Fréttablaðið - 27.10.2022, Side 6

Ég vil að við tökum á
móti flóttafólki og
hælisleitendum og
veitum þeim skjól, ég
vil bara líka fá hjálp.
Ragnar Erling Hermannsson
Skerpa þarf regluverk í
tengslum við strok og
veiði á eldislaxi. Bæta
við rafrænni vöktun í
fleiri laxveiðiám.
Í Noregi hefur náðst
mjög góður árangur.
Hlutfall bifreiða á
nagladekkjum hefur
snarminnkað eftir
gjaldtöku sveitarfélaga.
Svava Svanborg
Steinarsdóttir,
verkefnisstjóri
hjá Heilbrigðis-
eftirliti Reykja-
víkur
Heimilislaus maður í Reykja-
vík segir ósanngjarnt að
heimilislausir séu látnir vera
úti í kuldanum á meðan aðrir
hópar fái aðstoð. Hann segist
tala fyrir daufum eyrum, hægt
ætti að vera að hjálpa öllum.
birnadrofn@frettabladid.is
FÉLAGSMÁL Ragnar Erling Her-
mannsson, heimilislaus maður í
Reykjavík og félagi í Viðmóti, sam-
tökum um mannúðlega vímuefna-
stefnu á Íslandi, segir ósanngjarnt
að heimilislausir séu látnir vera úti
í kuldanum á meðan aðrir hópar
samfélagsins fái aðstoð.
„Það hefur verið í fjölmiðlum í
vikunni að til standi að taka á leigu
tíu hús fyrir f lóttafólk og í síðustu
viku var opnað Batahús fyrir konur
sem eru að ljúka afplánun en við
eigum bara enn að vera úti,“ segir
Ragnar.
Hann, ásamt félögum í Viðmóti,
hefur krafist þess að opnuð verði
aðstaða fyrir heimilislausa karl-
menn í Reykjavík. Gistiskýli séu
ekki opin á daginn og þá hafi menn-
irnir engan stað að vera á.
„Í fyrra var opnað úrræði fyrir
konur og það gengur vel svo ég skil
bara ekki af hverju það er ekki hægt
að gera það fyrir okkur líka,“ segir
Ragnar og vísar þar til Skjólsins,
úrræðis fyrir heimilislausar konur
sem rekið er af Hjálparstarfi kirkj-
unnar. Þangað geta konurnar leitað
yfir daginn þegar lokað er í Konu-
koti. Þar er boðið upp á hádegismat,
hreinlætis- og þvottaaðstöðu ásamt
því að aðstaða er til hvíldar og tóm-
stundaiðkunar.
„Og svo það sé á hreinu þá snýst
þetta ekki um að fólkið sem um
ræðir sé f lóttafólk eða konur. Ég
vil að við tökum á móti f lóttafólki
og hælisleitendum og veitum þeim
skjól, ég vil bara líka fá hjálp, það
ætti að vera hægt að hjálpa okkur
öllum,“ segir Ragnar.
Viðmót boðaði nýlega til setu-
mótmæla í gistiskýlinu á Granda
þar sem félagar neituðu að fara úr
skýlinu þegar því var lokað klukk-
an tíu að morgni en þar er opið frá
klukkan fimm seinnipartinn til
klukkan tíu. Kröfur Viðmóts sneru
að því að opnunartími gistiskýlisins
yrði lengdur eða að nýtt úrræði yrði
opnað og að mennirnir yrðu ekki
sendir út þegar gul viðvörun eða
hærri væri virk í Reykjavík.
Í kjölfar mótmælanna sagði Heiða
Björk Hilmisdóttir, formaður Vel-
ferðarráðs Reykjavíkur, að ekki
stæði til að lengja opnunartíma gist-
iskýlisins. Um neyðarúrræði væri að
ræða, lengri opnunartími gæti ýtt
undir að fólk myndi dvelja lengur í
gistiskýlinu. Neyðarskýli væru ekki
til þess gerð að fólk dveldi þar lengi
og að stefna borgarinnar væri að
koma fólki í varanlegt húsnæði.
„Það er alveg góð og gild stefna en
við erum á götunni núna og það er
að koma vetur,“ segir Ragnar. „Það
má alveg skoða hvað allt kostar
borgina og segja okkur hvernig
þessi stefna er en við erum úti í
kuldanum. Það er bara eins og eng-
inn sé að pæla í þessu og enginn tali
okkar máli.“
Ragnar segir að hvorki hann né
vinir hans vilji búa í gistiskýlinu
eða vera þar alla daga. „Við viljum
bara fá úrræði eins og konurnar til
dæmis. Þar sem við getum komið
á daginn, slakað á, farið í sturtu og
sinnt daglegum athöfnum,“ útskýrir
Ragnar.
„Það að þurfa að fara út á hverjum
degi og vera úti í sjö klukkutíma
veldur því að maður nær engri ró,
maður getur ekki fundið sér vinnu
eða neitt slíkt, það er ömurleg til-
finning.“ n
Við erum úti í kuldanum
Ragnar segist
skilja stefnu
Reykjavíkur-
borgar varðandi
heimilislausa,
nauðsynlegt sé
þó að veita hópi
heimilislausra
karla skjól strax.
FRÉTTABLAÐIÐ/
ANTON BRINK
kristinnpall@frettabladid.is
KATAR Heilbrigðisyfirvöld í Katar
tilkynntu í gær að um mánaðamót-
in yrði létt á sóttvarnaaðgerðum á
landamærum Katar og að fallið yrði
frá kröfu um neikvætt Covid-próf
þegar það styttist í að lokakeppni
Heimsmeistaramótsins í knatt-
spyrnu karla fari fram þar í landi.
Þá var hætt við fyrri áform um að
allir áhorfendur þyrftu að framvísa
neikvæðu sýni í snjallsímaforriti á
leikjum.
Með því þarf ekki lengur að fram-
vísa neikvæðu prófi við komuna
til landsins en heilbrigðisyfirvöld
minntu um leið á mikilvægi þess
að huga að sóttvörnum ef veikindi
koma upp. n
Ekki krafist neikvæðra sýna á HM
kristinnpall@frettabladid.is
ÞÝSKALAND Heilbrigðisráðherra
Þýskalands, Karl Lauterbach, kynnti
í gær áform þýsku ríkisstjórnarinn-
ar um lögleiðingu kannabisefna.
Samkvæmt því verður löglegt að
neyta kannabis sem og að vera með
tuttugu til þrjátíu grömm af kanna-
bis í vörslu sinni. Þetta er í takt við
fyrri loforð ríkisstjórnarinnar um
að gefa grænt ljós á notkun kanna-
bisefna á yfirstandandi kjörtíma-
bili.
Áður var búið að veita undan-
þáguheimild vegna kannabis-
notkunar að læknisráði en ef laga-
breytingin verður samþykkt verður
Þýskaland annað Evrópulandið til
að lögleiða kannabis á eftir Möltu.
Með því verður hægt að kaupa
kannabis úr þar til bærum versl-
unum en í könnun á síðasta ári var
fullyrt að með lögleiðingu myndu
skapast um 27 þúsund störf. n
Þjóðverjar gefa grænt á kannabis
benediktboas@frettabladid.is
STJÓRNSÝSLA Samkvæmt upplýsing-
um frá Hafrannsóknastofnun hefur
erfðablöndun milli eldislaxa og laxa
úr villtum stofnum ekki verið stað-
fest.
Þetta segir í svari Svandísar Svav-
arsdóttur matvælaráðherra við fyr-
irspurn um laxeldi frá Brynju Dan
Gunnarsdóttur, varaþingmanni
Framsóknarf lokksins. Þar segir
enn fremur að þó að ekki liggi fyrir
staðfestar upplýsingar um erfða-
blöndun milli eldislaxa og laxa úr
villtum stofnum sé brýn þörf á því,
í samræmi við varúðarregluna, að
vakta og tryggja skýrt eftirlit til að
fyrirbyggja erfðablöndun.
Svandís bendir á að rafræn vökt-
un laxveiðiáa hafi verið sett upp
á ýmsum stöðum og fáir fiskar úr
fiskeldi hafa verið greindir frá því að
kerfið var sett upp og fáir fiskar úr
eldi hafa veiðst í öðrum laxveiðiám.
Samsvarandi vöktun sé áformuð í
Breiðdalsá í Breiðdal, Skjálfanda-
f ljóti, Blöndu, Víðidalsá, Laxá í
Dölum, Langá, Úlfarsá og Elliðaám.
Þá segir að aðeins þrjú tilvik um
strok úr kvíum teljist stór. Eftir sam-
töl við starfsmenn Hafrannsókna-
stofnunar, Matvælastofnunar og
Fiskistofu hafa komið fram ábend-
ingar um að skerpa þurfi á regluverki
í tengslum við strok og veiði á eldis-
laxi.
Ráðherra stefnir að því að skipa
starfshóp með einum fulltrúa frá
hverri stofnun fyrir sig ásamt einum
fulltrúa frá skrifstofu matvæla. Hóp-
urinn mun yfirfara gildandi reglur
um máliðs og þá ferla og framkvæmd
sem sé til staðar. Einnig eigi að afla
gagna um reglur og framkvæmd
í Noregi og Færeyjum. Loks mun
hópurinn gera tillögur að endur-
skoðuðum reglum og verkferlum. n
Ekki staðfest erfðablöndun milli
eldislaxa og laxa úr villtum stofnum
Ríkisstjórn Olaf Scholz lofaði því að
leyfa kannabisefni á þessu kjörtímabili.
bth@frettabladid.is
UMHVERFISMÁL Ef g ja ldt a k a
vegna nagladekkja verður að
veruleika í Reykjavík er líklegt að
notkun nagladekkja myndi þverra
mjög með jákvæðum áhrifum á
umhverfi. Þetta er mat Heilbrigðis-
eftirlits Reykjavíkur.
„Í Noregi hefur náðst mjög góður
árangur. Hlutfall bifreiða á nagla-
dekkjum hefur snarminnkað eftir
gjaldtöku sveitarfélaga,“ segir Svava
Svanborg Steinarsdóttir, verkefnis-
stjóri hjá Heilbrigðiseftirliti Reykja-
víkur.
Fréttablaðið sagði frá því í gær
að í uppfærðri loftgæðaáætlun
Umhverfisstofnunar verður lagt
til að sveitarfélög fái heimild til að
leggja á skatt vegna nagladekkja. Í
Noregi er gjaldið um 20.000 íslensk-
ar krónur.
Brýnt er að bæta loftgæði auk þess
sem viðhaldið á götum stóreykst
með nöglum. Þá eykst umferðar-
hávaði mjög á veturna vegna nagla-
dekkja að sögn Svövu.
„Að fækka nöglum myndi bæta
lífsgæði borgarbúa á margan hátt.“
Reykjavíkurborg hefur árum
saman staðið fyrir herferðum til
að draga úr notkun nagladekkja.
Rannsóknir sýna að ýmsir kostir
eru í boði sem gera sama gagn og
naglar í ákveðnum aðstæðum að
sögn Svövu. Til að Reykjavík komi
á naglagjaldi þarf fyrst breytingu á
umferðarlögum á Alþingi.
„Við höfum í viðbragðsáætlun
ávarpað mikilvægi þess að koma á
gjaldi en það skortir heimild til þess
í umferðarlögum,“ segir Svava.
„Það væri mjög jákvætt ef Alþingi
myndi setja lög um þetta. Þá væri
sveitarfélögum í sjálfsvald sett
hvort þau koma þessu gjaldi á.“ n
Gjaldtaka stórminnki
nagladekkjanotkun
Heilbrigðiseftirlit Reykjavíkur vill að Reykjavík fái heimild til að leggja á skatt
vegna nagladekkja. FRÉTTABLAÐIÐ/ANTON BRINK
6 Fréttir 27. október 2022 FIMMTUDAGURFRÉTTABLAÐIÐ