Skessuhorn - 05.10.2022, Blaðsíða 9

MIÐVIKUDAGUR 5. OKTÓBER 2022 9
Að Kolsstöðum í Hvítársíðu er
nú rekið virt listamannasetur sem
hefur þó hvergi verið auglýst opin-
berlega. Helgi Eiríksson, lýsingar-
hönnuður kenndur við fyrirtæki
hans Lumex, keypti bæinn Kols-
staði um síðustu aldamót og hefur
byggt þar upp vel sótta starfsstöð
fyrir listafólk að einbeita sér að
verkum sínum í ró og fallegri nátt-
úru. Helgi segist í upphafi hafa
tekið þá ákvörðun að markaðssetja
ekki Kolsstaði en tilvist aðstöð-
unnar hafi engu að síður spurst út
og hafa nú mörg þekkt nöfn, íslensk
og erlend, komið að Kolsstöðum
og skapað list í hvers kyns formi.
Franska kvikmyndatónskáldið Oli-
vier Arson kom til Kolsstaða fyrir
um fjórum árum og vantaði þá
aðstöðu til að vinna að tónlist sinni
í næði. Vera Oliviers á Kolsstöðum
varð til þess að hann fékk að taka
upp tóna steinhörpu Páls Guð-
mundssonar listamanna í Húsafelli
sem enduðu svo í þáttarröð sem
sýnd var á spænskri kvikmynda-
hátíð í síðasta mánuði. Páll fór
ásamt Helga á kvikmyndahátíðina
sem reyndist mun stærri í sniðum
en þeir höfðu séð fyrir. Blaðamaður
Skessuhorns kíkti í heimsókn að
Kolsstöðum og fékk sögu Páls og
Helga um ævintýri þeirra.
Spilaði á fimm
steinhörpur
Páll á Húsafelli hefur í gegnum tíð-
ina smíðað hljóðfæri sem unnin
eru úr náttúrulegum efnivið. Hann
hefur búið til nokkrar steinhörpur,
trommur úr bergi og flautur úr
rabbarbara svo dæmi séu nefnd.
,,Olivier kom til Íslands og vant-
aði nokkrar vikur til að vinna í
næði. Hann byrjar að semja tónlist
úti í skemmu og spyr svo hvernig
hann eigi að greiða mér fyrir dvöl-
ina. Ég segist ekki hafa áhuga á því,
eina sem ég bað hann um var að
aðstoða mig við að taka upp tón-
listina hans Páls og búa til svona
ákveðinn hljóðheim úr hljóðfær-
unum hans. Þannig byrjaði þetta,
hann fór svo og tók upp með Páli.
Hann sá að hörpurnar höfðu allar
sinn karakter svo hann lét Pál spila
sama stefið á allar hörpurnar. Síðan
kemur Covid og við heyrum ekk-
ert mikið frá honum. Hann reynir
að finna tækifæri til að nota þessar
upptökur í kvikmyndaverkin sín,
svo kom bara símtalið fyrir kannski
fjórum mánuðum síðan. Þá spyr
hann hvort hann megi nota þetta
í verkefni sem hann væri í. Þetta
er þáttasería sem heitir Apagón og
fjallar um það að heimurinn fær
á sig sólstorm sem gerir það að
verkum að allt rafmagn eyðist og
öll tækni stöðvast. Þetta eru fimm
þættir sem eru í heildina fjórir og
hálfur klukkutími en hver þáttur
segir sjálfstæða sögu. Einn þáttur-
inn fjallar um fjárhirði sem er að
reyna að bjarga fé sínu upp í skóga
þar sem lítið var orðið um mat og
dýr komin í hættu vegna matar-
skorts hjá mannkyninu,“ segir
Helgi. Margir hafa sóst eftir því
að nota hljóð úr steinhörpum Páls
í verk sín en þeir Olivier Arson og
Hilmar Örn Hilmarsson eru þeir
einu sem fengið hafa leyfi Páls fyrir
notkun hljóðfæranna.
Komu grænir úr sveinni
Félagarnir dvöldu á Spáni í fjóra
daga og kom umgjörð kvikmynda-
hátíðarinnar þeim stöðugt á óvart.
,,Okkur er boðið á kvikmynda-
hátíðina þar sem þættirnir voru
frumsýndir en þetta er alþjóð-
leg kvikmyndahátíð sem haldin er
í borginni San Sebastian á Spáni.
Við gerðum okkur ekki alveg grein
fyrir stærðinni á þessu öllu saman,
komum frekar grænir þarna úr
sveitinni og sáum svo að þetta var
bara ,,alvöru“. Við gengum þarna
á rauða dreglinum en það var
hending að við værum með nógu
fínan klæðnað. Olivier er mjög hóg-
vær maður og gerði ekki mikið úr
þessu þegar hann bauð okkur út.
Páll hafði sem betur fer tekið með
sér gult leðurvesti sem hönnuður-
inn Sunneva Vigfúsdóttir gaf
honum fyrir 20 árum síðan. Hátíðin
var svo haldin í menningarhúsinu í
San Sebastian en það lítur eiginlega
alveg eins út og Harpa, nema aðeins
stærra. Páll er núna búinn að mála
mynd af húsinu. Við fórum svo að
skoða nöfnin á leikurunum og leik-
stjórunum og sáum að þarna var
bara allt helsta þotuliðið í brans-
anum á Spáni, þannig að þetta var
allt mjög stórt og mikil upplifun
fyrir okkur báða,“ segja þeir Helgi
og Páll.
sþ
Páll frá Húsafelli fór á rauða dregilinn á Spáni
Páll, Olivier og Helgi tilbúnir að mæta á rauða dregilinn á kvikmyndahátíðinni
sem haldin var í San Sebastian á Spáni.
Páll á rauða dreglinum á Spáni.