Heilbrigðisskýrslur - 05.12.1992, Qupperneq 28

Félagsmálastofnun Reykjavíkur
Unglingadeild
Á vegum Félagsmálastofnunar Reykjavíkurborgar er starfrækt Unglingadeild
sem fer með málefni unglinga á aldrinum 12-18 ára. Starfsemi deildarinnar
felst í:
- Meðferðar- ográðgjafadeild að Skógarhlíð 6
- Útideild Tryggvagötu 12
- Unglingaathvörf Tryggvagötu 12 og Keilufelli 5
- Unglingasambýli Búðagerði 9
Meöferöar- og ráðgjafadeild fyrir unglinga
Deildin sinnir málefnum unglinga sem berast til Félagsmálastofnunar, þar
með talinn almennur stuðningur og meðferð fyrir unglinga ogíjölskyldur þeirra,
hópastarf með unglingum, vistun unglinga utan heimilis og meðferð alvarlegri
barnaverndarmála. Meðal verkefna deildarinnar er að sinna ráðgjöf við aðrar
deildir unglingadeildar, samstarf við aðrar stofnanir er sinna unglingamálum
og stefnumótun í málefnum unghnga.
Starfsmenn deildarinnar eru deildarstjóri Unglingadeildar, sálfræðingur,
fulltrúi sem fer með afbrotamál barna og unglinga og tveir fulltrúar sem sinna
meðferðarmálum.
Afbrotamál barna og unglinga
Unglingadeildin hefur umsjón með málefnum barna og unglinga sem lenda í
afbrotum. Samvinna við lögreglu, viðvera við yfirheyrslur og stuðningur við
börn og unglinga í framhaldi af því er þungamiðja starfsins.
Vinnuþjálfun
A vegum deildarinn er og íþrótta- og tómstundaráðs hefur tvö s.l. sumur verið
starfræktur vinnuhópur fyrir 15 unglinga, 16-20 ára, sem átt hafa í
margvíslegum erfíðleikum sem tengjast atvinnu, námi o.fl. Markmið starfsins
er, með fræðslu og þjálfun, að gera unglinga færa um að standa á eigin fótum á
vinnumarkaðinum.
Vímuefnamál
Lögð er áhersla á forvarnarstarf, meðal annars með fræðslu, upplýsingum og
ráðgjöf fyrir unglinga, foreldra og kennara. Starfsmenn eru í náinni samvinnu
við meðferðarheimilið að Tindum og vísa þangað unglingum í vímuefnavanda.
Ekki eru til nákvæmar upplýsingar um fjölda þeirra unglinga sem eiga við
vímuefnavanda að etja og Unglingadeildin hefur afskipti af. Þær athuganir og
kannanir sem gerðar hafa verið á neyslu og neysluvenjum þeirra unglinga sem
til deildarinnar leita, benda til að um 50% skjólstæðinga eigi í erfiðleikum
tengdum neyslu vímuefna.
Til meðferðar- og ráðgjafadeildar leita, eða er vísað um 150-180 unglingum á
hverju ári.
28