Fréttablaðið - 15.12.2022, Blaðsíða 23

Hugbúnaðarfyrirtækið
Dineout, sem er þekktast
fyrir borðabókunarkerfi sitt,
er með mörg járn í eldinum
en fyrirtækið, sem hefur
verið í miklum vexti, er
sífellt að þróa nýjar lausnir
og það nýjasta eru Dineout
rafrænu gjafabréfin.
„Dineout var stofnað árið 2017 og
byrjaði sem þróun á hugbúnaði
fyrir veitingastaði. Við byrjuðum
að þróa borðabókunarkerfi sem er
notað á flestöllum veitingastöðum
landsins og þetta kerfi er þróað af
okkur alveg frá grunni. Svo kom
Covid og þá fóru borða bókanirnar
niður í núll þar sem veitinga-
staðirnir meira og minna lokuðu.
Þá var bara tvennt í stöðunni fyrir
okkur. Það var annað hvort að
bíða af okkur storminn og vona
það besta eða nýta tímann og þróa
eitthvað nýtt. Það er það sem við
gerðum,“ segir Inga Tinna Sig-
urðardóttir, forstjóri og stofnandi
Dineout.
Inga Tinna segir að Dineout hafi
þróað matarpöntunarkerfi til að
almenningur gæti pantað sér „take
away“-mat.
„Í kjölfarið þróuðum við kassa-
kerfi sem er núna notað á tugum
staða til þess að greiða fyrir
máltíðir á veitingastöðum. Svo
þróuðum við rafræn gjafabréf
og ýmislegt fleira sem stuðlar að
rekstri veitingastaða, kaffihúsa
og ölstofa. Staðan er sú í dag að ef
fólk opnar veitingastað eða er með
veitingastað þá getur það fengið
allar lausnir sem þarf hjá Dineout.
Allar lausnirnar tala saman þannig
að þær eru allar í einu kerfi og fólk
getur bara valið hvað það þarf.
Bæði verður utanumhald á við-
skiptavinum betra ásamt því að
starfsfólk þarf bara að læra á eitt
kerfi fyrir allan reksturinn.“
Tilnefnt sem besta vörumerkið
Inga Tinna segir að Dineout taki
að sér að hanna vefsíður fyrir veit-
ingahús og bari og að fyrirtækið sé
hreinlega með allan pakkann.
„Þegar Covid tók að dvína þá
var hægt að skrúfa frá öllum okkar
lausnum og það var alveg geggjað.
Dineout hefur þar með tekið
gríðarlegt stökk og er tilnefnt sem
besta vörumerki á Íslandi. Það er
gríðarlega gaman að vera í þeim
fámenna hópi en það eru bara sex
fyrirtæki sem eru tilnefnd. Úrslit
verða ljós í upphafi næsta árs og
okkur þykir mjög vænt um þessa
viðurkenningu að vera tilnefnd.
Það sem við gerum líka er að tengja
allar þessar lausnir inni á veitinga-
stöðunum yfir til almennings í
gegnum vefsíðu og app. Vefsíðan er
dineout.is og appið er Dineout Ice-
land. Þar getur almenningur bókað
borð og allt fer beint inn á veitinga-
staðinn í hugbúnaðarlausn okkar
sem eru í tölvum og spjaldtölvum
sem við útvegum stöðunum,“ segir
Inga Tinna og bætir við:
„Fólk fer inn á dineout.is og sér
laus borð og bókar, það getur líka
pantað mat, keypt rafræn gjafa-
bréf á stökum stöðum og nýjungin
er Dineout rafræn gjafabréf. Þau
eru frábrugðin öðrum rafrænum
gjafabréfum að því leytinu til að
þú kaupir rafrænt Dineout gjafa-
bréf sem þú getur notað á tugum
staða. Þú þarft ekki bara að kaupa
eitt gjafabréf sem gildir á einn
ákveðinn stað heldur kaupir þú
bara Dineout gjafabréf og þá getur
þú valið á hvaða stöðum þú notar
gjafabréfið. Þú getur notað sama
bréfið á mörgum stöðum en allt
fer eftir því hvaða upphæð þú átt
eftir á bréfinu. Þú getur gefið bréfið
annað hvort með því að gefa það
rafrænt í gegnum tölvupóst eða þú
getur gefið það með því að prenta
það út. Þá er líka hægt að hafa sam-
band við okkur og við útvegum
þér bréfið í gjafaöskju sem þú getur
sótt til okkar,“ segir Inga Tinna.
Gjafabréfin tilvalin gjöf
Hún segir þetta vera tilvalda jóla-
gjöf. „Þetta er bæði tilvalin jólagjöf
og gjöf fyrir fyrirtæki sem ætlar
að gleðja starfsfólk sitt. Þetta er
mjög fljótlegt og þú ert ekki að gera
upp á milli veitingastaða. Við-
komandi getur valið á milli fjölda
staða og ákveðið sig sjálfur,“ segir
Inga Tinna en hún segir að yfir
100 staðir verði í boði til að velja
úr. „Síðan fór í loftið í dag og er
aðgengileg í gegnum dineout.is,“
segir hún.
Inga Tinna bendir á að á dineout.
is sé hægt að styðja á jólahlað-
borðshnapp en þar er hægt að
sjá fjölda staða sem bjóða upp á
jólahlaðborð eða jólamatseðla í
hádeginu og á kvöldin. „Við erum
búin að safna þessum stöðum
saman og það má líka benda á að
það verður áfram hægt að kaupa
rafræn gjafabréf á staka staði,“ segir
Inga Tinna og bætir við að rafrænu
gjafabréfin hafi notið mikilla vin-
sælda.
„Það var mikil ásókn í gjafa-
bréfin í kringum afsláttardagana í
nóvember. Við vorum alveg vongóð
um viðtökurnar en þær fóru fram
úr okkar björtustu vonum. Þetta er
að leggjast gríðarlega vel í landann.
Við náðum ekki að koma Dineout
rafrænu gjafabréfunum út fyrir
afsláttardagana en það er betra að
það gerist núna fyrir jólin og við
erum viss að þau muni slá í gegn.“
Ekki verður annað sagt en að
landsmenn taki Dineout vel en 570
þúsund manns settust við borð
í nóvember í gegnum lausnina
frá fyrirtækinu. Markaðstorgið
þeirra dineout.is er það allra vin-
sælasta á landinu fyrir veitinga-
staði og í þessum mánuði fagna
þau tíu milljónustu heimsókninni
á vefsíðuna. „Það er líka fullt af
ferðamönnum að nota þjónustu
okkar og við erum í samstarfi við
fjölda aðila sem sjá um að ferja
ferðamenn til landsins. Við viljum
hvetja veitingastaði til að vera með
okkur í rafrænu gjafabréfunum
og setja sig í samband við okkur
í gegnum dineout@dineout.is og
óska eftir því að fá að vera með. Við
erum með gríðarlega mikið úrval,
erum búin að uppfæra glæsilega
heimasíðu, dineout.is, og það er
fleira skemmtilegt í kortunum sem
mun koma í ljós á næstu vikum,“
segir Inga Tinna. n
Dineout gjafabréfin nýjasta útspilið
Inga Tinna
Sigurðardóttir,
forstjóri og
stofnandi
Dineout, sem
hefur verið í
miklum vexti
undanfarin ár.
FRÉTTABLAÐIÐ/
SIGTRYGGUR ARI
Dineout gjafabréfin eru bæði tilvalin jólagjöf og gjöf fyrir fyrirtæki til að gefa starfsfólki sínu. Dineout gjafabréf
er hægt að nýta á tuga staða og þá getur notandinn þess vegna notað sama bréfið á mismunandi veitingastöðum.
MYND/AÐSEND
Fólk fer inn á
dineout.is og sér
laus borð og bókar, það
getur líka pantað mat,
keypt rafræn gjafabréf á
stökum stöðum og
nýjungin er Dineout
rafræn gjafabréf.
Inga Tinna Sigurðardóttir
kynningarblað 3FIMMTUDAGUR 15. desember 2022 GJAFABRÉF