Skessuhorn - 05.10.2022, Blaðsíða 2
MIÐVIKUDAGUR 5. OKTÓBER 20222
Fjórtán ára á
ofsahraða
BORGARFJ: Seinni part síð-
asta síðasta föstudags var til-
kynnt um ofsaakstur öku-
manns á suðurleið yfir Holta-
vörðuheiði. Lögreglan úr
Borgarnesi fór til móts við
bílinn og mætti honum við
Baulu þar sem hún gaf honum
merki um að stoppa með for-
gangs- og blikkljósum. Öku-
maðurinn stöðvaði ekki bif-
reiðina heldur jók hraðann og
hvarf sjónum. Lögregla kom
síðan að bæ í nágrenninu þar
sem ábúandi tók á móti henni
nokkuð skelkaður og benti
þeim á bílinn þar sem honum
hafði verið lagt við skemmu.
Þar sást jafnframt í iljarnar á
tveimur krökkum sem hurfu
sjónum inn í skóg og missti
lögreglan af þeim. Hafin var
leit að þeim við Borgir og
norður af Munaðarnesi en án
árangurs. Bíllinn var færður
með kranabíl á lögreglustöð-
ina í Borgarnesi og skömmu
síðar komu ungmennin
þangað til að vitja bílsins.
Kom þá í ljós að ökumaður
var einungis 14 ára gam-
all og farþeginn á svipuðum
aldri. Ökumaðurinn kvaðst að
eigin sögn hafa fengið bílinn
að láni og var bíllinn ekki til-
kynntur stolinn. Ökumaður-
inn á meðal annars von á kæru
fyrir að aka án réttinda og að
virða ekki fyrirmæli lögreglu.
Barnaverndarnefnd var til-
kynnt um málið og haft var
samband við foreldra. -vaks
Fyrsta snjófölin
LANDIÐ: Búist var við
fyrsta snjónum á fjallvegum í
landshlutanum síðustu nótt,
aðfararnótt miðvikudags,
þótt dagatalið segi að enn
séu rúmar tvær vikur í vetrar-
byrjun. Varað var við snjóföl á
fjallvegum á borð við Holta-
vörðuheiði, Bröttubrekku og
Steingrímsfjarðarheiði. Tími
vetrardekkjanna er því að lík-
indum kominn í tilfelli þeirra
bíleigenda sem eiga oft leið
yfir fjallgarðanna. -mm
Lækka veiðiráð
gjöf í loðnu
LANDIÐ: Hafrann-
sóknastofnun ráðleggur að
loðnuafli á næstu loðnuvertíð
verði ekki meiri en 218.400
tonn. Ráðgjöfin kemur í
stað upphafsráðgjafar upp á
400.000 tonn sem byggði á
magni ókynþroska loðnu í
haustmælingum 2021. „Ráð-
gjöfin verður endurskoðuð að
loknum mælingum Hafrann-
sóknastofnunar á stærð veiði-
stofnsins í janúar/febrúar eins
og aflaregla strandríkja fyrir
stofninn gerir ráð fyrir,“ segir
í tilkynningu frá Hafró. -mm
Á döfinni
Nú fer að koma sá tími að setja
vetrardekkin undir bílinn sinn
og þá er spurningin hvað hentar.
Sumir velja sér alltaf nagladekkin
hvað sem á dynur þó þau séu
ekki umhverfisvænn kostur
en gefa fólki ákveðið öryggi.
Aðrir prófa sig áfram með aðrar
tegundir dekkja en allt fer þetta
eftir því hvað fólk notar bílinn
sinn í og hvar það ekur. Aðal
málið er þó að aka miðað við
aðstæður og fara varlega.
Veðurhorfur
Á fimmtudag eru líkur á norð-
vestan og vestan 8-15 m/sek og
rigningu eða slyddu á norðan-
verðu landinu en yfirleitt hægari
vindur og þurrt sunnan til. Hiti 2
til 7 stig. Á föstudag er útlit fyrir
norðvestan og norðan 10-18
m/s með rigningu eða slyddu
en skýjað með köflum á sunnan-
verðu landinu. Hiti 1 til 7 stig,
kaldast í innsveitum norðan-
lands. Á laugardag gengur í
stífa suðlæga átt með rigningu,
en úrkomulítið um landið norð-
austan vert. Hiti um frostmark
norðaustan til, upp í 8 stig með
suðurströndinni. Á sunnudag
snýst í norðanátt með slyddu
fyrir norðan en styttir smám
saman upp á sunnanverðu
landinu. Hiti 1 til 6 stig.
Spurning
vikunnar
Í síðustu viku var spurt á vef
Skessuhorns: „Ætlar þú á jólatón-
leika?“ Meira en helmingur eða
62% ætlar ekki á jólatónleika. Þá
er um fimmtungur eða 21% sem
ætlar kannski og aðeins 17%
svarenda eru ákveðnir í að skella
sér á tónleika.
Í næstu viku er spurt:
Hvernig dekk ætlar þú að hafa
á bílnum þínum í vetur?
Vestlendingur
vikunnar
Skagamaðurinn Helgi Laxdal
Aðalgeirsson er einn af fremstu
fimleikamönnum landsins og
keppti nýlega á Evrópumótinu
í fimleikum. Hann er í viðtali í
Skessuhorni í dag og er Vest-
lendingur vikunnar að þessu
sinni.
Vegagerðin í samvinnu við
Sæferðir og Stykkishólmsbæ
hefur tekið á leigu dráttarbát-
inn Gretti Sterka. Báturinn lagð-
ist að bryggju í Stykkis hólmi á
mánudaginn og mun verða til
taks á Breiðafirði meðan beðið er
eftir nýrri Breiðafjarðarferju í stað
Baldurs. Það eru Sæferðir sem sjá
um mönnun dráttarbátsins en með
því á að tryggja að fyrsta viðbragð
við atvikum á Breiðafirði verði eins
og best verður á kosið miðað við
aðstæður.
Sigurður Ingi Jóhannsson inn-
viðaráðherra sagði í pistli á vefnum
bb.is 5. september síðastliðinn að
ný Breiðafjarðarferja væri væntan-
leg til landsins um áramót og að;
„tímabært sé að nýtt skip taki við
þjónustunni þar sem núverandi skip
er barn síns tíma. Á meðan beðið
er eftir nýju skipi verður tryggt
að dráttarbátur verði til staðar í
Breiðafirði,“ sem varð svo raunin
í byrjun vikunnar þegar Grettir
Sterki kom til Stykkishólms.
Siglingar yfir Breiðafjörð falla
undir þjónustu Vegagerðarinnar og
hefur hún nú um nokkurt skeið haft
öll sín spjót úti við leit að „nýjum
Baldri“. Skessuhorn kallaði eftir
upplýsingum frá Vegagerðinni um
stöðuna, hvort búið væri að finna
skip og hvort sá tímarammi sem
innviðaráðherra gaf upp stæðist.
Sólveig Gísladóttir, sérfræðingur
á samskiptadeild Vegagerðarinnar,
segist ekki geta staðfest að nýtt skip
væri væntanlegt um áramót. Verið
sé að undirbúa útboð sem verði
auglýst á næstu vikum. „Í útboðinu
er óskað eftir öðru skipi til þess að
leysa Baldur af og það eru þá líklega
einhver tímamörk á því sem gæti
passað að séu öðru hvorum megin
við áramót,“ segir Sólveig. Þá feng-
ust ekki upplýsingar um hvort horft
sé til leigu eða kaups á nýrri ferju.
Nú nýlega hafa með stuttu milli-
bili komið upp tvær alvarlegar bilanir
í vél Baldurs sem olli því að skipið
varð vélarvana. Þá hefur bæjarstjórn
Stykkishólmsbæjar og Helgafells-
sveitar síðustu misseri ítrekað lagt
áherslu á að annað skip hefji sigl-
ingar yfir Breiðafjörð sem allra fyrst
þar sem núverandi ferja standist ekki
nútímakröfur. Bæjarstjórnin fagnar
því að nú sé búið að bregðast við
ákallinu og bæta viðbúnað.
gbþ
Heiða Björg Hilmisdóttir, for-
maður Sambands íslenskra sveitar-
félaga, ávarpaði Landsþing sam-
bandsins sem fram fór í Hofi á
Akureyri í síðustu viku. Í ræðu
sinni sagði hún eitt brýnasta verk-
efni sveitarstjórna á komandi kjör-
tímabili vera tekjustofnar þeirra
þar sem þeir standi ekki lengur
undir þeim verkefnum sem sveitar-
félögum ber að sinna en á sama
tíma kalla íbúar í mörgum tilfellum
eftir meiri þjónustu. Þetta gerist á
sama tíma og rekstur sveitarfélaga
hefur þyngst til muna.
„Vanfjármögnun í málaflokki
fatlaðs fólks, hjúkrunarheimila og
í málefnum barna með fjölþættan
vanda er grafalvarleg og þannig er
ekki hægt að halda áfram. Drög
að skýrslu tekjustofnanefndar er
komin í Samráðsgátt stjórnvalda.
Þar má finna tillögur sambands-
ins og sveitarstjórnir þurfa að taka
afstöðu til þeirra,“ sagði Heiða
Björg. „Það er ljóst að það þarf ein-
faldlega að gefa upp á nýtt og það
verður eitt helsta verkefni þessa
kjörtímabils. Það er mikilvægt að
samstarf ríkis og sveitarfélaga sé
traust og með skýrum leikreglum,
þarna þurfum við að bakka og ná
betra samtali og ég er sannarlega
tilbúin í það fyrir okkar hönd. Þessi
endalausa umræða um hvað er á
ábyrgð hvers og hver á að borga
hvað er nauðsynleg en ef hún leiðir
ekki til niðurstöðu - er hún niður-
brjótandi. Hamlar framförum sem
við þurfum svo nauðsynlega á að
halda,“ sagði Heiða Björg.
Fjársveltur málaflokkur
ógnar sjálfbærni
Á landsþinginu var samþykkt
ályktun er varðar málefni fatlaðs
fólks: „Fjárhagsstaða sveitarfélaga
á Íslandi er grafalvarleg. Frá árinu
2019 hefur sveitarfélögum sem ekki
uppfylla lágmarksviðmið um fjár-
hagslega sjálfbærni og eru undir
eftirliti eftirlitsnefndar með fjár-
málum sveitarfélaga fjölgað úr 12 í
30. Vanfjármögnun vegna þjónustu
við fatlað fólk er ein megin orsök
fjárhagsvanda margra sveitarfélaga.
Ítarleg greining starfshóps félags-
málaráðherra um rekstur mála-
flokks fatlaðs fólks sýnir að hall-
inn á málaflokknum árið 2020 nam
8,9 milljörðum króna. Ætla má að
hallinn nemi nú um 12 til 13 millj-
örðum króna.
Í yfirstandandi viðræðum sveitar-
félaga og ríkisins leggur sambandið
þunga áherslu á að fá fjárhags-
lega leiðréttingu frá ríkinu til að
standa undir útgjöldum sveitar-
félaga vegna þjónustu við fatlað
fólk, en gríðarlegur vöxtur útgjalda
er einkum til kominn vegna auk-
inna krafna í löggjöf og reglum um
hærra þjónustustig. Mikilvægt er
að niðurstaða viðræðna liggi fyrir
eigi síðar en 1. desember 2022 og
að sveitarfélögin fái þá strax leið-
réttingu. Jafnframt lýsir sambandið
þeim vilja að teknar verði upp við-
ræður við ríkið um framtíðarfyrir-
komulag og fjármögnun þjónustu
við fatlað fólk.
Sveitarstjórnarlög kveða á um
skyldu stjórnvalda að kostnaðar-
meta þau verkefni sem sveitar-
félögum er falið að sinna. Þjónusta
við fatlað fólk er stórlega vanfjár-
mögnuð af hálfu ríkisins og vegur
að möguleikum sveitarfélaga til
að ná sjálfbærni í rekstri. Enginn
ávinningur er af því fyrir ríkið og
samfélagið í heild að sveitarfélög
reki verkefni með halla eða taki að
sér ný verkefni sem ekki eru fjár-
mögnuð.“
Ný stjórn var kosin í Sambandi
íslenskra sveitarfélaga á þinginu.
Fulltrúi af Vesturlandi í henni er
Lilja Björg Ágústsdóttir sveitar-
stjórnarfulltrúi (D) í Borgarbyggð.
mm
Segir að gefa þurfi
spilin upp á nýtt
Grettir Sterki til taks á Breiðafirði
Dráttarbáturinn Grettir sterki við höfn í Stykkishólmi. Ljósm. jse/stykkisholmur.is
Heiða Björg Hilmisdóttir formaður stjórnar Sambands íslenskra sveitarfélaga ávarpar landsþingið. Ljósm. sís.