Víkurfréttir - 17.08.2022, Blaðsíða 6

Útgefandi: Víkurfréttir ehf., kt. 710183-0319. Afgreiðsla og ritstjórn: Krossmói 4a, 4. hæð, 260 Reykjanesbæ, sími 421-0000. Ristjóri og ábyrgðarmaður: Páll Ketilsson, s. 893-3717, pket@vf.is. Fréttastjóri: Hilmar Bragi
Bárðarson, s. 898-2222, hilmar@vf.is Auglýsingastjóri: Andrea Vigdís Theodórsdóttir, s. 421-0001, andrea@vf.is. Blaðamenn: Jóhann Páll Kristbjörnsson, Thelma Hrund Hermannsdóttir og Sigurbjörn Daði Dagbjartsson.
Útlit og umbrot: Jóhann Páll Kristbjörnsson og Hilmar Bragi Bárðarson. Dagleg stafræn útgáfa: vf.is og kylfingur.is
Makríll tekinn að veiðast á ný
Það er svo margt skrítið sem gerist.
Fyrir rúmum tíu árum síðan fór
makríll að veiðast við landið og
þá að mestu í Faxaflóanum og við
Keflavík. Veiðarnar jukust ár frá
ári þangað til árið 2020 þegar að
enginn makríll kom, og árið 2021
var heldur enginn makríll.
Núna í júlí, þegar að strandveiði-
tímabilið var lokið, voru nokkrir
handfærasjómenn sem ákváðu að
fara að veiða ufsann sem hefur
gengið vel. Einn af þeim var Magni
Jóhannsson fyrrum skipstjóri á
Breka KE. Hann kláraði strand-
veiðitímabilið og fór einn róður á
ufsann og kom með um 2,7 tonn í
land. Hann hafði tekið eftir því að
hann varð var við makríl og því
ákvað hann að prófa hvort það
væri makríll í veiðanlegu magni og
jú, það reyndist vera.
Hann kom með 2,7 tonn í land
og í kjölfarið þá fjölgaði bátunum
sem á makríl eru og hefur veiðin hjá
þeim verið nokkuð góð. T.d. Birna
BA með 11,3 tonn í sex róðrum,
Svala Dís KE 10 tonn í fimm
róðrum, Tjúlla GK 22,5 tonn í sex
róðrum og mest fimm tonn, Sigrún
SH (sem áður var Addi Afi GK) 4,2
tonn í þremur róðrum, Stakasteinn
GK 1,5 tonn í tveimur, en um borð
í þeim báti er Hjörtur Jóhannsson
sem er bróðir Magna, og síðan Jói
BA með 1,1 tonn. Ragnar Alfreðs
GK 4,2 tonn í tveimur róðrum en
auk þess var báturinn með 5,3
tonn í einni löndun af ufsa. Auk
þessara báta hefur einn bátur frá
Ólafsvík veitt makríl og er það Júlli
Páls SH sem er með 13,6 tonn í
fjórum róðrum. Semsé makríllinn
er kominn aftur í einhverju mæli þó
enginn mokveiði sé en samt einhver
veiði.
Bátunum sem eru að eltast við
ufsann á handfærin hefur fjölgað
mjög mikið og hefur þeim gengið
ansi vel. Lítum á nokkra; t.d. Addi
Afi GK með 11 tonn í tveimur
róðrum, Margrét GK 11 tonn í
þremur róðrum, Sunna Líf GK
4,8 tonn í einum, Sara ÍS 3,7 tonn
í einum, Guðrún GK 90 10 tonn í
þremur róðrum, Sindri GK 4,5 tonn
í einum, Von GK 3,3 tonn í einum,
Snorri GK 7,5 tonn í þremur róðrum
og Arnar ÁR 5,8 tonn í þremur. Allir
þessir bátar voru að landa í Sand-
gerði.
Dragnótabátunum hefur fjölgað
aðeins því að Nesfiskbátarnir eru
komnir af stað og Ísey EA er líka
komin á veiðar og hefur veiðin
verið nokkuð góð. T.d. Siggi Bjarna
GK með 70 tonn í fimm róðrum og
mest 35 tonn, Sigurfari GK 56 tonn
í fjórum og mest 31 tonn, Ísey EA
9,1 tonn í tveimur og Benni Sæm
GK 7,8 tonn í tveimur. Allir að landa
í Sandgerði.
Nú má segja að þeir fáu neta-
bátar sem róa frá Suðurnesjum
séu komnir á veiðar. Tveir bátanna
eru að eltast við ufsann; Grímsnes
GK sem er kominn með 85 tonn í
fimm róðrum og Erling KE 39 tonn
í fjóðrum róðrum. Maron GK er
kominn með 38 tonn í tíu róðrum
og Halldór Afi GK 18 tonn í níu
róðrum báðir í Keflavík/Njarðvík
og þarna uppistaðan þorskur. Einn
netabátur er í Grindavík og er það
Hraunsvík GK sem er með 14 tonn
í fimm róðrum og af því var þorskur
9 tonn hitt var mjög blandaður afli
sem Hraunsvík GK var með.
aFlaFrÉttir á suðurNEsJuM
Gísli Reynisson
gisli@aflafrettir.is
Undirbúningur fyrir Ljósanótt er í fullum gangi og gengur vel. Hefð-
bundin dagskrá verður á hátíðinni í ár. Kjötsúpa, heimatónleikar,
Ljósanæturball, myndlistarsýningar og hin ýmsu atriði verða á
sínum stað rétt eins og áður. Þó verða gerðar breytingar hvað varðar
setningu Ljósanætur en hún mun fara fram fimmtudaginn 1. septem-
ber klukkan 10:30 í Skrúðgarðinum og munu tveir árgangar, þriðji og
sjöundi bekkur, úr hverjum skóla taka þátt í setningunni. Hver og
einn skóli mun einnig hafa viðburð, hver í sinni útfærslu, á föstu-
deginum í tilefni Ljósanætur.
Guðlaug María Lewis, menningar-
fulltrúi Reykjanesbæjar, segir það
vera fyrirkomulag sem er komið til
að vera ef tekst vel til. „Við erum
orðinn svo stór bær og það var orðið
alveg risa mál að ferja öll börn bæj-
arins að Myllubakkaskóla. Tvö eða
þrjú síðustu skipti hefur þetta verið
á eftirmiðdegi í Skrúðgarðinum. Nú
ætlum við að taka aftur upp gamla
þráðinn nema með færri börnum,“
segir Guðlaug eða Gulla eins og hún
er oftast kölluð.
Hi n i r ý msu v iðb u rði r og
skemmtun verður í boði um allan bæ.
Árgangagangan er meðal þeirra við-
burða sem verða á sínum stað eins
og áður, enda einn af hápunktum
hátíðarinnar. Þá verður einnig boðið
upp á kjötsúpu, flugeldasýning og at-
riði sýnd á stóra sviðinu við Hafnar-
götu. Þau eru ekki af verri endanum
í ár en á laugardeginum munu
Vök, Flott, Birnir og Bubbi Mort-
hens halda uppi stuðinu. Listir og
menning er stór partur af upplifun
margra á Ljósanótt. Duus safnahús
munu bjóða upp á áhugaverðar
sýningar. Þá verður listasýningin
Sporbaugur/Ellipse á sínum stað
í Listasafni Reykjanesbæjar en sýn-
ingin var gerð sérstaklega fyrir rými
safnsins. Auk þess mun Byggðasafn
Reykjanesbæjar opna sýninguna Hér
sit ég og sauma fimmtudaginn 1.
september kl. 18 í Duus safnahúsum
en sýningaropnunin er hluti af dag-
skrá Ljósanætur.
Aðspurð hvernig undirbúning-
urinn fyrir hátíðina gengur segir
Gulla: „Það er bara allt að frétta,
allt á fullu. Undirbúningi miðar vel
áfram, við erum að vinna að full-
búinni hátíð eins og við þekkjum.
Með dagskrá frá fimmtudegi til
sunnudags og undirbúningur fyrir
alla okkar föstu liði eru í gangi. Svo
erum við að vonast eftir góðri þátt-
töku frá íbúum og öðrum. Þetta
er svolítið þannig að við búum til
umgjörðina í kringum hátíðina og
svo þarf fólk að fylla upp í með ein-
hverjum skemmtilegum viðburðum.“
Bæjarbúar hjálpast að við að
gera góða hátíð enn betri
Miðasala á Heimatónleikana, sem
haldnir eru í heimahúsum í Gamla
bænum fór fram 12. ágúst og seldust
allir miðar upp á örskotsstundu
enda mikið af flottu listafólki sem
mun koma fram. Heimatónleikarnir
verða nú haldnir í sjötta skiptið og
má segja að tónleikarnir séu meðal
þeirra viðburða sem hafi slegið ræki-
lega í gegn á síðustu árum. Guðný
Kristjánsdóttir er meðal þeirra sem
standa að viðburðinum og segir hún
það ánægjulegt að sjá hve mikill
áhugi ríkir meðal bæjarbúa á við-
burðinum. „Við fórum með 650 miða
í sölu og það er skemmst frá því að
segja að þeir fóru á örfáum mínútum,
sem er frábært,“ segir Guðný. Í upp-
hafi voru heimatónleikarnir aðeins
haldnir í örfáum húsum í Gamla
bænum en á síðustu árum hefur
það undið upp á sig. Guðný segir við-
burði eins og heimatónleikana skapa
jákvæða umræðu um samfélagið
okkar. „Þetta er hörku vinna og við
erum ekki að hagnast neitt á þessu
þegar búið er að greiða listamönnum
og borga fyrir hljóðkerfi og annað.
Mér finnst frábært að fólk sé tilbúið
að opna heimili sín fyrir bæjarbúum
og þetta hefur gengið svo vel. Fólk
hefur sýnt kurteisi, það gengur vel
um og listamönnunum finnst þetta
Allt á fullu fyrir Ljósanótt
líka alveg ótrúlega skemmtilegt „con-
cept“. Þetta er bara svo jákvætt og
skapar jákvæða umræðu fyrir sam-
félagið okkar,“ segir hún.
Gulla hefur þetta að segja um
heimatónleikana: „Það er svona
íbúa verkefni, eitthvað sem ekki
er á vegum okkar [bæjarins]. Það
væri gaman að sjá meira af svona,
að fólk taki sig saman og búi eitt-
hvað skemmtilegt til. Það er einmitt
verið að búa til nýtt svona verkefni
núna, mér finnst það vera ótrúlega
spennandi viðbót.“ Hér vitnar Gulla í
viðburðinn Í Holtunum heima sem
mun fara fram í „Holta hverfinu,“ þó
með aðeins öðruvísi sniði en heima-
tónleikarnir. Viðburðurinn er nýr af
nálinni en um er að ræða útitónleika
sem haldnir verða föstudagskvöldið
2. september á opnu svæði milli Há-
holts og Lyngholts í Keflavík. Fram
koma Suðurnesjabandið Midnight
Librarian, Herbert Guðmundsson og
Bjartmar og Bergrisarnir. Miðasala á
viðburðinn fer fram á tix.is og byrjar
þann 18. ágúst og eru 500 miðar í
boði. Birgir Már Bragason, oftast
kallaður Biggi, er einn af skipuleggj-
endum viðburðarins. Hann segir
undirbúninginn hafa gengið vel. „Það
er allt eitthvað svo jákvætt við þetta.
Það eru allir tilbúnir að hjálpa og það
er allt að smella,“ segir Biggi. Þá segir
hann hugmyndina að tónleikunum
hafa kviknaði á góðra vina fundi.
„Við vinirnir hittumst oft í skúrunum
hjá hvor öðrum og tökum smá spjall.
Einn daginn barst þetta flotta svæði
í Holtinu til tals og okkur datt í hug
að halda eitthvað svona bara fyrir
okkur hópinn. Svo með tímanum
og umræðunni ákváðum við að
fara alla leið og halda tónleika og
þar með bæta í Ljósanætur-flóruna.
Það er alltaf verið að tala um að það
mætti bæta við viðburðum og færa
hátíðina meira inn í bæjarfélagið,
svo okkur fannst þetta bara tilvalið,“
segir Birgir. Aðspurður hvernig fólkið
í kringum hann sé að taka í þessa
nýjung segir hann: „Bara ótrúlega
vel! Það kemur verulega á óvart, við
vissum náttúrulega ekkert hvað við
værum að fara út í en viðbrögðin og
undirtektirnar hafa verið frábærar,“
segir hann. Í samtali blaðamanns
VF við Guðnýju barst þessi nýi við-
burður til tals og hafði hún þetta að
segja um hann: „Það er geggjað að
einhverjir aðrir séu að gera þetta
líka. Við fögnum því að fleiri hverfi
séu að koma inn í þetta og hver veit
nema þetta gæti endað á einhverju
samstarfi milli hverfa.“
6 // vÍkurFrÉttir á suðurNEsJuM