Fréttablaðið - 10.11.2022, Page 22

Útgefandi: Torg ehf. Veffang: frettabladid.isÁbyrgðarmaður: Jón Þórisson Sölumaður auglýsinga: Jón Ívar Vilhelmsson, jonivar@frettabladid.is, s. 550 5654.
Strax árið eftir greip Brynja Dan
Gunnarsdóttir hugmyndina og hóf
að safna saman þeim íslensku vef-
verslunum sem bjóða góð tilboð
þennan dag á eina síðu, 1111.is, svo
einfaldara sé að finna tilboðin og
nýta sér þau. Hún er því eins og
gefur að skilja mjög upptekin þessa
dagana.
„Síðan er gerð með það í huga að
létta undir með fólki svo það þurfi
ekki að leita inni á hverri verslun
fyrir sig hvort og þá hvaða tilboð
séu í gangi. Þetta er eins konar
regnhlíf sem heldur utan um flest
tilboðin og svo erum við auðvitað
alltaf að reyna að gera betur og
betur og erum komin með hina
ýmsu flokka til að auðvelda kaupin
enn frekar og mæta þörfum neyt-
andans.“
Brynja ákvað fyrir mörgum
árum að grípa tækifærið sem þessi
vefverslanadagur bauð upp á og
nýta daginn innlendum vefversl-
unum til hagsbóta. „Fyrirtæki geta
skráð sig og sín tilboð á síðuna
1111.is og svo geta væntanlegir
kaupendur farið beint þangað og
leitað að tilboðum án þess að þurfa
að grafa eftir þeim um allt netið.“
Síbatnandi síða
Brynja á og stofnaði 1111.is og
hefur í samstarfi við Netgíró
undanfarin ár gert hana stærri og
betri. „Gaman frá því að segja að í
ár hefur Pósturinn gengið til liðs
við okkur líka svo þetta verður
bara skemmtilegra og skemmti-
legra og á meðan það er þannig
þá er ég til í að taka þetta alla leið.
Búin að kynnast alveg helling af
dásamlegu fólki sem er svo gaman
að vinna með og við 11.11.-teymið
erum ein stór fjölskylda.“
Hún segir þátttöku fyrirtækja
aukast með hverju ári og aðsókn
kaupenda einnig. „Þetta er áttunda
árið okkar, þetta byrjaði sem sjö
lítil lógó á bloggsíðu hjá vinkonu
minni og síðan þá höfum við bara
verið að stækka og stækka, bæði
er ég komin með mjög flotta og
notendavæna heimasíðu og eins
fengið dygga bakhjarla til að láta
þetta allt ganga.“
Skipulögð innkaup
og minna stress
Hún telur að svona dagur geti
gagnast fólki til að skipuleggja
innkaup sín og kaupa það sem
vantar eða löngun stendur til
frekar en að kaupa bara eitthvað
sem getur gerst í miklu stressi rétt
fyrir jól. „Ég held að við munum
seint hætta að gefa jólagjafir og
slagorðið okkar er „Kláraðu jólin
á netinu og minnkaðu stressið“.
Með smá skipulagi er einmitt hægt
að gefa bæði vandaðri gjafir og
eitthvað sem vantar. Því fólk er á
mismunandi stað í lífinu og vantar
mismunandi hluti, það er bara
staðreynd.
Þegar góður afsláttur er í boði er
það líka hvatning til að kaupa ekki
bara eitthvað heldur vanda valið
og velja oft vandaðri vöru sem á
endanum er betri fyrir umhverfið
og endist lengur. Úrvalið er alltaf
að aukast og við erum með allt
milli himins og jarðar,“ segir
Brynja og bætir við að sér finnist
skemmtilegt hvað það er hægt að
kaupa margar ólíkar upplifanir
sem hafa verið vinsælar jólagjafir
síðustu ár. „Og svo eru rúm, verk-
færi, snyrtivörur, bílaleigubílar,
f lug, kynlífstæki, matur og allt þar
á milli.“
Hún viðurkennir að heil-
mikil vinna fari í að halda utan
um 1111. is, sérstaklega þegar stóri
dagurinn nálgast. „Mitt nánasta
fólk veit að ég er agalega leiðinleg
þessa viku á hverju ári og ekki við-
ræðuhæf. Sit heima í sófanum með
tölvuna í jogginggallanum, ósofin
og líklega með súkkulaði út á kinn
að koma þessu í gang,“ segir hún
og kímir. „Síðustu tvo dagana fyrir
11. nóvember er ég bara hér fyrir
framan tölvuna og með símann
opinn allan sólarhringinn, tilbúin
að aðstoða fyrirtækin með hvað
sem er hvenær sem er.“
Sparar bæði tíma og peninga
Spurð um hver séu bestu kaupin
sem hún hefur sjálf gert á þessum
degi segist hún þurfa að hugsa sig
aðeins um. „Ætli það sé ekki Royal
Copenhagen kökubakkinn minn
sem mig var búið að langa í í mjög
langan tíma og svona eitt og annað
sem maður trítar sig með þegar
verðin eru hagstæð.“
Brynja segir heilmikinn tíma
sparast þegar keypt er á netinu á
skipulagðan hátt á afsláttardögum
sem þessum. „Það hefur reynst mér
vel að vera með tilbúinn lista þar
sem ég sé hvað ég keypti fyrir alla í
fyrra og vera svo búin að gera lista
fyrir árið í ár. Ég næ að klára gjafa-
kaupin, fæ allt sent heim og get svo
dúllast í rólegheitum við að pakka
inn og svolítið bara notið aðvent-
unnar. Ég gef margar jólagjafir og
það er algjör snilld að geta græjað
þetta bara á þessum degi, nú ef svo
eitthvað er eftir þá klára ég það á
Black Friday eða Cyber Monday,“
segir hún og bætir við: „Stressið
er alveg nógu mikið fyrir og það
er bara svo frábært að vera ekki
að eltast við gjafir út um allan bæ
ofan á öll hlaðborðin og veislurnar
og hittingana og baksturinn og
skreytingarnar og allt það sem
við gerum. Það er svo notaleg
tilfinning að vera ekki stressaður
yfir þessu og eiga kannski allt eftir
korter í jól og þá aukast líkurnar
á því að eyða meiri peningum og
kaupa eitthvað sem kannski er
keypt bara til að kaupa eitthvað.“
Brynja verður leyndardómsfull
þegar spurt er hver sé jólagjöfin
í ár. „Svo vill til að ég er reyndar í
rýnihóp sem velur jólagjöfina í ár
svo ég ætla ekki að missa það út úr
mér hér hver mín tillaga er. En hún
er bara eitthvað fallegt, hvort sem
það er upplifun og samvera eða
eitthvað sem vantar. Held að það
skipti bara mestu að það sé falleg
hugsun á bak við hana eins og með
allt.“ n
Ég held að við
munum seint
hætta að gefa jólagjafir
og slagorðið okkar er
„Kláraðu jólin á netinu
og minnkaðu stressið“.
Brynja Dan Gunnarsdóttir
Ég næ að klára
gjafakaupin, fæ allt
sent heim og get svo dúll-
ast í rólegheitum við að
pakka inn og svolítið
bara notið aðventunnar.
Brynja Dan Gunnarsdóttir
2 kynningarblað 10. nóvember 2022 FIMMTUDAGURSINGLES’ DAY