Morgunblaðið - 18.08.2022, Side 6

6 FRÉTTIR
Innlent
MORGUNBLAÐIÐ FIMMTUDAGUR 18. ÁGÚST 2022
Sigtryggur Sigtryggsson
sisi@mbl.is
Það sem af er árinu 2022 hefur
sýslumaðurinn á höfuðborgarsvæð-
inu gefið út leyfi til 56 einstaklinga
til að starfa sem löggiltir fasteigna-
og skipasalar. Allt eru þetta nýir
fasteignasalar. Að auki hafa nokkr-
ir einstaklingar fengið leyfi sín af-
hent að nýju, eftir að hafa lagt þau
inn tímabundið. Á sama tíma hafa
19 einstaklingar lagt inn leyfi sín á
meðan þeir starfa ekki í faginu.
Þetta kemur fram í tilkynningum
sýslumanns í Lögbirtingablaðinu.
Stefnir í að 90 hefji nám nú
Endurmenntun Háskóla Íslands
býður upp á nám til löggildingar
fasteigna- og skipasala. Kennsla á
næstu námsbraut hefst síðar í þess-
um mánuði og er fullbókað í námið,
að því er fram kemur á heimasíðu
Endurmenntunar. Stefnir í að um
90 manns hefji nám í haust. Síðast-
liðið vor útskrifuðust 92 úr náminu.
Í Félagi fasteignasala eru um 330
félagsmenn. Innan félagsins eru
langflestir löggiltir fasteigna- og
skipasalar á Íslandi
„Það er alltaf þannig að þeir sem
útskrifast fara alls ekki allir að
vinna sem fasteignasalar og sumir
taka ekki út löggildingu sína,“ segir
Grétar Jónasson framkvæmda-
stjóri félagsins. Hann bætir við að
þær kröfur séu gerðar að viðkom-
andi þurfi að hafa starfað á fast-
eignasölu í sex mánuði til þess að
geta fengið löggildingu. Þeir geti
gert það í kjölfar námsins eða fyrr.
Réttindanám til löggildingar
fasteigna- og skipasala er fjögurra
missera námsbraut sem undirbýr
þá sem vilja starfa við sölu fast-
eigna og skipa. Námið tekur því tvö
ár. Kennsla hefst næst 27. ágúst
2022 og lýkur með útskrift í júní
2024. Námsgjald er kónur
1.250.000.
Námsbrautin er í samstarfi við
lagadeild Háskóla Íslands og bygg-
ist á lögum um sölu fasteigna og
skipasölu frá árinu 2015.
Námið samsvarar 90 ECTS-ein-
ingum. Alla jafna er eitt námskeið
kennt í einu og því lýkur með prófi
og/eða verkefni áður en næsta nám-
skeið hefst. Kennsla fer fram tvisv-
ar í viku, á mánudegi kl. 8.30-11.30
og laugardegi kl. 12.30-15.30.
Kennsla fer fram í fyrirlestraformi.
Til þess að öðlast löggildingu að
námi loknu þurfa nemendur að hafa
lokið sex mánaða starfsreynslu hjá
löggiltum fasteignasala. Sam-
kvæmt lista sem birtur er á vef Fé-
lags fasteignasala eru 92 einstak-
lingar með heimild til að vera
nemar. Listinn er miðað við 1. apríl
sl. og væntanlega hafa allmargir á
listanum nú lokið námi og hlotið
löggildingu.
Heimilt er að fela nemendum í
námi til löggildingar, sem lokið hafa
einni önn með fullnægjandi meðal-
einkunn og starfa sem sölumenn
hjá löggiltum fasteignasala, að
sinna tilteknum verkefnum. Þau
séu unnin undir ábyrgð og eftirliti
fasteignasala.
Mikil fjölgun í
stétt fasteignasala
- Það sem af er þessu ári hafa 56 ein-
staklingar hlotið löggildingu til að starfa
Morgunblaðið/Ómar
Fasteignir Langt og strangt nám er að baki hjá þeim sem starfa við sölu fast-
eigna. Enda jafnan um að ræða stærstu fjárfestingu sem fólk gerir á ævinni.
Atli Steinn Guðmundsson
atlisteinn@mbl.is
„Ég er breskur en af hollenskum
ættum. Við Judy Fowler eigum sam-
eiginlegan vin og þaðan sprettur
okkar kunningsskapur,“ segir Jan
Overmeer í samtali við Morg-
unblaðið um breska togarann Epine
og áhöfn hans, en Epine fórst úti
fyrir Dritvík á Snæfellsnesi í aftaka-
veðri í mars árið 1948.
Með Epine fórust 14 af 19 manna
áhöfn, fimm var bjargað og fundust
aðeins lík þriggja þeirra sem fórust
með togaranum, sem átti sér heima-
höfn í Grimsby á Englandi. „Afi
Judyar, William Birch, fórst með
Epine. Lík hans fannst en hún hafði
lengi vel ekki hugmynd um hvar
hann var grafinn en okkur tókst svo
að komast að því með aðstoð kirkju-
garðanna á Íslandi eftir að Mary,
dóttir mín, fór að kanna málið,“ seg-
ir Overmeer.
„Við höfum svo í nokkra mánuði
verið að skipuleggja heimsókn Judy-
ar til Íslands. Hún kom svo hingað á
sunnudaginn og á mánudag ókum
við til Dritvíkur þar sem flak togar-
ans er enn sjáanlegt á ströndinni.
Þetta fékk auðvitað mikið á hana,
skiljanlega, og í dag [gær] fórum við
og heimsóttum gröf afa hennar í
Fossvogskirkjugarði. Hún fékk þá
loksins tækifæri til að kveðja hann,“
segir Overmeer.
„Ég tengist þessum skipsskaða
ekki beinlínis sjálfur, ég kom til Ís-
lands sem ferðamaður á sínum tíma
árið 2008 og heimsótti þá Dritvík og
sá flak togarans. Við Judy kynnt-
umst svo löngu síðar á Zoom, það
var árið 2020 þegar allt var lokað í
kórónuveirufaraldrinum,“ heldur
Overmeer áfram en hann starfaði
sjálfur sem tannlæknir, nú kominn á
eftirlaun.
Þar segir hann Judy hafa sagt frá
tengslum sínum við Ísland, afi henn-
ar hefði farist með breskum togara
við landið fyrir löngu. „Ég spurði af
rælni hvort hann hefði verið í áhöfn
Epine þar sem ég vissi af örlögum
togarans frá Grimsby og áhafnar
hans og öllum að óvörum svaraði
hún því játandi,“ segir Overmeer.
„Svo hófum við þessa rannsókn
okkar á því hvar afi hennar hefði
verið lagður til hinstu hvílu, Mary
dóttir mín setti sig í samband við
kirkjugarðana og fann það loks út að
hann lægi í reit E18 í Fossvoginum
og séra Friðrik Hallgrímsson hefði
haldið minningarathöfn um þá sem
fórust með Epine,“ segir Overmeer.
Það var svo 14. nóvember 2020
sem Mary heimsótti Fossvogs-
kirkjugarð. „Þegar hún kom þangað
um miðjan vetur í hörkufrosti og
hreinsaði mosa og gróður af leg-
steininum blöstu við henni stafirnir
„WLLIAM“, illlæsilegir en nægðu
okkur þó sem staðfesting þess að við
hefðum fundið legstað afa Judyar,“
segir Overmeer enn fremur.
Judy Fowler hafi því loks fengið
að kveðja afa sinn sem fórst með Ep-
ine í mars árið 1948 og kveður Over-
meer þá stund hafa verið ákaflega
hjartnæma. „Það er mikilvægt að fá
að kveðja ástvini sína hinstu kveðju,
ekki síst hafi þeir látist af slysför-
um,“ segir hann að lokum.
Vitjaði grafar afa síns
eftir skipsskaða árið 1948
- Breski togarinn Epine fórst úti fyrir Snæfellsnesi
Morgunblaðið/Árni Sæberg
Kveðjustund Jan Overmeer, Mary dóttir hans og Judy Fowler við leiði Williams Birch, afa Judyar.
Morgunblaðið/Árni Sæberg
Legsteinninn Hinsti hvílustaður Williams Birch í Fossvogi, sjómanns sem fórst með togaranum Epine í mars 1948.
Aðalfundur Félags Sjálfstæðismanna í Langholtshverfi verður hald-
inn fimmtudaginn 25. ágúst 2022 kl. 17:00 í Valhöll, Háaleitisbraut 1.
Dagskrá fundarins er:
1. Skýrsla stjórnar um störf félagsins á liðnu ári.
2. Reikningsskil
3. Skýrslur nefnda
4. Kjör stjórnar, varastjórnar og skoðunarmanna reikninga
5. Kjör fulltrúa í Fulltrúaráð sjálfstæðisfélaganna í Reykjavík
6. Tillögur um lagabreytingar
7. Önnur mál
Framboð skulu hafa borist á netfangið jonb@xd.is fyrir kl. 16:00,
22. júlí nk.
Stjórn Félags Sjálfstæðismanna í Langholtshverfi.
Aðalfundur félags Sjálfstæðis-
manna í Langholtshverfi