Fréttablaðið - 08.02.2023, Qupperneq 31

Gríðarleg óvissa ríkir um
það hvort Kórdrengir mæti
til leiks í Lengjubikarnum á
föstudag. Liðið á þá leik gegn
Breiðabliki en liðið hefur
ekki komið saman frá síðustu
leiktíð. Óvíst er hvernig
framtíð félagsins lítur út.
hordur@frettabladid.is.
Fótbolti Saga Kórdrengja hefur
vakið mikla athygli undanfarin
ár, liðið hefur farið hratt upp um
deildir og átt góð ár í Lengjudeild
karla. Davíð Smári Lamude lét af
störfum sem þjálfari liðsins síðasta
haust og síðan þá hefur liðið ekki
komið saman til æfinga og er enn
án þjálfara.
Framtíð félagsins hefur verið í
lausu lofti en Kórdrengir hafa átt í
viðræðum við FH um að þeir taki
liðið yfir. Ekki hefur hins vegar
verið gengið frá neinu og Davíð Þór
Viðarsson, yfirmaður knattspyrnu-
mála hjá FH, hefur ekki svarað í
síma undanfarna daga.
Kórdrengir eiga að mæta Breiða-
bliki í Lengjubikarnum á föstudag
en eins og staðan er í dag ríkir gríð-
arleg óvissa um hvort leikurinn fari
fram. Aðeins fjórir leikmenn eru
samningsbundnir Kórdrengjum
og þarf að hafa hraðar hendur ef
á að manna ellefu manna lið eftir
tvo daga. Í höfuðstöðvum KSÍ er
búist við því að Kórdrengir mæti til
leiks. „Ég veit ekki neitt annað en
að þeir mæti til leiks,“ segir Birkir
Sveinsson, yfirmaður mótamála
hjá Knattspyrnusambandi Íslands.
Birkir segist eins og aðrir vita af
stöðu félagsins en hefur átt í sam-
skiptum við forráðamenn Kór-
drengja undanfarið. „Ég hef heyrt
í þeim og þeir hafa tilkynnt þátt-
töku. Þeir vita af sínum leikjum, ég
veit ekki annað en að þeir mæti til
leiks gegn Blikum.“
Birkir segist ekki fylgjast með
því hvort liðið sé í raun með þjálf-
ara eða leik-
men n, það
sé ekki á hans
borði. „Það er eitt-
hvað sem ég er ekki að
fylgjast með, ég hef heyrt í
þeim og veit ekki annað en að
þeir mæti til leiks á föstudag,“ segir
Birkir. n
Býst við að Kórdrengir mæti til leiks
Saga Kórdrengja
Félagið var stofnað árið 2017 og tók þá þátt
í 4. deild karla, liðið var hársbreidd frá því að
komast upp um deild í fyrstu tilraun en ári síðar
tókst það. Árið 2019 tóku Kórdrengir þátt
í 3. deildinni og fóru upp, ári síðar flaug
svo liðið upp úr 2. deildinni og hefur í tvö
ár tekið þátt í Lengjudeildinni.
Árið 2021 var liðið lengi vel
að berjast um að komast upp
í efstu deild og í fyrrasumar
endaði liðið í fimmta sæti
deildarinnar.
helgifannar@frettabladid.is
Fótbolti Manchester United og
Leeds mætast í afar mikilvægum
leik fyrir bæði lið í ensku úrvals-
deildinni í kvöld. Leikurinn fer fram
á Old Trafford.
Eftir slæma byrjun á tímabilinu
berst United nú nálægt toppnum.
Með sigri í kvöld jafnar liðið granna
sína í Manchester City að stigum og
kemur sér fimm stigum á eftir Arse-
nal. Þess ber þó að geta að City mun
eiga leik til góða eftir leik kvöldsins
og Skytturnar tvo leiki.
Það er því ljóst að með sigri geta
stuðningsmenn United leyft sér að
dreyma um toppbaráttu fram á vor.
Leeds er sýnd veiði en ekki gefin.
Liðið er án knattspyrnustjóra eins
og er eftir að Jesse Marsch var rek-
inn í vikunni. Þá er Leeds í hörku
fallbaráttu og mæta leikmenn án
efa dýrvitlausir til leiks á Old Traf-
ford.
United verður án þeirra Casem-
iro, sem er í banni, og Christian
Eriksen, sem er meiddur, í kvöld.
Leikurinn hefst klukkan 20. n
Von United lifir
með sigri í kvöld
Erik ten Hag er knattspyrnustjóri
Manchester United.
FH þarf að hafa
hraðar hendur
ef félagið ætlar
að taka yfir
Kórdrengi og
mæta til leiks
gegn Blikum á
föstudag.
Fréttablaðið/
Sigtryggur ari
KVIKMYNDAGETRAUN
í samstarfi við MYNDFORM
6 miðar í bíó, popp&gos
Farið inn að KVIKMYNDIR.IS
svarið nokkrum laufléttum
spurningum í boði þáttarstjórnanda
BÍÓBÆRINN
Fréttablaðið íþróttir 158. Febrúar 2023
MiÐViKUDAGUr