Víkurfréttir - 18.05.2022, Blaðsíða 7
„Ég er þakklátur fyrir sterkan stuðning sem fram kom á landsþinginu
eftir fimmtán ár í þessu embætti. Við erum með yfir átján þúsund
fjölskyldur sem félagsmenn svo okkar ábyrgð sem neytendafélag er
mikil og af nógu að taka” segir Steinþór Jónsson, ný endurkjörinn
formaður Félags Íslenskra Bifreiðaeiganda, FÍB á vef félagsins.
Landsþing félagsins var haldið sl.
föstudag á Hilton Nordica í Reykjavík
og var góð þátttaka félagsmanna
enda fyrirliggjandi kosningar um
formann félagsins. Niðurstaða í for-
mannskjöri var afgerandi en Ólafur
Guðmundsson, fyrrverandi varafor-
maður félagsins og núverandi vara-
borgarfulltrúi Sjálfstæðisflokksins,
bauð sig fram gegn sitjandi formanni
en og hafði ekki erindi sem erfiði.
Steinþór Jónsson hlut 100 prósent
atkvæða en Ólafur fékk ekkert at-
kvæði.
Steinþór segir að barátta fyrir
neytendur sé sér efst í huga á
þessum tímamótum og nefnir sem
dæmi að bílatryggingar séu nálægt
helmingi hærri hér á landi en á
Norðurlöndum.
Steinþór sagði í ræðu sinni á
þinginu að það þurfi einfaldlega
að taka tryggingagjöld hér á landi
föstum tökum og auka aðhald al-
mennt varðandi eldsneytisgjöld sem
og skatta á bifreiðaeigendur. Það sé
verið að þrengja að bifreiðum m.a.
með Borgarlínu sem muni þrengja
að bílaumferð. Þar af síður að fjár-
mögnun Borgarlínu eða almennings-
samgangna almennt komi í bifreiða-
sköttum.
„Þá er rafbílavæðing mjög hröð
og hugmyndir um skattlagningu raf-
bíla yfirvofandi svo nú er tími fyrir
okkur að vera vakandi fyrir okkar fé-
lagsmenn. Við höfum öflugan fram-
kvæmdarstjóra, Runólf Ólafsson,
sterka samstæða stjórn sem ásamt
starfsfólki skrifstofunnar mynda
heild sem ég er stoltur að vera hluti
af. Við saman ætlum að ná góðum
árangri fyrir okkar félagsmenn. Ég
skora á alla bifreiðaeigendur að
kynna sér aðild að FÍB sem bæði
margborgar sig og um leið styrkir
fjöldinn málstaðinn,“ sagði Steinþór.
Nýkjörin stjórn FÍB er skipuð
eftirtöldum einstaklingum: Steinþór
Jónsson, formaður. Kristín Sig-
urðardóttir, Reykjavík, Ingigerður
Karlsdóttir, Reykjavík, Viggó Helgi
Viggósson, Reykjanesbæ, og Einar
Bárðarson, Hafnarfirði. Í varastjórn
sitja Ástríður Sigurðardóttir, Reykja-
nesbæ, Bogi Auðarson, Kópavogi, og
Halldór Óli Kjartansson, Akureyri.
Steinþór endurkjör-
inn formaður FÍB með
öllum atkvæðum
Steinþór Jónsson, formaður FÍB, ásamt eiginkonu sinni, Hildi Sigurðardóttir,
á landsþingi FÍB sem haldið var á Hilton Nordica í Reykjavík.
339 íbúðum í fimm til sex
hæða húsum á Vatnsnesi
Tillaga að deiliskipulagi Vatnsness
– Hrannargötu 2–4 var tekin fyrir á
síðasta fundi umhverfis- og skipu-
lagsráðs Reykjanesbæjar. Deili-
skipulagstillagan gerir ráð fyrir 339
íbúðum í fimm til sex hæða húsum
og sameiningu lóða í samræmi við
uppdrætti JeES arkitekta ehf. frá 8.
apríl 2022.
Á 237. fundi umhverfis- og skipu-
lagsráðs var veitt heimild til þess
að vinna deiliskipulagstillögu í sam-
vinnu við skipulagsfulltrúa með
þeim fyrirvara að aðalskipulag
Reykjanesbæjar er í endurskoðun.
Ráðið veitir heimild til að auglýsa
deiliskipulagstillöguna. Haldinn
verði kynningarfundur á skipulags-
tímabilinu.
Í tillögunni segir m.a.:
Leggja skal ríka áherslu á lands-
lagshönnun á svæðinu í samræmi
við staðsetningu þess við ströndina.
Gera skal ráð fyrir trjábelti við
Hrannargötu, sem sem hluti af
grænni götumynd. Milli húsa og
við strandlengjuna er lagt upp með
stígum, setubekkjum, góðri lýsingu
og gróðri sem endurspeglar um-
hverfið. Við mitt svæðið er gert
ráð fyrir torgi í tengslum við helstu
þjónusturými svæðisins með góða
tengingu milli Hrannargötu og úti-
vistarsvæðis til austurs.
Mikilvægt er að vanda hönnun
og hafa samræmt yfirbragð til að
skapa heildstæða hverfisásýnd og
hafa vistvæna hönnun að leiðarljósi
við val á byggingarefnum. Huga skal
að því að nota endurnýtanleg og
vistvæn efni við hönnun húsanna.
Klæðningar skulu vera sam-
ræmdar í efnisnotkun og útfærslu
fyrir allt svæðið og hafa náttúrulega
ásýnd sem samræmist staðsetningu
húsanna.
Algalíf í samstarf um þróun á
lífplasthúð úr þörungahrati
Um 50 manns starfa hjá Algalíf
Iceland ehf. á Ásbrú sem fagnar
tíu ára afmæli um þessar mundir.
Framkvæmdir við fjögurra millj-
arða þreföldun á framleiðslunni eru
vel á veg komnar.
Líftæknifyrirtækið Algalíf á
Ásbrú hefur skrifað undir samning
við sprotafyrirtækið Marea ehf. um
þróun á lífplasthúð úr þörungahrati.
Um er að ræða næfurþunna lífniður-
brjótanlega húð um matvæli sem
mun bæði minnka plastnotkun og
draga úr matarsóun með því að auka
geymsluþol matvæla.
„Þessi nýting er nýnæmi og getur
orðið mikilvægt skref til aukinnar
sjálfbærni á Íslandi og innlegg í
verðmætaskapandi hringrásarhag-
kerfi framtíðarinnar. Hún kemur til
viðbótar núverandi þróun Marea á
lífplastfilmum úr þara,“ segir Svavar
Halldórsson, markaðsstjóri Algalífs.
Marea ehf. er sprotafyrirtæki á
sviði líftækni, sem hefur undanfarin
ár verið að þróa þaraplast, lífplast
úr þara. Marea hefur meðal annars
hlotið styrki frá Tækniþróunarsjóði,
hvatningarverðlaun sjávarútvegsráð-
stefnunnar og TM 2021 og er kepp-
andi í úrslitum í alþjóðlegu TOM
FORD Plastic Innovation Prize.
www.marea.is
Líftæknifyrirtækið Algalíf er
stærsta fyrirtækið í örþörunga-
framleiðslu á Íslandi og eitt af þeim
stærstu í Evrópu. Það hefur getið
sér gott orð á alþjóðavettvangi fyrir
sjálfbærni, gæði og afhendingar-
öryggi. Hjá fyrirtækinu starfa nú
um 50 manns og ársveltan er rúmur
einn og hálfur milljarður króna.
Framkvæmdir við fjögurra milljarða
þreföldun á framleiðslunni eru vel á
veg komnar.
Líftæknifyrirtækið Algalíf Iceland
ehf. var stofnað 5. maí 2012. Fyrir-
tækið framleiðir fæðubótaefnið
astaxanthín úr örþörung. Algalíf
leggur mikla áherslu á sjálfbærni
en framleiðslan fer fram með um-
hverfisvænum orkugjöfum í stýrðu
umhverfi innanhúss í 5.500 m² hús-
næði á Ásbrú í Reykjanesbæ. Við
framleiðsluna eru bundin um 75
tonn af koltvísýringi en um 60 tonn
af súrefni eru losuð út í andrúms-
loftið. Ekkert jarðefnaeldsneyti er
notað í framleiðsluferlinu hjá Algalíf
og efnanotkun er í lágmarki. Einu
hráefnin til framleiðslunnar eru auk
þörunganna sjálfra, vatn, næring og
ljós (raforka). Annar úrgangur en súr-
efni er lífrænt þörungahrat sem nú er
nýtt sem áburður. www.algalif.is
Framtíðarstörf í boði!
Blikksmiðja ÁG við Vesturbraut
óskar eftir að ráða starfsmenn til
starfa við blikksmíði og almenna
málmsmíði. Reynsla í málm-,
blikk- og eða trésmíði er kostur.
Framtíðarstörf í boði.
Umsóknir berist á skrifstofu eða
á finnur@agblikk.is
Blikksmiðja
Ágústar Guðjónssonar ehf.
víkurFrÉttir á SuðurNESJuM // 7