Fréttablaðið - 04.01.2023, Blaðsíða 6

ser@frettabladid.is
SAMGÖNGUR Vegalokanir af völdum
ófærðar á fjölförnustu heiðum og
þjóðleiðum landsins eru tíðari á
síðustu árum en löngum áður.
Þetta staðfesta tölur Vegagerðar-
innar sem sýna lokanir vegna veð-
urs á Holtavörðuheiði, Hellisheiði
og Reykjanesbraut í að minnsta
kosti tvær klukkustundir á undan-
förnum áratug.
Báðum heiðunum var lokað um
tuttugu sinnum í upphafi ársins
2015, sem var met á þeim tíma, en
það var slegið á Holtavörðuheiði
á sama tíma 2020 og á Hellisheiði
á fyrri hluta yfirstandandi vetrar,
rétt eins og grafið sýnir sem fylgir
þessari frétt.
Sérstaka athygli vekur hvað
Reykjanesbrautin hefur lokast oft á
allra síðustu árum, en þar er kom-
inn fjölfarnasti þjóðvegur landsins
og lífæðin á milli höfuðborgarsvæð-
isins og Keflavíkurflugvallar. Hann
lokaðist fjórum sinnum undir lok
síðasta árs í meira en tvær klukku-
stundir, þar af einu sinni í röskan
sólarhring í síðustu vikunni fyrir
jól.
Sigurður Þ. Ragnarsson, jarð- og
veðurfræðingur, sem fór yfir þessa
tölfræði á Fréttavaktinni á Hring-
braut í gærkvöld segir meginástæðu
þessara tíðu og löngu lokana vera þá
að Vegagerðin grípi ekki nógu fljótt
inn í atburðarásina. Loka þurfi
þessum leiðum fyrr svo vegheflar
geti athafnað sig áður en ökumenn
smábíla hætti sér inn í jarðkófið og
tefji fyrir snjóhreinsun. n
Akureyringar eru ósáttir við
að Landsnet leggi áherslu á
loftlínu á viðkvæmum kafla í
þéttbýli Akureyrar. Landsnet
ber við tækniatriðum og
virðist deilan í hörðum hnút.
bth@frettabladid.is
AkUReyRi Urgur er meðal íbúa á
Akureyri vegna andstöðu Lands-
nets við að jarðstrengur verði lagður
innan þéttbýlismarka Akureyrar
norðan Rangárvalla sem hluti af
Blöndulínu 3. Bæjarstjórn Akur-
eyrar og Landsnet funda á morgun
vegna deilunnar.
Á samfélagsmiðlum hefur orðið
umræða um að loftlína í grennd
við Móahverfi myndi skerða tæki-
færi bæjarins til byggingarfram-
kvæmda. Einnig yrðu neikvæð sjón-
ræn áhrif og þá kunni heilsu íbúa
jafnvel að vera hætta búin. Er vísað
til rannsóknar sem læknatímaritið
Lancet birti um tengsl hvítblæðis og
búsetu í nánd við háspennustrengi.
Alþingi hefur mótað stefnu um
lagningu raf lína og samþykkt
þingsályktun. Þar segir að regla um
hámarkskostnaðarmun milli loft-
línu og jarðstrengs gildi ekki þegar
um sé að ræða skilgreint þéttbýli.
Ein af megináherslum stefnu stjórn-
valda er að setja raflínur í jörðu þar
sem það er fjárhagslega hagkvæm-
ast og í þéttbýli.
Landsnet hafði áður gert ráð fyrir
að jarðstrengur yrði nýttur síðasta
spölinn inn á tengivirki við Rangár-
velli. Stefnubreyting hefur komið
heimafólki á óvart. Landsnet teflir
fram rökum um tæknilegar áskor-
anir er varði styrk raforkukerfisins.
Þá virðist sem kostnaður við línu-
kaf lann sé meira en þrefaldur ef
hann fer í jörð, miðað við loftlínu.
Halla Björk Reynisdóttir, formað-
ur skipulagsráðs á Akureyri, segir að
bæjarstjórn Akureyrar muni funda
með Landsnetsfólki á morgun,
fimmtudag, til að fara yfir stöðuna.
„Við höfum haldið stefnu stjórn-
valda á lofti, þar sem segir að lína í
þéttbýli skuli eftir fremsta megni
vera lögð í jörðu, enda eru hags-
munir verulegir þegar horft er til
framtíðaruppbyggingar og þróunar
bæjarins,“ segir Halla Björk.
„Heilsufarsleg áhrif eru síðan
annað mál, þar sem óvissa ríkir um
áhrifin. Inn í þá umræðu vantar
betri gögn,“ segir hún.
Steinunn Þorsteinsdóttir, upp-
lýsingafulltrúi Landsnets, segir að
fundurinn verði nýttur til að fara
yfir álit Skipulagsstofnunar.
„Við hjá Landsneti fáum ekki séð
að álitið breyti niðurstöðu okkar
um ákvörðun um aðalvalkost,“ segir
Steinunn.
Hún segir ákvörðun Landsnets
um aðalvalkost byggja á ítarlegum
greiningum og rannsóknum. Miðað
við gildandi skipulagsáform Akur-
eyrar hamli aðalvalkostur Blöndu-
línu 3 ekki fyrirhugaðri íbúðabyggð
aðalskipulagsins. Mikilvægt sé að
Landsnet og Akureyrarbær vinni
saman að ásættanlegri lausn um
tilhögun línunnar til skemmri og
lengri tíma. n
Sérstaka athygli vekur
hvað Reykjanesbrautin
hefur lokast oft á allra
síðustu árum.
Bílslys eru algeng á
Indlandi en þetta
slys þykir einstaklega
hrottalegt.
Við höfum haldið
stefnu stjórnvalda á
lofti, þar sem segir að
lína í þéttbýli skuli eftir
fremsta megni vera
lögð í jörðu.
Halla Björk
Reynisdóttir,
formaður bæjar-
ráðs Akureyrar
Funda með Landsneti og
vilja háspennulínu í jörð
Blöndulína 3 er
mikið mann-
virki sem mun
hafa mikil áhrif,
bæði jákvæð og
neikvæð, eftir
því sem fram
hefur komið í
mati á fram-
kvæmdinni.
Steinunn Þor-
steinsdóttir,
upplýsingafull-
trúi Landsnets
helgisteinar@frettabladid.is
iNdlANd Tvítug kona lést á Ind-
landi á nýársdag þegar bíll keyrði á
vespu hennar er hún var á leið heim
úr vinnunni. Konan vann sem við-
burðastjóri í höfuðborginni Nýju-
Delí þar sem slysið átti sér stað
og hafa fimm verið handteknir í
tengslum við málið.
Bílslys eru algeng á Indlandi en
þetta slys hefur aftur á móti vakið
mikla reiði meðal almennings í ljósi
þess hve hrottalegt það var.
Indverska lögreglan segir að öku-
maður bílsins og farþegarnir fjórir
hafi keyrt í nokkra kílómetra eftir
áreksturinn og hafi bíllinn dregið
lík konunnar með sér. Mennirnir
halda því fram að tónlistin í bílnum
hafi verið of há fyrir þá til að heyra
öskur konunnar.
Dagblaðið The Indian Express
greindi frá því að lík konunnar hafi
verið dregið eftir veginum í tæpa
klukkustund og hringdu að minnsta
kosti fimm vitni í lögregluna áður
en líkið fannst. Indverjar eru einn-
ig undrandi á því að slysið hafi gerst
á sama tíma og nýársfögnuður stóð
yfir og þúsundir lögreglumanna
voru úti á götum borgarinnar. n
Reiði á Indlandi eftir hrottalegt bílslys
Blöndustöð
Norðurárdalur
Mælifellsdalur
Varmahlíð
Vatnsskarð
Héraðsvötn
Öxnadalsheiði
Öxn
ad
al
ur
Hörgárd
alur
Akureyri
20
22
25
20
15
10
5
0
20
12
20
13
20
14
20
15
20
16
20
17
20
18
20
19
20
20
20
21
n Holtavörðuheiði n Hellisheiði n Reykjanesbraut
Lokanir vegna veðurs a.m.k. 2 klst.
Vegalokanir á heiðum og þjóðleiðum tíðari en áður
kristinnpall@frettabladid.is
VAtíkANið David Tencer, biskup
kaþólsku kirkjunnar á Íslandi, verð-
ur viðstaddur jarðarför fyrrverandi
páfans Benedikts XVI. á morgun.
Þetta staðfestir Tencer í samtali
við Fréttablaðið en þjóðarleiðtogar
Íslands verða ekki viðstaddir jarðar-
förina þar sem það barst ekki opin-
bert boðsbréf.
Benedikt var 95 ára þegar hann
lést en hann lét af störfum sem páfi
árið 2013 vegna slæmrar heilsu.
Frans páfi, sem tók við embættinu
af Benedikt, mun sjá um útförina en
það verður í fyrsta sinn sem arftaki
stýrir útför páfa.
Tugir þúsunda manna hafa vottað
Benedikt virðingu sína undan-
farna daga og fer jarðarförin fram
á morgun. Aðeins Ítalía og Þýska-
land verða með sendinefnd þjóðar-
leiðtoga á staðnum en talsmenn frá
forsetaembætti Íslands, forsætis-
ráðuneytinu og Biskupsstofu sögðu
að það yrði enginn á þeirra vegum í
útförinni. n
Tencer viðstaddur jarðarför Benedikts
Hundruð þúsunda látast í umferðinni á Indlandi á hverju ári. FRÉTTABLAÐIÐ/EPA
Í dag er þriðji og síðasti dagurinn sem almenningur getur vottað Benedikt
XVI. páfa virðingu sína. Útförin fer fram á morgun. FRÉTTABLAÐIÐ/GETTy
Teikning af Móahverfi sem er núna í uppbyggingu. MyNd/AkuREyRARBæR
Sigurður Þ.
Ragnarsson,
veðurfræðingur
6 Fréttir 4. janúar 2023 MIÐVIKUDAGURFréttablaðið