Víkurfréttir - 17.08.2022, Blaðsíða 2

FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
Tekist á um fasteignaskatta
,,Sjálfstæðisflokkurinn telur
mikilvægt að vegna hækkunar á
fasteignamati í Reykjanesbæ um
26% á íbúahúsnæði og 13% á at-
vinnuhúsnæði, að komið verði til
móts við bæjarbúa og fyrirtæki,
þannig að fasteignaskattar verði
lækkaðir svo að eðlileg breyting
á sköttum verði á milli ára,‘‘
segir í bókun Sjálfstæðisflokks í
Reykjanesbæ á fundi bæjarráðs
11. ágúst.
Margrét Þórarinsdóttir, fulltrúi
Umbótar, undir bókun Sjálfstæðis-
flokksins.
Meirihlutinn lagði fram eftir-
farandi bókun:
,,Fyrirséð er að fasteigna-
skattar fyrir árið 2023 munu
hækka vegna hækkun fasteigna-
mats. Fyrir stofn A sem er íbúða-
húsnæði bæjarins er fyrirhuguð
hækkun 26,52%. Fyrir stofn C
sem er fyrirtækjahúsnæði er fyrir-
huguð hækkun 13,42%.
Þessi hækkun er mikil og er ljóst
að heimili og fyrirtæki í Reykja-
nesbæ munu finna fyrir hækkun-
inni. Meirihluti bæjarráðs mun því,
í takt við fyrri ár, taka umræddar
hækkanir sérstaklega fyrir í fjár-
hagsáætlunargerð fyrir árið 2023.
Horft verður til ýmsa sviðsmynda
til mögulegrar lækkunar í þeirri
vinnu með hag íbúa að leiðarljósi.‘‘
Skólamáltíðir hækka
í Reykjanesbæ
– Skólamatur ehf. eini aðilinn sem bauð. Tilboðið um
fjórðungi hærra en núverandi verð. Óvissa og hækkanir
á aðföngum og fleiri liðum ástæða hækkunar.
Aðeins eitt tilboð barst í útboði
skólamáltíða í Reykjanesbæ sem fór
fram nýlega og var það frá Skólamat.
Er tilboðið 26,5% hærra en núver-
andi verð, eða 825 kr. pr. máltíð, án
niðurgreiðslu sveitarfélagsins. Verð
síðasta vetur var kr. 454 pr. máltíð í
grunnskólum Reykjanesbæjar.
Að teknu tilliti til niðurgreiðslu
sveitarfélagsins var það í lægri kant-
inmu í samanburði við sambærileg
sveitarfélög. Hjá þeim var verð
þannig; Reykjavík kr. 535, Kópavogur
kr. 523, Hafnarfjörður kr. 487, Akur-
eyri kr. 508 og Garðabær kr. 535.
Ekki liggja fyrir upplýsingar um verð
á skólamáltíðum hjá þessum sveitar-
félögum á komandi vetri.
Ef Reykjanesbær heldur áfram að
niðurgreiða skólamat um 30% eins
og verið hefur mun áskriftarverð
nema 575 kr. pr. máltíð eftir hækkun.
Samkvæmt tilboðinu mun kostnaður
Reykjanesbæjar vegna hádegismatar
í grunnskólum hækka um tæpar
80 millj. kr. á ársgrundvelli, úr kr.
295.742.200 í kr. 375.309.000,
miðað við óbreyttan fjölda nemenda
sem nýtir þjónustuna.
Samkvæmt tilboðinu hækkar
einnig verð á máltíðum í þeim leik-
skólum sem kaupa mat af Skólamat
og er sá viðbótarkostnaður áætlaður
um 10 millj. kr. og kostnaður vegna
síðdegishressingar í frístundaheim-
ilum hækkar um 6,5 millj. kr.
Ástæður hækkana má til þeirra
breytinga og hækkana sem orðið
hafa á vísitölu neyslusverðs, mat-
væla, hráefnis og launa.
Kjartan Már Kjartansson, bæjar-
stjóri, sagði að bæjaryfirvöld í
Reykjanesbæ hefðu þegar ákveðið
að taka tilboðinu en frekari útfærsla
yrði til umræðu í bæjarráði nk.
fimmtudag.
Að sögn Jóns Axelssonar fram-
kvæmdastjóra Skólamatar ríkir mikil
eftirvænting hjá þeim fyrir nýjum og
breyttum þjónustusamningi.
Skólamatur hefur þjónustað
Reykjanesbæ með skólamáltíðir
frá árinu 2005 og segir Jón að sam-
starfið hafi alla tíð verið farsælt. Í
nýjum þjónustusamningi eru tals-
verðar áherslubreytingar þar sem
sveitarfélagið leitaðist eftir aukinni
þjónustu frá fyrri samningi.
Jón segir að það verði spennandi
áskorun að takast á við þau verkefni
sem framundan eru, sérstaklega þar
sem óvissuþættir í rekstri matvæla-
fyrirtækja verða miklir á næstu miss-
erum. Tilboðsverð er að sögn Jóns
í samræmi við sambærileg verkefni.
Flutningaskipið Sagittarius lagðist að bryggju í
Helguvík í síðustu viku með sementsfarm. Það eru svo
sem engin tíðindi að sementi sé skipað upp í Helguvík
en skipið sem þarna var á ferðinni var stærri flutn-
ingaskipum sem koma til Helguvíkurhafnar. Skipið
er 170 metra langt og um 17.000 brúttótonn. Flutn-
ingaskipin sem vanið hafa komur sínar til Helguvíkur
eru mun minni og aðeins olíuskipin sem þangað koma
eru á stærð við þetta og aðeins stærri. Á myndinni má
einnig sjá nokkra smábáta sem voru á makrílveiðum
undir Keflavíkurbjarginu en kropp hefur verið hjá
makrílbátunum frá því um verslunarmannahelgi.
VF-mynd: Hilmar Bragi
170 metra langt skip
með sement í Helguvík
FIMMTUDAG KL. 19:30
HRINGBRAUT OG VF.IS
2 // vÍkurFrÉttir á suðurNEsJuM