum hversu spennt hún er fyrir
aðalkeppninni og hún geti hrein-
lega ekki beðið eftir því sem er fram
undan hjá henni sem Miss Universe
Iceland.
Hvernig líst foreldrum þínum á að
þú sért orðin Miss Universe Iceland?
„Þau eru hreinlega orðlaus en
auðvitað ótrúlega hamingjusöm,
stolt og spennt að sjá hvert hlut-
irnir fara.“
Mikið slúðrað
Hrafnhildur, sem er átján ára, skráði
sig til leiks um leið og hún hafði
aldur til en þátttökurétturinn er
bundinn við aldursbilið frá 18 til
28 ára.
„Ég er enn þá að reyna að klára
menntaskóla þannig að já, ég held
að þetta sé aðeins öðruvísi reynsla
að vera svona ung. Það er mikið af
slúðri í gangi á menntaskólaaldr-
inum.
Ég hef ég alveg fundið fyrir því og
hef alveg óskað þess að vera aðeins
eldri og vera komin upp úr þessu
menntaskólaslúðri. Hins vegar er
ég enn að þroskast og held að þetta
muni bara hafa góð áhrif á mig til
framtíðar.“
Hrafnhildur tók við titlinum á
miðvikudagskvöldi og tók sér smá
frí frá skólanum enda hélt rússí-
bana reiðin áfram. „Ég fór ekki
í skólann fyrr en mánudaginn
eftir keppnina því dagarnir eftir
keppnina voru rosalega krefjandi
og mikið að gera, sem er auðvitað
bara skemmtilegt og mikil reynsla.“
Hvað sögðu skólafélagarnir um
sigurinn?
„Skólafélagarnir hafa verið mínir
helstu stuðningsmenn og ég er
alveg of boðslega þakklát. Sérstak-
lega fyrir yndislega bekkjarfélaga
mína.“ n
Fegurðardrottningin
finnur fyrir slúðrinu
Hrafnhildur Haraldsdóttir er eins ung og Miss Universe Iceland getur verið,
átján ára, og hefði vel getað hugsað sér að vera aðeins eldri en er þess þó
fullviss að titillinn og reynslan muni hafa góð áhrif á hana. MYND/AÐSEND
toti@frettabladid.is
Brasilíski töframaðurinn Bernardo
Sedlacek heldur fyrirlestur hjá Hinu
íslenska töframannagildi í dag og er
sannkallaður aufúsugestur enda tal-
inn með þeim allra bestu á heims-
vísu.
„Það verður hlustað af virkilega
mikilli andakt, held ég. Hann er
kominn á það stig að menn hafa
áhuga á því sem hann hefur fram
að færa,“ segir Gunnar Kr. Sigur-
jónsson, forseti Hins íslenska töfra-
mannagildis, um Bernardo sem
hella mun úr skálum visku sinnar
og reynslu.
Gunnar segir Bernardo meðal
annars hafa komið með nýjar sál-
fræðilega víddir og ýmislegt annað
inn í töfrabrögðin sem hann hefur
tileinkað sér og kennir öðrum að
nota.
„Hann hefur í gegnum árin lært
hjá þeim albestu í heimi og fyrrver-
andi heimsmeistarar í töfrabrögð-
um hafa verið að kenna honum og
þjálfa hann upp,“ segir Gunnar sem
hitti Bernardo stuttlega í ágúst-
byrjun þegar hann var meðal 3.500
töframanna á alheimsmóti þeirra í
Quebec í Kanada þar sem Bernardo
var með fyrirlestur og vinnustofu.
„Það er nefnilega svo skrýtið að
hann hafði samband við okkur að
fyrra bragði vegna þess að hann
langaði að koma til Íslands,“ segir
Gunnar, hæstánægður með að
íslenskir töframenn njóti Íslands-
áhuga meistarans með þessu móti.
Gunnar leggur áherslu á að Hið
íslenska töframannagildi er áhuga-
félag um töfrabrögð og vettvangur
þeirra sem hafa áhuga á slíkum
fræðum og vilja ef til vill læra meira.
Hann hvetur því áhugasama til að
hafa samband, á netfanginu tofrar@
toframenn.is fyrir kvöldið í kvöld,
vilji þeir komast í tæri við Bernardo,
en áréttar þó að fyrirlestrar hans
séu fyrst og fremst fyrir aðra töfra-
menn þannig að fólk þurfi að hafa
eitthvað fyrir sér í fræðunum til
þess að eiga þangað erindi. n
Töfrandi fyrirlestur fyrir galdrafólk
Bernardo
Sedlacek,
töframaður
26 Lífið 31. ágúst 2022 MIÐVIKUDAGURFRÉTTABLAÐIÐ
FRÉTTAVAKTIN
KL. 18.30 ALLA VIRKA DAGA
Fjölbreytt fréttaumfjöllun í opinni dagskrá
fyrir fólkið í landinu. Úrvalslið fjölmiðlafólks
fer yfir fréttayfirlit dagsins ásamt því að
fá til sín góða gesti til að ræða helstu mál
líðandi stundar.
Þátturinn er sýndur á Hringbraut og
frettabladid.is