Fréttablaðið - 04.01.2023, Blaðsíða 22

Einhver spurði einhvern
tíma hvenær maður vissi
að maður hefði samið
smell. Það er nú bara
þegar allir syngja með.

Til að birta andláts-, útfarar- eða
þakkartilkynningar í Fréttablaðinu þarf að
senda tölvupóst á timamot@frettabladid.is
eða hringja í síma 550 5055 .
Jónas Þórir og Örn Árnason
skemmta eldri borgurum í Kópa-
vogi með dægurlögum Sigfúsar
Halldórssonar næsta föstudag.
arnartomas@frettabladid.is
Félagarnir Jónas Þórir og Örn Árnason
stíga saman á stokk í Salnum í Kópavogi
á föstudag. Tónleikarnir eru ætlaðir eldri
borgurum í Kópavogi en þar munu þeir
félagar f lytja ástsæl dægurlög Sigfúsar
Halldórssonar undir yfirheitinu Amor
og asninn. Þá situr bara eftir spurningin,
hvor er hvað?
„Við erum eiginlega ekki búnir að
ákveða það ennþá, en það getur vel
verið að við séum báðir Amor og asn-
inn,“ svarar Jónas Þórir hlæjandi. „Við
ákváðum að leggja það bara í hendurnar
á tónleikagestunum,“ bætir Örn við.
Sigfús átti auðvelt með að semja gríp-
andi lög og ættu flestir að þekkja slagara
hans á borð við Litlu fluguna, Tondeleyó
og Vegir liggja til allra átta. Áform um
tónleikana hafa verið nokkuð lengi á
prjónunum hjá þeim Erni og Jónasi sem
miðuðu upphaflega við stórafmæli Sig-
fúsar.
„Við höfum verið að pæla í þessu alveg
frá 2019 og það stóð eiginlega til að vera
með þetta á aldarafmæli Sigfúsar sem
hefði verið 7. september 2020. Það auð-
vitað varð ekki,“ útskýrir Jónas. „Þetta
er eiginlega bara síðbúin heiðrun til Sig-
fúsar.“
Glaðværð og góðvild
Á tónleikunum mun Örn miðla alls konar
fróðleik og sögur um Sigfús og textahöf-
undana sem hann hefur tekið saman
og spjalla við tónleikagestina. En hvað
er það við lög Sigfúsar sem gerir það að
verkum að þau lifa enn svo góðu lífi í
íslenskri dægurlagamenningu?
„Fyrir það fyrsta þá er hann alveg
of boðslega lýrískur og svo var hann
rosalega skemmtilegur,“ útskýrir Jónas.
„Ég hafði þá ánægju að vera vinur hans
og gerði með honum plötu þar sem hann
syngur og ég spila. Þetta var eldgömul
plata þegar ég var ungur maður.“
„Þetta var þegar Jónas var enn þá með
hár,“ skýtur Örn inn.
„Sigfús var mjög mikið ljúfmenni og
öllum sem kynntust honum þótti vænt
um hann. Lögin hans lifa vegna þess að
þau fara inn í mann. Maður fer ósjálfrátt
að raula þau.“
Til þess að mála upp enn skýrari mynd
af manngerð Sigfúsar stekkur Örn til og
grípur í gagnrýni á myndlistarsýningu
hans frá 1998.
„Í einni gagnrýni um sýningu sem
hann var með árið 1998 segir: „Horn-
steinar Sigfúsar eru fjórir: Djúp list-
hneigð, fegurðarþrá, glaðværð og góðvild.
Þessir eiginleikar hans gera Sigfús Hall-
dórsson, minnisstæðan, kæran og allra
manna velkomnastan.“
Ekki amaleg meðmæli á ferilskrána,
það.
„Nei, alls ekki! Glaðværð og góð-
vild – það er það sem honum tekst að
koma fyrir í tónlistinni sinni,“ segir Örn.
„Manni líður svo vel, bæði að syngja hana
og að hlusta. Einhver spurði einhvern
tíma hvenær maður vissi að maður hefði
samið smell. Það er nú bara þegar allir
syngja með!“
Frumflutningur flugunnar
Jónas rifjar þá upp söguna af því þegar
Litla flugan var fyrst spiluð í útvarpinu á
sunnudegi.
„Síðan var Fúsi að labba niður Lauga-
veginn á mánudegi þegar hann heyrir
tvær stúlkur flauta lag fyrir framan hann.
Hann sagðist hafa verið lengi að átta sig á
því hvaða lag þetta var áður en hann átt-
aði sig á að það væri Litla flugan.“
„Það þurfti að spila lagið tvisvar í
útvarpinu vegna einhverrar rafmagns-
bilunar, en það var nóg til þess að allir
lölluðu þetta!“ bætir Örn við og hlær. n
Amor og asninn
Ekki er komið á hreint hvor sér Amor og hvor sé asninn. Mynd/Aðsend
Öld var liðin frá fæðingu Sigfúsar 7. sept-
ember 2020.
1465 Jöns Bengtsson Oxenstierna biskup sigrar Karl
Knútsson Bonde í orrustu á ís við Stokkhólm.
1643 Enski vísindamaðurinn Isaac newton fæddur.
1642 Enska borgarastyrjöldin hefst með því að Karl
1. Englands-
konungur reynir
að láta handtaka
fimm þingmenn.
1896 Utah er tekið
inn sem 45. fylki
Bandaríkjanna.
1917 Fyrsta íslenska
ráðuneytið undir
forsæti Jóns
Magnússonar
tekur til starfa.
1951 Kóreustríðið: Kín-
verjar og Norður-
Kóreumenn
hertaka Seúl.
1958 Edmund Hillary kemst á suðurpólinn.
1960 Fríverslunarsamtök Evrópu eru stofnuð í Stokk-
hólmi.
1991 Öryggisráð Sameinuðu þjóðanna fordæmir með-
ferð Ísraela á Palestínumönnum.
1994 Mikill samdráttur verður í herstöðinni á Keflavíkur-
flugvelli. F-15 orrustuþotum er fækkað úr 12 í 4,
hlustunar- og miðunarstöð lokað og hermönnum
fækkað um tæplega 400 í áföngum.
2004 Spirit, könnunarfar NASA lendir á Mars.
2006 Ariel Sharon, forsætisráðherra Ísraels, er lagður inn
á sjúkrahús með alvarlegar heilablæðingar. Ehud
Olmert varaforsætisráðherra tekur tímabundið við
völdum. n
Merkisatburðir
Ástkær eiginmaður minn, faðir okkar,
tengdafaðir, afi og langafi,
Guðfinnur H. Pétursson
yfirvélstjóri,
Kleppsvegi 62,
lést á líknardeild Landspítalans í
Kópavogi föstudaginn 9. desember.
Útför fer fram frá Langholtskirkju föstudaginn 6. janúar
kl. 13. Blóm og kransar vinsamlegast afþakkaðir en þeim
sem vilja minnast hans er bent á Krabbameinsfélagið.
Kristín Ása Ragnarsdóttir
Ragnheiður Guðfinnsdóttir Sighvatur Kjartansson
Guðbjörg Guðfinnsdóttir Þórlindur Hjörleifsson
Kristján Þór Guðfinnsson
barnabörn og barnabarnabörn
Hólmfríður Aðalsteinsdóttir
frá Laugavöllum,
er látin. Útför verður í Háteigskirkju
fimmtudaginn 5. janúar klukkan 11.
Helga, Þorsteinn og Berglaug Skúlabörn
tengdabörn og barnabörn
Elskuleg móðir mín, tengdamóðir,
amma og langamma,
Guðrún Rósa Pálsdóttir
kennari á Siglufirði og Akureyri,
síðast til heimilis að Blöndubakka 1,
Reykjavík,
lést á hjúkrunarheimilinu Sóltúni
22. desember síðastliðinn. Útför hennar verður frá
Grafarvogskirkju fimmtudaginn 5. janúar kl. 13.00.
Eiríkur Páll Eiríksson Guðrún Jónasdóttir
Hrafnkell Eiríksson
Herdís Eiríksdóttir
Brynjar Eiríksson
barnabörn og barnabarnabörn
Elskulegur eiginmaður minn, faðir,
tengdafaðir, afi, langafi og bróðir,
Jón Þórðarson
húsasmíðameistari,
Åkarp, Svíþjóð,
lést á heimili sínu, í nærveru nánustu
fjölskyldu, þann 29. desember. Útför hans
mun fara fram í Burlövs gamla kyrka í Suður-Svíþjóð.
Guðríður Anna Theódórsdóttir
Særún Jónsdóttir Krister Persson
Þórey Jónsdóttir Sigurhans Karlsson
Óðinn Jónsson Anette Jonsson
Brúnó Jónsson Maria Heintz
barnabörn og barnabarnabörn
Erla, Þórður B., Óli H. og Oddur Þórðarbörn
og fjölskyldur
Okkar ástkæra móðir, tengdamóðir,
amma og langamma,
Vala Jakobsdóttir
Eiðistorgi 5,
lést á Landspítala, Fossvogi, 1. janúar
2023. Jarðarförin verður auglýst síðar.
Vala Jóhannsdóttir Magnús Nielsson
Hrefna Björk Jóhannsdóttir Kolbeinn Kolbeinsson
Heiðveig Jóhannsdóttir Guðmundur H. Finnbjarnarson
Atli Karl Pálsson Sólborg Þórðardóttir
barnabörn og barnabarnabörn
TímamóT FréTTAblAðið 4. janúar 2023 mIÐVIKUDaGUR