Morgunblaðið - 10.12.2022, Side 14

FRÉTTIR
Innlent14
MORGUNBLAÐIÐ LAUGARDAGUR 10. DESEMBER 2022
Opið alla daga til jóla:
Virka daga 11-18,
laugardaga 11-17,
sunnudaga 13-17.
Vefverslun
selena.is
Ullar- og silki-
nærfatnaður
með fallegri blúndu
úr 70% Merino ull og 30% silki
Litir: svart, grátt, kremað.
Bláu húsin v/Faxafen • Sími 553 7355
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Sími 4 80 80 80
25 ára reynsla
JEPPABREYTINGAR
VERKSTÆÐI
VARAHLUTIR
SÉRPANTANIR
RYÐVÖRN
Athygli hefur vakið að bókin Íslensk
knattspyrna 2022 er fáanleg með
tveimur kápum. Annars vegar
prýða forsíðuna Íslands- og bikar-
meistarar Vals í knattspyrnu
kvenna en hins vegar karlalið
Breiðabliks sem tryggði sér titilinn
í annað sinn í ár. Víðir Sigurðsson,
sem skrifað hefur bækurnar síðustu
fjóra áratugina og rúmlega það,
segir að þetta sé í fyrsta sinn sem
prentaðar eru tvær kápur á þessar
vinsælu bækur.
Útgefandinn hugmyndaríkur
„Ég er með mjög hugmyndaríkan
útgefanda, Tómas Hermannsson
í Sögum. Hann er oft með miklar
pælingar um það hvernig best sé
að ná til fótboltaáhugafólks og
félaganna. Tómas setti þetta upp
sem möguleika að ef eitthvert félag
vildi taka að sér að selja hluta af
upplaginu þá væri hægt að prenta
sérstaka forsíðu fyrir það félag.“
Fyrir lá að Valskonur myndu
prýða forsíðu bókarinnar. Það var
fyrsta val að sögn Víðis enda eru
þær tvöfaldir meistarar auk þess
sem hefð hefur skapast fyrir því
síðustu árin að karlar og konur
prýði forsíðuna til skiptis. „Blikar
stukku á hugmyndina og þeir fá
sína kápu. Bókin með Valskonum
verður til sölu eins og verið hefur en
svo selja Blikarnir sjálfir sína bók,“
segir Víðir.
Ítarlegar upplýsingar
og tölfræði
Venju samkvæmt fær knatt-
spyrnuáhugafólk nóg til að kjamsa
á í bókinni. Hún er tæpar 300 síður
í stóru broti og í henni er rakinn
gangur Íslandsmótsins í öllum fimm
deildum karla og þremur deildum
kvenna í máli og myndum. Eins er
hægt að nálgast ýmsa tölfræði og
farið yfir met og stóráfanga. Þá
er fjallað um íslensku landsliðin,
Evrópuleiki íslensku liðanna á árinu
en einnig atvinnumennina erlendis
og yngri flokkana.
Breytingar voru gerðar á Íslands-
mótinu í knattspyrnu í ár. Efstu
deildir karla og kvenna fengu nafnið
Besta deildin og fyrirkomulagi
karladeildarinnar var breytt á þann
hátt að tekin var upp úrslitakeppni í
lokin. Hið sama gerist hjá konunum
á næsta ári. Leikjum liðanna fjölgar
við þetta og umgjörðin stækkar til
muna.
Íslensku deildirnar nú
samkeppnishæfar
„Þetta var mjög skemmtilegt
og áhugavert tímabil í fótbolta-
sögunni,“ segir Víðir sem kveðst
telja það betra til lengri tíma
litið að deildin beri nafnið Besta
deildin heldur en að hún sé nefnd
eftir gosdrykk eða tryggingafélagi.
„Aðalmálið var samt að tímabilið
var lengt gríðarlega. Nú er byrjað
fyrr og spilað út október. Þetta fer
að nálgast að verða alvörutímabil í
alþjóðlegum samanburði. Það sýndi
sig í ár að það er hægt að spila út
október og sjálfsagt að gera það. Á
næsta ári verður tímabil kvennanna
lengt líka og þá verða leiknir fleiri
leikir hér en á Englandi og í Þýska-
landi. Deildirnar okkar verða með
þessu algerlega samkeppnisfærar
við aðrar deildir í Evrópu.“
lÍslensk knattspyrna er kominút í 42. sinnlTværkáp-
ur í boði á bókinnilSpennandi og áhugavert tímabil í ár
Blikar keyptu hluta upp-
lagsins og fá sína kápu
Höskuldur Daði Magnússon
hdm@mbl.is
Morgunblaðið/Árni Sæberg
Útgáfa Víðir Sigurðsson með Íslenska knattspyrnu 2022 sem gefin er út með tveimur mismunandi kápum.
Nú finnur
þú það sem
þú leitar að
á FINNA.is