Skessuhorn - 05.10.2022, Blaðsíða 18
MIÐVIKUDAGUR 5. OKTÓBER 202218
Fjölbrautaskóli Vesturlands er
heilsueflandi framhaldsskóli sem
leggur metnað í að bjóða nem-
endum upp á heilsueflandi við-
burði, heilsueflandi umhverfi og
holla næringu. Í takt við stefnu
skólans hefur glænýr valáfangi í
fjallgöngum og útivist staðið nem-
endum til boða á þessari haustönn.
Meginmarkmið áfangans er að
efla áhuga nemenda á útivist og
náttúru landsins ásamt því að auka
færni þeirra og sjálfstæði þegar
kemur að útivist, einkum fjall-
göngum. Farið er yfir ýmis grunn-
atriði er varða undirbúning göngu-
ferða og almenn öryggisatriði svo
sem varðandi útbúnað, næringu og
nesti, þjálfun, rötun og kortalestur
ásamt umgengni við náttúruna.
Undirtónn áfangans er að nem-
endur læri að meta náttúru Íslands
og fjallgöngur sem áhugamál og
heilsueflingu og kynnist ýmsum
göngusvæðum landsins. Áfanginn
er því að stórum hluta verklegur
þar sem farið er í ýmsar fjall- og
náttúrugöngur, einkum í nærum-
hverfinu. Í haust fóru nemendur
m.a. upp Akrafjallið, upp að Glymi,
á Smáþúfur í Esju, Móskarðshnúka
og í frábæra dagsferð í Landmanna-
laugar.
Áfanginn er kenndur utan
stundatöflu einu sinni í viku og er
þriggja eininga spannaráfangi sem
nú er kenndur frá upphafi haust-
annar fram að vetrarfríi. Á vor-
önn stendur nemendum einnig til
boða að velja áfangann og verður
hann kenndur á einni spönn frá
mars fram í maí. Áfanginn er stór-
skemmtileg viðbót við fjölbreytt
námsframboð skólans og hefur
jákvæð áhrif á líkamlega, andlega
og ekki síður félagslega heilsu nem-
enda, það er að minnsta kosti frekar
erfitt að einangra sig í símanum á
fjallgöngu. Við hvetjum nemendur
til að grípa tækifærið, slást í hópinn
næsta vor og kynnast dásemdum
fjallanna.
Kristín Edda og Gréta, kennarar
í FVA
Haraldur Benediktsson bóndi
á Vestri-Reyni við rætur Akra-
fjalls greinir frá því á FB síðu sinni
að nýverið hafi tveir lausir husky
hundar ráðist á fé frá bænum, helsært
ásetningsgimbur úr bústofninum,
þannig að aflífa varð dýrið. Lögregla
lét vita. Haraldur tekur í upphafi
fram að hann er þakklátur hunda-
eigandanum fyrir að hafa látið vita af
atvikinu, það sé í fyrsta sinn í meira
en 30 ár sem slíkt gerist. „Lausa-
ganga hunda er mikið vandamál
hér. Íbúar í þéttbýlinu stunda það
að viðra hunda sína innan girðingar
hjá bændum. Það skiptir engu máli
þó skilti séu uppi sem segi að lausa-
ganga hunda sé bönnuð. Akranes-
bær hefur svæði fyrir hunda, en það
virðist ekki nóg. Umferð hunda-
eigenda og lausaganga hunda er
stöðugt að aukast og ófriður vegna
þess. Við höfum hreinlega ekki
lengur yfirráð yfir stórum hluta af
jörð okkar, eða getum nýtt hana til
beitar,“ skrifar Haraldur.
„Þetta var alls ekki í fyrsta sinn
sem þetta gerist. Þegar komist er í
færi við hundaeigendur sem þetta
gera er oftar en ekki verið með
stæla, frekar en að sjá að sér. Því
miður eru þeir mun færri sem sjá
að sér. Í gegnum árin höfum við
sem eigum fé við Akrafjall orðið
fyrir barðinu á slíku. Fé er sært, það
er hreinlega drepið, eða það hrekst
í skurði og drukknar. Þess bíður
kvalarfullur dauði, ef ekki sést í
tíma að skepnan sé særð.“
„Ég kalla eftir að samfélag
hundaeiganda virði reglur og virði
eignarrétt okkar bænda á löndum
okkar,“ skrifar Haraldur. „Það er
hræðilegt að vera eigandi hunds
sem veldur slíku, vissulega getur
fólk lent í því. En verst af öllu er að
vera svo skeytingarlaus að láta sér í
léttu rúmi liggja afleiðingar. Skeyta
engu um að farið er um svæði sem
aðrir eiga og hafa afkomu sína af því
að nytja það. Spurningin er hvort
fer að verða tímabært að kalla eftir
mun harðari aðgerðum gegn slíku
háttarlagi. Þess þarf ekki ef hunda-
eigendum ber gæfa til að þekkja
ábyrgð sína,“ skrifar Haraldur.
Þess ber að geta að mynd af
ásetningsgimbrinni sem hundarnir
réðust á, er ekki hæf til birtingar.
mm
Lausir hundar helsærðu ásetningsgimbur
Vestri-Reynir á land sitt að og á Akrafjalli þar sem jafnframt er mikil umferð fólks
með hunda. Sumir láta hunda sína ganga lausa.
Glænýr fjallgönguáfangi í FVA