Víkurfréttir - 17.08.2022, Blaðsíða 13

Vertu klár fyrir framtíðina
Framtíðin liggur í tækni og þekkingu
Eins og flestum er kunnugt þá er Fisktækniskóli Íslands
í Grindavík framhaldsskóli hér á Suðurnesjum sem hefur
m.a. það hlutverk að mennta fólk í haftengdum greinum
að loknum grunnskóla og að bjóða fólki á Suðurnesjum
nám á framhaldskólastigi á sviði veiða, vinnslu og fisk-
eldis. Námið er byggt upp sem tveggja ára nám í fisk-
tækni sem getur staðið sjálfstætt en einnig er hægt að
bæta við sig þriðja árinu og sérhæfa sig í fiskeldistækni,
gæðastjórnun, og vinnslutækni eða haftengdri nýsköpun.
Gríðarleg eftirspurn er eftir fólki sem hefur sérhæft sig í
þessum greinum sjávarútvegsins og hafa nemendur átt
greiða lið í góð störf að námi loknu. Þróunin og nýsköp-
unin sem átt hefur sér stað innan atvinnugreinarinnar
verið ótrúleg á síðustu árum og áratugum.
Mikilvægi Bláa hagkerfisins
Það þarf ekkert að fara í grafgötur um það hversu mikil-
vægur sjávarútvegurinn, fiskeldið og fiskvinnslan er fyrir
íslenskan efnahag og framtíð landsins? Bláa hagkerfið
er lífæð þessarar þjóðar og mun vera um ókomna tíð,
þrátt fyrir óáran og hrun standa þessar atvinnugreinar
alltaf upp úr rústunum og koma okkur á lappirnar aftur.
Sjávarútvegur og tengdar greinar hafa verið og munu
vera áfram hornsteinn íslensks atvinnulífs. Við flytjum
út hágæða fiskafurðir til allra heimshorna og á bak við
þennan útflutning liggur ótrúleg vinna við markaðs-
setningu og gríðarmikil þekking sem byggst hefur upp
á undanförnum árum og áratugum. Þekking á sviði laga,
tækni, flutninga, samskipta og þjónustu hefur gert það
að verkum að íslenskar fiskafurðir eru taldar til þeirra
bestu og eru gífurlega eftirsóttar á diska neytenda út
um allan heim.
Í fremstu röð
Við Íslendingar erum í fremstu röð hvað varðar um-
hverfisvænar veiðar, sjálfbærni veiða og meðferð á afla
og athygli umheimsins á þessum þáttum í veiðum og
vinnslu hefur aukist mjög á síðustu misserum. Það gerir
það að verkum að störf innan bláa hagkerfisins bjóða
upp á marga spennandi starfsmöguleika. Atvinnu-
greinin hefur þróast frá því að vera verksmiðjuvinnsla
yfir í það að vera hátæknileg matvælavinnsla sem krefst
fagmenntaðs starfsfólks. Hér á Suðurnesjum hafa fyrir-
tæki verið leiðandi í því að auka verðmæti fiskafurða og
fjölga leiðum til fullvinnslu. Má þar t.d. nefna framleiðslu
á kollagenvörum og þann mikla vöxt sem hefur átt sér
stað í vinnslu ferskra fiskafurða sem fluttar eru daglega
flugleiðis austur og vestur um haf frá Keflavíkurflugvelli.
Fiskeldi
Síðast en ekki síst má nefna fiskeldið sem er atvinnu-
grein í mjög mikilli sókn um allan heim og óvíða eru skil-
yrði til þess betri en einmitt hér á Suðurnesjum. Það er
gríðarmikil uppbygging fyrirsjáanleg í þeirri atvinnu-
grein hér á svæðinu á komandi árum með tilheyrandi
tækifærum. Nægir að nefna í því samhengi að Samherji
fiskeldi áformar að byggja upp allt að 40.000 tonna
landeldi á laxi í þremur áföngum á næstu ellefu árum.
Landeldisstöðin verður staðsett við Reykjanesvirkjun
og mun samanstanda af seiðastöð, áframeldisstöð og
frumvinnsluhúsi ásamt þjónustubyggingum. Það er stór-
kostleg viðbót við þær fiskeldisstöðvar sem fyrir eru á
svæðinu sem skapað hafa mikla og góða vinnu, fyrirtæki
eins og Stolt Seafarm, Matorka og Benchmark Genetics.
Eins er vert að geta þess að mikil uppbygging í fiskeldi
á sér stað hjá okkar góðu nágrönnum hinum megin við
Suðurstrandaveginn í Ölfusinu og ljóst að mikil vöntun
verður á fagmenntuðu starfsfólki til þess að manna
þessar stöðvar á næstu árum.
Menntun er lykilatriði
Fisktækniskólinn tekur við nemendum allan ársins
hring og hvetur þá sem standa á krossgötum og eru að
velta fyrir sér atvinnumöguleikum framtíðarinnar hér
á suðvesturhorninu að skoða hvað skólinn hefur upp á
að bjóða. Nám í Fisktækniskólanum hefur einnig gefið
nemendum greiða leið í áframhaldandi náms á háskóla-
stigi liggi hugurinn til hærra menntunarstigs. Menntun
og aftur menntun og vel menntað starfsfólk er lykilat-
riði til að halda okkar sterku stöðu í samkeppni þjóða
í matvælaframleiðslu og til að viðhalda okkar frábæra
orðspori sem greinin hefur byggt upp á síðustu áratugum.
Fisktækniskóli Íslands í Grindavík býður upp á þessa
menntun og leggur með því sín lóð á vogarskálarnar.
Vertu klár,
Fisktækniskóli Íslands.
Midnight Librarian
heldur stórtónleika í Hljómahöll
Hljómsveitin Midnight Librarian heldur sína árlegu tónleika í
tónleikasalnum Bergi í Hljómahöll föstudaginn 26. ágúst næst-
komandi. Með sveitinni koma fram nærri tuttugu aðrir hljóð-
færaleikarar svo það má sannarlega búast við stórtónleikum.
Midnight Librarian hélt tónleikana
í Fjörleikhúsinu á síðasta ári en
nú verða þeir haldnir í Bergi. „Við
teljum að sá salur henti betur þar
sem hann er sérstaklega hannaður
fyrir tónlistarflutning,“ segja þau
en öðru máli gegni um leikhúsið.
„Þar er hljómburður þannig að fólk
geti greint mælt mál af sviðinu,
tónlistin verður því svolítið yfir-
þyrmandi – að maður tali ekki um
þegar nærri þrjátíu söngvarar og
hljóðfæraleikarar eru saman á
sviðinu.“
Víkurfréttir settust niður með
nokkrum meðlimum Midnight
Librarian og ræddu við þá um
hvernig síðasta ár hafi gengið
hjá þeim en auk þess að gefa út
sína fyrstu breiðskífu á síðast ári,
plötuna From Birth Till Break-
fast sem inniheldur ellefu lög, hafa
orðið mannabreytingar á sveitinni
og þau eru búin að vera dugleg að
spila opinberlega.
Meðlimir hljómsveitarinnar eru
nú orðnir átta talsins, nýr trommu-
leikari, Þórarinn Þeyr Rúnarsson,
leysti Val Ingólfsson af hólmi en
auk þess hefur söngkonan Diljá
Pétursdóttir bæst í hópinn og
hefur hún ekki síður kraftmikla
söngrödd en Þorsteinn Helgi
Kristjánsson sem þenur radd-
böndin með henni. Þau smellpassa
hvort við annað eins og mátti sjá
og heyra í laginu In my Lane sem
var einmitt tekið upp „læf“ í Bergi
í byrjun árs.
Hvað er framundan hjá ykkur,
fyrir utan þessa tónleika í Hljóma-
höllinni?
„Við erum að fara að gefa út
nýtt lag núna í lok þessarar viku,
þann 19. ágúst, sem ber heitið 70
mph,“ segja þau. „Í stað þess að
gefa út aðra breiðskífu þá ætlum
við frekar að gefa út eitt og eitt lag
í einu,“ bætir Steini söngvari við.
„Það lifir lengur.“
„Framundan eru þessir árlegu
tónleikar en við ætlum að hafa
það að reglu að halda þá hér í
okkar heimabyggð,“ segir Jón
Böðvarsson, saxófónleikari sveit-
arinnar. „Svo verðum við að spila
á Ljósanótt, ég held alla dagana,“
bætir hann við. „Svo verðum við
líka á Airwaves en það er ekki
komið á hreint á hvaða venues við
verðum þar – það er allt í vinnslu.“
Tónleikarnir í Bergi, verða þeir á
svipuðum nótum og þeir sem þið
hélduð í Fjörleikhúsinu á síðasta
ári?
Steini verður fyrir svörum
og segir að uppbyggingin verði
svipuð. „En við munum einnig
spila nýtt efni og með okkur
verða enn fleiri hljóðfæraleikarar
en í fyrra. Það eru sennilega átján
eða nítján manns fyrir utan okkur
– við munum flytja nýjar og stærri
útsetningar af lögunum, strengja-
sveit, brass og bakraddir til stuðn-
ings og fleira.“
Hafa orðið einhverjar áherslu-
breytingar á tónlistinni ykkar
með tilkomu nýrra meðlima?
„Við höfum ekki verið að festa
okkur í neinu sérstöku formi, við
spilum bara það sem við höfum
gaman af – ég myndi kannski
segja að margt af þessu nýja væri
kannski aðeins poppaðra en fyrra
efni,“ segir Arnór, sem leikur
á hljómborð, og gítarleikarinn
Arnar tekur undir það. „Við erum
samt enn einhverskonar blanda af
poppi, R&B, fönki og djassi.“
Miðasala á tónleikana er hafin á
tix.is en Midnight Librarian hélt
tvenna tónleika í fyrra og seldist á
þá báða auk þess sem lagið Funky
Fresh komst á A-lista Rásar 2.
Frá tónleikum Midnight Librarian í
Fjörleikhúsinu á síðasta ári. VF-mynd: JPK
Lagið In my Lane var tekið upp í Bergi.
Skjáskot af YouTube
Jóhann Páll Kristbjörnsson
johann@vf.is
vÍkurFrÉttir á suðurNEsJuM // 13