Fréttablaðið - 14.12.2022, Page 11
Elon Musk hefur
tapað meiri peningum
á þessu ári en sem
nemur öllum auði Jeff
Bezos samanlagt.
Við þurfum að hanna
okkur inn í nýja tíma
þar sem umhverfis-
vænni lögmál gilda.
Nýsköpunarfyrirtækið FÓLK
Reykjavík vinnur að því að
minnka kolefnisspor heimila
með aðferðum umhverfis-
vænnar hönnunar. Fyrir-
tækið tryggði sér á dögunum
rúmlega 100 milljóna króna
fjármögnun og hefur stofnað
dótturfélag í Danmörku.
FÓLK Reykjavík hannar, þróar, fram-
leiðir og selur íslenska hönnun en
leggur sérstaka áherslu á umhverfis-
sjónarmið og sjálfbærni.
Fyrirtækið hefur nú tryggt sér
rúmlega hundrað milljóna króna
fjármögnun frá Eyri Vexti og Vækst-
fonden í Danmörku. Fjármagnið
verður nýtt til að byggja upp alþjóð-
legt sölu- og markaðskerfi fyrir-
tækisins en það var fyrir skemmstu
valið Besta fjárfestingin í íslenskri
hönnun á Íslensku hönnunarverð-
laununum.
FÓLK Reykjavík hefur stofnað
dótturfélag í Danmörku og fram
undan er fjölgun starfsmanna til að
styðja uppbyggingu félagsins.
Ragna Sara Jónsdóttir, stofnandi
og framk væmdastjóri FÓLKS
Reykjavíkur, segir þessa innspýtingu
viðurkenningu á þeim áskorunum
sem við stöndum frammi fyrir.
„Tölur frá Danmörku sýna að 39
prósent af kolefnisfótspori heimila
skapast af þeim hlutum sem heimil-
in kaupa. Og við sjáum það og trúum
að með hönnun og hönnunarhugs-
un sé hægt að breyta þessum tölum.
Það skiptir gríðarlegu máli í stóru
samhengi allra okkar umhverfis-
áskorana.“
Ragna Sara segir vel hægt að
hanna þá hluti sem við notum innan
veggja heimilisins með umhverfis-
vænni hætti en alla jafna er gert.
„Það er kjarninn í því sem við viljum
breyta.“
En það eru víða ljón í veginum að
mati Rögnu. „Við búum í mjög ein-
nota hagkerfi þar sem við notum
hluti til skamms tíma og losum
okkur svo við þá. Þessir hlutir enda
svo í landfyllingu eða eru brenndir
án þess að við séum mikið að velta
því fyrir okkur.
Okkar stóra áskorun hjá FÓLKI
Reykjavík felst meðal annars í að
breyta hugarfari og aðstoða neyt-
endur við að velja umhverfisvænni
vörur.“
Nauðsynlegt að minnka kolefnisspor heimila
Guðmundur
Gunnarsson
ggunnars@
frettabladid.is
Ragna Sara Jóns-
dóttir, stofnandi
FÓLKS Reykja-
víkur, segir fyrir-
tækið sjá fram
á landvinninga í
Evrópu.
MYND/AÐSEND
Ragna bendir á að húsgögn og
hlutir sem fólk notar í dag hafi mörg
hver verið hönnuð á þeim tíma þegar
framleiðendur og hönnuðir þurftu
ekki að hafa áhyggjur af kolefnis- og
umhverfisfótspori framleiðslunnar.
„Þannig að tækifærin til að gera
betur eru gríðarleg og við þurfum
að hanna okkur inn í nýja tíma þar
sem umhverfisvænni lögmál gilda.
En þetta eru stórar áskoranir.
Kerfin okkar eru ekkert endilega til-
búin til að laga sig að breyttri nálgun
í einni svipan. En með mikilli vinnu
allra sem koma að ferlinu frá því
að hugmynd að vöru verður til og
þangað til við losum okkur við hana,
aukum við líkurnar á að við færumst
nær hringrásarvænna hagkerfi.“
Ragna Sara nefnir þátt söluaðila í
þessu samhengi. „Við sem neytend-
ur tökum okkar ákvarðanir aðallega
út frá verði frekar en þáttum eins
og endingu, líftíma eða kolefnisfót-
spori. En þessi nálgun neytenda er
að breytast hratt og þá skiptir máli
að öll virðiskeðjan taki mið af því.“
FÓLK Reykjavík mælir kolefnis-
fótspor sinnar framleiðslu með
aðstoð hugbúnaðar en rauði þráður-
inn hjá fyrirtækinu er að nýta nátt-
úruleg og endurunnin hráefni í allri
hönnun og stuðla þannig að hring-
rás þess hráefnis sem við notum.
„Við nýtum úrgangsefni eins
mikið og við getum. Þar er átt við
hráefni sem eru úrgangur eða rusl
og myndi annars vera fargað á óum-
hverfisvænan hátt. Við höfum nýtt
úrgangstextíl til að búa til húsgögn
og loftpúða úr bílum til að gera
púða. Verð á hvers kyns hráefni
hefur hækkað mikið að undanförnu
og því mikil tækifæri fólgin í því að
endurnýta allt sem til fellur.“
Vörur fyrirtækisins eru aðallega
seldar í hönnunarverslunum en auk
þess vinnur FÓLK Reykjavík með
söluaðilum í Þýskalandi, Finnlandi
og á Íslandi.
Markmið félagsins er að fjölga
söluaðilum í þessum löndum en
auk þess horfa til annarra markaða
í Evrópu.
„Það er mikil hvatning og viður-
kenning að Eyrir og Vækstfonden
styðji vöxt okkar alþjóðlega. Við
sjáum mikil tækifæri í að auka
sölu okkar alþjóðlega og halda
áfram að beita þeim aðferðum
sem við höfum byggt upp á síðustu
árum til að auka gagnsæi og gera
hönnun að drifkrafti við að draga
úr umhverfis fótspori vara,“ segir
Ragna Sara Jónsdóttir, stofnandi
FÓLKS Reykjavíkur. n
helgisteinar@frettabladid.is
Elon Musk, framkvæmdastjóri Tesla
og nýjasti eigandi Twitter, er ekki
lengur ríkasti maður heims sam-
kvæmt skráningu Forbes. Eftir tölu-
verða lækkun á hlutabréfum Tesla
hefur hinn franski framkvæmda-
stjóri LVMH, Bernard Arnault, tekið
við sem ríkasti maður í heimi.
Musk hafði viðhaldið þeim titli
alveg frá því í september í fyrra en
þar á undan var Jeff Bezos, stofn-
andi Amazon, f jáðastur meðal
manna. Bezos situr nú í fjórða sæti
með 116,4 milljarða Bandaríkjadala.
Auður Musk er að mestu leyti
bundinn við hlutabréf Tesla en þau
féllu um 6,3 prósent á mánudaginn
og hefur verðmat þeirra lækkað um
meira en helming á þessu ári, að
hluta til vegna yfirtöku Musk á sam-
félagsmiðlinum Twitter. Í saman-
burði hafa hlutabréf LVMH aðeins
lækkað um 1,5 prósent það sem af
er þessu ári.
Samkvæmt gögnum frá FactSet á
Elon Musk 14,11 prósent af hlutabréf-
um Tesla og um 40 prósent af öllum
hlutabréfum SpaceX sem hefur bætt
verulega við auð hans. Í byrjun árs
var auður Musk metinn á 304,2 millj-
arða Bandaríkjadala en er nú metinn
á 178,6 milljarða. Það þýðir að Elon
Musk hefur tapað meiri peningum
á þessu ári en sem nemur öllum auði
Jeff Bezos samanlagt.
Bernard Arnault er þekktastur
fyrir að hafa byggt upp stærstu
lúxussamsteypu heims sem heldur
utan um vörumerki á borð við Louis
Vuitton, Tiffany, Tag Heuer og Cel-
ine. Arnault á um 60 prósenta hluta
í LVMH og samkvæmt Forbes er
auður hans metinn á 187,1 milljarð
Bandaríkjadala. n
Elon Musk ekki lengur ríkastur
Elon Musk hefur tapað háum fjárhæðum á þessu ári. FRÉTTABLAÐIÐ/EPA
gardabaer.is
SKIPULAGSMÁL Í GARÐABÆ
Bæjarstjórn Garðabæjar auglýsir hér með tillögu að breytingum
deiliskipulags Urriðaholts norðurhluta 4. áfanga og tillögu að
breytingu deiliskipulags Molduhrauns í samræmi við 1. mgr. 43.
greinar og 1. mgr. 41. gr. skipulagslaga nr. 123/2010.
Lautargata 1, 3 og 5. Tillaga að breytingu deiliskipulags Urriðaholts
norðurhluta 4. áfanga.
Tillagan gerir ráð fyrir því að ein hæð bætist við undir aðkomuhæð
til aðlögunar að landslagi. Hæðarkóti aðkomuhæðar breytist ekki.
Íbúðum á hverri lóð er fjölgað um tvær, úr 8 í 10 og eru viðbótar-
íbúðir undir 90 m2 að stærð. Heildarfjöldi íbúða á lóðunum þremur
hækkar úr 24 í 30. Ákvæði um eitt gestastæði á lóð er fellt niður en
gott framboð er af gestastæðum innar í götunni.
Austurhraun 9 – Tillaga að breytingu deiliskipulags Molduhrauns
Tillagan gerir ráð fyrir því að byggingareitur fyrir stakstæðar
byggingar sé felldur út og í stað þess stækki byggingarreitur
lóðarinnar til norðvesturs.
Tillögurnar eru aðgengilegar á vef Garðabæjar, www.gardabaer.is
og í þjónustuveri. Þeir sem telja sig eiga hagsmuni að gæta er
gefinn kostur á að senda inn skriflegar athugasemdir til og með
25. janúar 2023, annað hvort á netfangið skipulag@gardabaer.is
eða á bæjarskrifstofur Garðabæjar, Garðatorgi 7, 210 Garðabæ.
MIÐVIKUDAGUR 14. desember 2022 Fréttir 11FRÉTTABLAÐIÐ MARKAÐURINNFRÉTTABLAÐIÐMIÐVIKUDAGUR 14. desember 2022