Mosfellingur - 28.04.2022, Side 16

- www.mosfellingur.is16
Mosfellsbær hefur unnið að endurnýjun
samstarfssamninga við íþrótta- og tóm-
stundafélög í Mosfellsbæ í samstarfi við
félögin á síðustu vikum.
Markmið samninganna er að tryggja
öflugt og fjölbreytt íþrótta- og tómstunda-
starf í Mosfellsbæ. Samstarfssamningar við
félög hafa verið gerðir frá árinu 2014 og eru
mikill stuðningur við starfsemi íþrótta- og
tómstundafélaga.
Fjárframlög í samningum taka meðal
annars til barna- og unglingastarfs, til
almenns reksturs, til sumarstarfa og til
afreksstarfsemi og afreksþjálfunar. Félög
sem eiga eigið húsnæði fá framlög vegna
afnota af eigin mannvirkjum til barna- og
ungmennastarfs.
Tilraunaverkefni um félagshesthús
Samningarnir byggja að stofni til á fyrri
samningum sem gerðir voru árið 2018. Við
undirbúning þeirra var m.a. tekið mið af
reynslu síðustu ára, áherslum Mosfells-
bæjar og mati á óskum félaganna. Dæmi
eru um aukin framlög þar sem Mosfellsbær
felur félögum ný verkefni eða tekur þátt í
verkefnum með öðrum hætti. Þannig er
samið við Aftureldingu um aukið fjármagn
í almennan rekstur, til afreksstarfsins og til
barna- og unglingastarfs.
Þá er samið um aukið fjármagn til að fara
af stað með tilraunaverkefni um félagshest-
hús hjá Hestamannafélaginu Herði með
það að markmiði að styrkja ungt fólk til að
taka sín fyrstu skref í hestamennsku.
Félög setji sér siðareglur
Félögunum ber eins og áður að gera grein
fyrir ráðstöfun fjármuna með framvindu-
skýrslum til fræðslu- og frístundasviðs og
íþrótta- og tómstundanefndar.
Þá er það skilyrði fyrir fjárveitingum til
íþrótta- og tómstundafélaga að þau setji sér
siðareglur, viðbragðs- og aðgerðaráætlun í
tengslum við þær og fræði starfsfólk um
kynferðislegt áreiti/ofbeldi og hvers konar
annað ofbeldi.
Efla og þróa áfram starfsemi félaganna
„Það er frábært að þessari vinnu sé lokið
og okkar mat er að samningarnir séu til
þess fallnir að efla og þróa áfram starfsemi
félaganna og þar með Mosfellsbæjar á sviði
íþrótta- og tómstundamála, segir Haraldur
Sverrisson bæjarstjóri.
Samningagerðin byggist nú eins og alltaf
á þéttri samvinnu og samtali milli Mosfells-
bæjar og félaganna til að leiða fram niður-
stöðu sem er til þess fallin að styrkja íþrótta-
og tómstundastarf í bænum okkar.“
Samið við íþrótta- og tómstundafélög í Mosfellsbæ til ársins 2024 • Tryggja öflugt og fjölbreytt starf
SamStarfSSamningar undirritaðir
Frá undirritun samninga sem fram fór í Hlégarði. Hjalti Úrsus Árnason (Kraftlyftingafélag Mosfellsbæjar), Helgi Kjartansson (Björgunarsveitin Kyndill),
Dagbjört Brynjarsdóttir (Skátafélagið Mosverjar), Birna Kristín Jónsdóttir (Ungmennafélagið Afturelding), Haraldur Sverrisson bæjarstjóri, Jóhann Arnór
Elísson (Motorcrossfélag Mosfellsbæjar), Margrét Dögg Halldórsdóttir (Hestamannafélagið Hörður)
Vinna við endurgerð fyrstu hæðar Hlégarðs
lauk á dögunum og var húsið opið fyrir
bæjarbúa sunnudaginn 10. apríl þar sem
þessar myndir voru teknar.
Hlégarður var vígður árið 1951 og varð
því 70 ára í fyrra og því var viðeigandi að
gera húsinu til góða á því ári. Framkvæmd-
um lauk að mestu á afmælisárinu en síð-
ustu vikur hafa verið nýttar til þess að hnýta
lausa enda eins og gengur og gerist.
Hlégarður er teiknaður af Gísla Halldórs-
syni arkitekt og var þess sérstaklega gætt við
endurgerðina að halda í heildaryfirbragð
hússins í samhengi við höfundareinkenni
byggingarinnar og sögu þess. Samhliða var
það markmið að breytingarnar yrðu til þess
að auka notagildi hússins.
Viðburðahald hafið að nýju
Viðburðarhald er þegar hafið að nýju og
hófst með tónleikum GDRN og á næstunni
kemur að vortónleikahaldi Listaskólans svo
nokkuð sé nefnt.
„Hlégarður er okkur Mosfellingum mjög
mikilvægt hús og það hefur verið gaman að
fylgjast með þeirri umbreytingu á aðstöðu
til viðburðahalds sem endurgerður Hlé-
garður felur í sér.
Við fórum þá leið að skoða hönnun og
sögu hússins, nýttum myndir frá fyrri tíð
sem geymdar eru á Héraðsskjalasafninu til
þess að kalla fram upplýsingar um efnis-
notkun frá fyrri tíð og fanga þannig anda
hússins um leið og við bættum nýtingar-
möguleika á milli rýma og ég segi einfald-
lega Mosfellingar, til hamingju með endur-
gerðan Hlégarð,“ segir Haraldur Sverrisson
bæjarstjóri.
Líf að færast í Hlégarð á ný • Bæjarbúar gátu skoðað endurbætur á opnu húsi
Hlégarður opnaður formlega
að lokinni endurgerð
spjallað yfir kaffisopa
Greta salóme oG
Gunnar taka laGið
Gdrn hélt tónleika á döGunum
helGa, halla karen
oG anna siGríður