Fréttablaðið - 04.01.2023, Blaðsíða 20

Ég gerði Guð mundi
það fylli lega ljóst að
með þessu væri ég ekki
að segja skilið við
lands liðið.
Aron Pálmarsson, fyrirliði
íslenska landsliðsins í hand-
bolta, hefur engar áhyggjur
af liðinu í aðdraganda HM.
Pressan er mikil og liðið getur
staðist hana. Sjálfur stendur
Aron á krossgötum, þungu
fargi var af honum létt fyrir
mót og heimkoma í kortun-
um. Það markar ekki endalok
hans með landsliðinu.
aron@frettabladid.is
handbolti Íslenska landsliðið kom
saman fyrr í vikunni og hóf undir-
búning fyrir komandi heimsmeist-
aramót í handbolta á fullu. Aron
segir, í samtali við Fréttablaðið,
eitthvað sérstakt við að snúa aftur
í landsliðið á þessum tímapunkti.
„Já, svolítið, sérstaklega núna
reyndar í ljósi þess hversu mikið
umtal er í tengslum við liðið og
mótið. Við erum á góðum stað sem
lið og þar af leiðandi hefur þetta
mót verið lengi í hausnum á manni,
spennan magnast eftir því sem nær
dregur fyrsta leik.“
Spennan við suðumark
Aron snertir á umtalinu í kringum
liðið en væntingarnar meðal
íslensku þjóðarinnar í garð íslenska
landsliðsins fyrir HM eru miklar.
Stemningin er sömuleiðis mikil og
sannast það kannski best á þeirri
staðreynd að landsliðstreyjan er
svo gott sem uppseld og þúsundir
Íslendinga á leið til Svíþjóðar að
styðja Strákana okkar.
Leikmenn landsliðsins eru með-
vitaðir um þessa stöðu og vonir
standa til að liðið geti staðið undir
þeim kröfum sem þjóðin setur á
herðar þeim.
„Ég vil kannski ekki kalla þetta
pressu í okkar garð, miklu frekar
áhuga og stemningu. Fólk er búið að
átta sig á því hvað býr í þessu liði,
hvað við getum, eftir síðastliðið ár.
Það er bara undir okkur komið
að standa undir því og hvernig við
förum með það. Ég hef í rauninni
litlar áhyggjur af liðinu. Það er
komin góð reynsla í þennan hóp,
margir hverjir af okkar leikmönn-
um búa að góðri reynslu úr atvinnu-
mennsku, hafa tekið þátt í stórum
leikjum, úrslitaleikjum með sínum
liðum og þekkja þetta umhverfi. Ég
hef engar áhyggjur af því að menn
bugist undan einhverri smá pressu
frá íslensku þjóðinni.“
Eru reynslunni ríkari
Þessi hópur leikmanna sem nú skip-
ar íslenska landsliðið hefur gengið
í gegnum margt saman. Skemmst
er að minnast síðasta stórmóts,
Evrópumótsins í handbolta, þar
sem liðið skaraði fram úr þrátt fyrir
mikið mótlæti og endaði í 6. sæti.
Aron segir menn búa að reynsl-
unni frá EM þar sem minna þekktir
leikmenn Íslands hafi stigið upp
þegar hver reynsluboltinn á fætur
öðrum greindist með Covid-19.
„Þetta stækkaði augljóslega hóp-
inn, sýndi okkur hvað við eigum
fullt af góðum handboltamönnum.
Þá undirstrikar það bara mikilvægi
þess, þegar maður lendir í svona
mótbyr, hversu miklu góð liðsheild
getur skilað. Við vitum okkar tak-
mörk, vitum hvað við getum og
höfum alveg efni á því að vera svo-
lítið góðir með okkur.“
Sterkasti riðill mótsins
Eftir samtöl við leikmenn sem og
þjálfara landsliðsins er alveg ljóst
að liðið tekur engu sem gefnu í þeim
riðli sem það leikur í á HM. Riðillinn
inniheldur sterkar þjóðir á borð við
Portúgal og Ungverjaland sem og
Suður-Kóreu. Það er mat manna að
þetta sé erfiðasti riðill HM.
„Ætli þetta sé ekki sterkasti rið-
illinn á mótinu en við verðum að
hafa það í huga að það stafar meðal
annars af því að við erum í þessum
riðli. Við hefðum ekki getað verið
„óheppnari“ með andstæðinga.
Þetta eru frábær lið sem við erum
að fara að mæta. Meira að segja
Suður-Kórea hefur verið að ná í góð
úrslit núna í aðdraganda mótsins og
þá þekkjum við Portúgal og Ung-
verjaland frá fyrri reynslu.
Ég er spenntur fyrir þessu verk-
efni, við getum ekkert breytt liðs-
skipan þessa riðils en erum klárir
í þetta. Við förum í þessa leiki með
aðeins eitt markið, það er að vinna
þá.“
Þungu fargi af Aroni létt
Í aðdraganda mótsins bárust nokk-
uð óvænt tíðindi af Aroni. Eftir 14 ár
í atvinnumennsku snýr hann heim
í Hafnarfjörðinn í sumar og mun
leika á nýjan leik með FH. Aron er
32 ára gamall og hefur á ferli sínum
spilað með mörgum af stærstu
handboltafélögum heims og skarað
fram úr hjá þeim. Má sem dæmi
nefna lið á borð við Kiel, Veszprém
og Barcelona. Hann hefur unnið alla
helstu titla í handboltaheiminum á
sviði félagsliða.
Ástæðurnar fyrir heimkomu
Arons eru af persónulegum toga en
það hefur tekið á fyrir hann að vera
fjarri fjölskyldunni. Það var mikil-
vægt fyrir hann að fá þessi mál á
hreint fyrir HM.
„Ég get alveg viðurkennt að það
voru nokkur kíló sem fóru af herð-
um mínum við það að klára þessi
mál fyrir mót. Ég hefði svo sem aldr-
ei leyft þessu að dragast eitthvað
langt yfir mót, þetta var eitthvað
sem ég vildi klára.
Með þessu er þungu fargi af mér
létt, nú get ég verið með fulla ein-
beitingu á landsliðinu og svo tekur
hitt við seinna.“
Segir ekki skilið við landsliðið
Hann hefur rætt þessar vendingar
við Guðmund Guðmundsson,
landsliðsþjálfara Íslands, sem hefur
í gegnum tíðina ekki leitað mikið í
íslensku deildina eftir leikmönnum
í A-landsliðið. Aron ætlar sér ekki að
hætta í landsliðinu með því að koma
heim.
„Guðmundur er bara ánægður
með þá ákvörðun mína að snúa
aftur heim til Íslands. Það eru öðru-
vísi ástæður fyrir því að maður er
að koma heim heldur en maður sér
vanalega í handboltaheiminum.
Ég gerði Guðmundi það fyllilega
ljóst að með þessu væri ég ekki að
segja skilið við landsliðið. Ég ætla
mér að vera hluti af því áfram, halda
leik mínum á því gæðastigi og hvað
landsliðið varðar lít ég bara á félags-
skipti mín til FH jákvæðum augum.
Ég hef engar áhyggjur af því að ég
verði verri handboltamaður með
því að snúa aftur heim til Íslands,
þó svo að maður sé ekki að fara að
spila í Meistaradeildinni líkt og ég
er vanur.
Það má heldur ekki gleyma því
að handboltinn hér heima er að
verða betri með hverju árinu sem
líður. Þá er æfingakúltúrinn hér
einnig frábær. Aðstaðan sem FH
býr við í Kaplakrika er í heims-
klassa og því engar afsakanir fyrir
mig að vera ekki valinn í landsliðið
í framtíðinni. Ég tel mig bara verða
að betri leikmanni með heimkom-
unni.“ n
Heimkoman í FH muni ekki marka endalokin
Aron Pálmars-
son er reyndasti
leikmaður
íslenska lands-
liðsins. Hér
ræðir hann
við Ómar Inga
Magnússon,
annan lykil-
mann Íslands á
æfingu í vikunni.
Fréttablaðið/
Ernir
aron@frettabladid.is
handbolti Viktor Gísli Hallgríms-
son, landsliðsmarkvörður Íslands í
handbolta, hefur vakið verðskuld-
aða athygli fyrir frammistöðu sína í
markinu hjá landsliðinu og franska
úrvalsdeildarliðinu Nantes. Hann er
undirbýr sig nú af krafti fyrir HM í
handbolta.
„Gaman að vera mættur aftur
í landsliðsverkefni, stemningin í
hópnum er góð og þá er það sérstak-
lega ánægjulegt fyrir mig að vera
mættur aftur í þetta hús,“ segir Vikt-
or Gísli í samtali við Fréttablaðið í
íþróttahúsinu í Safamýrinni eftir
æfingu landsliðsins.
Viktor Gísli er uppalinn Framari
og þó svo að íþróttahúsið í Safa-
mýri sé nú undir yfirráðum Víkings
Reykjavíkur líða minningar Viktors
úr húsinu ekki fyrir það.
„Bara við það að stíga hérna inn í
sal rifjuðust upp margar minningar,
það er skrýtið að sjá rauðu og svörtu
litina hérna sem og Víkingsmerkið
en afar ánægjulegt að vera mættur
hingað aftur.“
Viktor Gísli hefur staðið sig frá-
bærlega undanfarið ár. Allt virt-
ist hans góða gengi hefjast með
íslenska landsliðinu á EM í fyrra þar
sem hann var valinn markvörður
mótsins. Við tóku glæstir tímar með
danska úrvalsdeildarfélaginu GOG
og svo gekk Viktor í raðir Nantes
í Frakklandi þar sem hann hefur
slegið í gegn.
Þá var Viktor á dögunum valinn
efnilegasti markvörður heims í
kjöri vefsíðunnar Handball Planet,
kjöri sem nýtur virðingar í hand-
boltaheiminum. „Þegar maður lítur
á þetta og ber saman við aðra hluti
sem maður er að gera, spila í Meist-
aradeildinni og öllum þessu stóru
keppnum, þá skiptir þetta ekkert allt
of miklu máli. En þó er alltaf gaman
að fá viðurkenningu fyrir sín störf.“
Viktor hefur, í aðdraganda móts-
ins, verið að glíma við meiðsli á oln-
boga. Hver er staðan á honum núna
þegar rúm vika er í fyrsta leik á HM?
„Ég hef núna lokið við mína fyrstu
alvöru æfingu í tæpan mánuð, ég er
smá ryðgaður en gott að vera kom-
inn til baka að fullu. Olnboginn
virðist í fínu lagi og nú byggir maður
bara ofan á þetta.“
Fram undan sé erfitt verkefni hjá
íslenska landsliðinu á HM þar sem
liðið er í riðli með Portúgal, Ung-
verjalandi og Suður-Kóreu. „Þetta
verður mjög erfitt verkefni fyrir
okkur sem lið. Við þurfum að mæta
vel undirbúnir og strax í fyrsta leik
og taka þá síðan koll af kolli en um
leið reyna að njóta stundarinnar.“ n
Viktor hóf HM-undirbúninginn á kunnuglegum slóðum
Viktor Gísli var á dögunum valinn efnilegasti markvörður í heimi. Hann
undirbýr sig nú fyrir stórmót með íslenska landsliðinu Fréttablaðið/Ernir
16 Íþróttir 4. janúar 2023 MIÐVIKUDAGURÍþRóttIR Fréttablaðið 4. janúar 2023 MIÐVIKUDAGUR