Víkurfréttir - 17.08.2022, Blaðsíða 12

„Mér finnst þetta eitt dásamlegasta starf í heimi. Mér finnst rosaleg for-
réttindi að fá að vera með þessi litlu kríli hjá mér á daginn. Þetta er líka
gríðarlega krefjandi starf, því þú þarft ekki bara að ala upp þitt eigið barn
heldur ert þú að ala upp tíu börn í einu. Það kemur samt frá mínum innstu
hjartarótum þegar ég segi hvað ég er þakklát því það er í raun ekki sjálf-
gefið að foreldrar treysti annarri manneskju fyrir barninu sínu, vegna þess
að það dýrmætasta sem við eigum eru börnin okkar,“ segir Kittý.
Kittý er að hefja sitt tíunda ár sem
dagforeldri en Símon slóst í för með
henni eftir að Kittý nefndi það við
hann í hálfgerðu gríni að hann gæti
unnið með henni. „Símon kemur úr
vöruhúsabransanum. Hann vann
í bænum og var orðinn leiður á að
keyra brautina og fór þá hægt og
rólega að skoða í kringum sig og ég
stakk upp á því í hálfgerðu gríni að
hann ætti að gerast dagforeldri með
mér. Svo tveimur dögum seinna
spurði hann mig hvort mér væri al-
vara og hugsaði með mér: „Af hverju
ekki?“ Svo ég svara játandi. Hann
ákvað þá að taka sér pásu frá vöru-
húsabransanum í ár og vera í þessu.
Við prófuðum það og hann er að
byrja sitt fjórða ár núna og líkar rosa-
lega vel við. Þetta var alveg ótrúlega
fyndið hvernig þetta gerðist,“ segir
Kittý. Hún segir það muna miklu
að vera með félaga í sér í starfi sem
þessu. „Ég hef bæði unnið ein í mörg
ár og svo með félaga. Ég get ekki
talað fyrir hönd allra en fyrir mitt
leyti finnst mér þetta mun skemmti-
legra, auðveldara og þægilega. Þá er
maður líka ekki bara að tala í „gaga
gúgú máli“ allan daginn, maður fær
þá að minnsta kosti einhver sam-
skipti við fullorðinn einstakling,“
segir hún.
Vöntun hefur verið á dagfor-
eldrum á svæðinu og Kittý segist
finna fyrir því sem formaður Sam-
taka dagforeldra á Suðurnesjum.
„Það er mikið af foreldrum sem
hringja í mig til þess að athuga hvort
ég viti um laus pláss. Ég fæ einnig
eitthvað af símtölum frá áhyggju-
fullum foreldrum sem vita ekki hvað
þeir eiga að gera í þeim tilfellum sem
það er ekki pláss. Ég veit náttúrlega
oftast hvar þau pláss eru og ég fæ
oft að vita ef það losna pláss hjá ein-
hverjum dagforeldrum. Ég finn því
kannski meira fyrir þessu en aðrir,“
segir Kittý. Í átta ár af þeim tíu
árum sem hún hefur verið í starfinu
hefur hún verið formaður félagsins
og segir hún það vera erfiðara nú
en áður að finna pláss fyrir alla.
„Langflest árin höfum við náð að
brúa nánast alla, þá hafa nánast allir
komist inn til okkar á haustin. Það
eru náttúrulega alltaf einhverjir sem
komast ekki inn, það hefur nú samt
oftast reddast. Núna í ár er árgang-
urinn einstaklega stór og því miður
höfum við ekki náð að brúa þetta.
Ég vildi óska þess að ég gæti boðið
öllum að koma bara til mín en það
eru takmörk á því hversu mörg hver
og einn má sjá um,“ segir hún.
Stjórn Samtaka dagforeldra á
Suðurnesjum hefur verið í góðu
samstarfi við Reykjanesbæ og segir
Kittý það samstarf lofa góðu. „Við
í stjórninni vorum einmitt að ljúka
samning við Reykjanesbæ þar sem
Reykjanesbær mun greiða dagfor-
eldranámskeiðið að fullu. Hingað til
hefur bærinn borgað helminginn af
upphæðinni en nú er það niðurgreitt
að fullu. Auk þess fá nýir dagfor-
eldrar aðstöðu styrk upp á hundrað
þúsund krónur til þess að byrja starf-
semina sína sem er alveg rosalega
mikil hjálp. Síðan erum við að fara
að fá leikfangastyrki á þriggja ára
fresti upp á hundrað þúsund krónur
sem er náttúrlega bara geggjuð
búbót fyrir okkur dagforeldrana til
að hafa okkar starfsemi sem besta.
Við erum með þannig metnað að við
viljum vera flott, við viljum að for-
eldrar líti á starfið okkar og hugsi að
það sé æðislegt. Þegar maður er með
þennan metnað að gera starfið fyrsta
flokks, þá kostar það sitt. Mér finnst
því æðislegt að Reykjanesbær sé til
í að taka þátt í þessu með okkur, það
er ómetanlegt. “ segir Kittý.
Aðspurð hvaða skilaboð Kittý
hefur til þeirra sem eru að spá í að
hefja störf sem dagforeldri segir hún:
„Láttu vaða. Þú þarft að elska þessi
litlu kríli og vera þolinmóð mann-
eskja en það sakar aldrei um að láta
vaða. Ég segi oft: „Prófaðu þetta í
ár, þú tapar í rauninni engu á því.“
Því flestir sem prófa þetta í ár enda
svo í þessu til fleiri ára og alveg upp
í þrjátíu ár. Okkur vantar dagforeldra
og það er ekki hlaupið að því fyrir
alla að gerast dagforeldri. Það þarf að
vera með fínt húsnæði og svoleiðis.
Fólki dettur heldur ekki alltaf í hug
að gerast dagforeldri en ég mæli með
þessu starfi, alveg hiklaust.“
Allar upplýsingar um störf
dagforeldra í Reykjanesbæ má
finna á heimasíðu bæjarins,
www.reykjanesbaer.is.
Það dýrmætasta
sem við eigum
eru börnin
okkar
Láttu vaða.
Þú þarft að
elska þessi
litlu kríli og
vera þolinmóð
manneskja
en það sakar
aldrei um að
láta vaða ...
Reykjanesbær auglýsir eftir fólki í stöðu
dagforeldra en vöntun er á dagforeldrum
í bænum. Dagforeldrar eru sjálfstæðir
verktakar en þeir fá starfsleyfi í gegnum
bæinn. Kittý Guðmundsdóttir, formaður
Samtaka dagforeldra á Suðurnesjum, og
eiginmaður hennar, Símon Jakobsson, eru
með tíu börn í dagvistun. Þau segja krefjandi
en jafnframt virkilega skemmtilegt.
Thelma Hrund Hermannsdóttir
thelma@vf.is
FIMMTUDAG KL. 19:30
HRINGBRAUT OG VF.IS
Störf hjá Reykjanesbæ
Umsóknir í auglýst störf skulu berast rafrænt gegnum vef
Reykjanesbæjar. Þar eru jafnframt nánari upplýsingar um auglýst
störf. Hægt er að notast við QR kóða til að fara beint inn á vefinn
Bókasafn Reykjanesbæjar - Útlánadeild
Fræðslusvið - Talmeinafræðingur
Velferðarsvið - Dagdvalir aldraðra
Velferðarsvið - Deildarstjóri á Hæfingarstöð
Velferðarsvið - Deildarstjóri/hjúkrunarfræðingur
Velferðarsvið - Stuðningsfjölskyldur
Velferðarsvið - Tilsjónaraðilar í barnavernd
Starf við liðveislu
Starfsmaður á Eignaumsýslu Umhverfissviðs
12 // vÍkurFrÉttir á suðurNEsJuM