Fréttablaðið - 10.02.2023, Blaðsíða 14

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is, s. 550 5767
| Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652, Jón Ívar Vilhelmsson, jonivar@frettabladid.is,
s. 550 5654, Ruth Bergsdóttir, ruth@frettabladid.is, s. 694 4103.
Píanóleikarinn Magnús Jóhann
Ragnarsson og söngkonan Guðrún
Ýr Eyfjörð, betur þekkt sem GDRN,
halda tónleika í Norðurljósum í
Hörpu á morgun, laugardag, þar
sem þau munu flytja lög af plötu
sinni Tíu íslensk sönglög sem kom
út í september á síðasta ári. Platan
inniheldur fjölda íslenskra tón-
listarperla eins Vikivaka, Hvert
örstutt spor, Einhvers staðar ein-
hvern tímann aftur og Rósina, auk
þess sem eitt frumsamið lag fær að
fljóta með.
Uppsetning tónleikanna verður
með öðru sniði en fólk á að venjast
en tvíeykið verður staðsett á sviði
á miðju gólfi salarins til að skapa
meiri nánd við tónleikagesti. „Þótt
formið sé fremur hefðbundið, það
er, f lygill og söngur, langaði okkur
að reyna að gera eitthvað aðeins
öðruvísi,“ segir Magnús. „Við
verðum því staðsett á hringsviði
á miðju gólfi sem tilraun til þess
að skapa örlítið meiri nánd við
áhorfendur. Tónlistin er auðvitað
lágstemmd og því mikilvægt að
okkar mati að maður upplifi ein-
lægni og nálægð við flytjendurna
á tónleikunum. Við munum
flytja plötuna í heild sinni auk vel
valinna GDRN-slagara og jafnvel
fljóta nokkrar nýjar útsetningar af
öðrum lögum með.“
Ólust upp saman í bransanum
Magnús og Guðrún kynntust fyrst
í tónlistarskóla FÍH þegar þau
voru bæði ung en þau hafa komið
mikið fram undanfarin ár, bæði
sem tvíeyki og með hljómsveit.
„Við Guðrún kynntumst þegar við
vorum frekar blaut á bak við eyrun
í tónlistarbransanum. Það má
segja að við höfum alist upp saman
í bransanum og lært ansi mikið
undanfarin ár.“ Eftir að Guðrún gaf
út sitt fyrsta lag sem Eyfjörð, áður
en hún byrjaði að kalla sig GDRN,
kom Magnús inn í verkefnið og
vann að fyrstu plötu hennar og
spilaði í hljómsveit hennar. „Ég
var að gera margt í fyrsta skiptið
á þessum tíma, eins og að spila
rafskotna tónlist á tónleikum og
margt fleira.“
Undanfarin ár hefur Magnús
verið mjög virkur í íslensku tónlist-
arlífi sem píanóleikari, upptöku-
stjóri og tónskáld og hefur gefið út
þrjár sólóplötur, eina stuttskífu og
dúóplötu ásamt Skúla Sverrissyni
bassaleikara.
Byggja á traustri vináttu
Magnús segir samstarf þeirra vera
mjög gott, fyrst og fremst vegna
þess að það byggi á traustum
grunni vináttu þeirra. „Ef maður
er að vinna náið með fólki við að
semja og taka upp tónlist skiptir
máli að það ríki gagnkvæmt traust
og það höfum við byggt upp í
gegnum árin saman í bransanum.
„Ef maður er
að vinna náið
með fólki við
að semja og
taka upp tónlist
skiptir máli að
það ríki gagn-
kvæmt traust
og það höfum
við byggt upp
í gegnum árin
saman í brans-
anum,“ segir
Magnús um
samstarf þeirra
GDRN.
FRÉTTABLAÐIÐ/
ERNIR
Magnús Jóhann og GDRN koma fram á tónleikum í Hörpu á morgun.
MyNd/ANNA MAGGý
Starri Freyr
Jónsson
starri
@frettabladid.is
Guðrún er auðvitað hæfileikatröll
og mögnuð söngrödd.“
Sem betur fer deila þau svip-
uðum smekk á tónlist og hinum
ýmsu fagurfræðilegu álitamálum
sem dúkka upp hverju sinni.
„Auðvitað erum við ekki sammála
um allt en listrænn núningur eða
örlítill ágreiningur er held ég bara
jákvæður upp að vissu marki. Enda
lítið mál að vera ósammála þegar
samstarfið er gott og allir opnir
fyrir því að prófa alla hluti og sjá
hvað kemur best út.“
Með tímaleysi að leiðarljósi
Gerð plötunnar Tíu íslensk sönglög
gekk frekar vel fyrir sig að hans
sögn. „Það setti auðvitað strik í
reikninginn fyrir Guðrúnu að hún
komst að því að hún væri ólétt
þegar við vorum nýbyrjuð að taka
hana upp. Það gerði erfiðara fyrir
þegar kom að lokasprettinum í
upptökum en við létum það alls
ekki stoppa okkur. Þvert á móti
sést einmitt óléttubumban hennar
á plötuumslaginu og Steinþór litli,
sonur hennar, hefur fylgt okkur
um víðan völl undanfarin misseri.
Hvort sem um er að ræða útvarps-
viðtöl eða gigg hér og þar.“
Hugmyndin að plötunni á
rætur sínar að rekja til þess fjölda
tónleika sem þau tvö hafa haldið
saman. „Við höfum útsett hin og
þessi tökulögin fyrir ýmis tilefni
og okkur þótti kjörið að taka eitt-
hvað upp og búa til heimild. Þegar
við fórum að hittast af einhverri
alvöru í hljóðveri mínu prófuðum
við alls konar lög, prófuðum að
semja lög við texta annarra og
enduðum svo með þetta tíu laga
safn.“ Hann segir þau hafa haft
tímaleysi að einhvers konar leiðar-
ljósi í ferlinu, jafnvel þótt lögin
séu frá ýmsum tímabilum. „Lagið
700 þúsund stólar er með hljóm-
sveitinni Hjálmum og kemur fyrst
út árið 2005 en Hvert örstutt spor
Jóns Nordal og Halldórs Laxness er
úr Silfurtunglinu frá árinu 1953.“
Plötunni var mjög vel tekið að
hans sögn. „Við seldum upp fyrsta
upplag af vínylplötunni og höfum
núna bætt við meiri vínyl og geisla-
diskum auk þess að hún nýtur
ágætra vinsælda á streymisveitum.
Sem er auðvitað bara frábær bónus
að fólk kunni að meta þetta verk-
efni okkar Guðrúnar.“
Kærkomið frí fram undan
Undanfarnar vikur hefurMagnús
staðið í ströngu við gerð Idol-þátt-
anna á Stöð 2 en hann er tónlistar-
stjóri og meðlimur Idol-hljóm-
sveitarinnar. „Þegar þáttunum
lýkur ætla ég að skella mér í smá frí
til að skoða pýramídana í Egypta-
landi sem verður ansi kærkomið.
Ég mæti samt spenntur til baka
því ég hef unnið að nýrri dúóplötu
með Óskari Guðjónssyni saxó-
fónleikara undanfarna mánuði og
vonandi tekst okkur að hljóðrita
hana í apríl.“
Í apríl tekur einnig við tónleika-
syrpa í Mengi í Reykjavík, dagana
20. til 23. apríl, þar sem hann mun
bjóða upp á mismunandi efnisskrá
á hverju kvöldi. „Uppleggið er að
leika efni af f lestum hljómplötum
mínum ásamt Skúla Sverris-
syni, Tuma Árnasyni, Magnúsi T.
Eliassen og strengjakvartett.“
Bráðlega gefur hann einnig út
nýja hljómplötu sem heitir Rofnar
síðsumars. „Því mun eflaust fylgja
eitthvert tónleikahald, mynd-
bandsgerð og þvíumlíkt. Auk
alls þessa munum við Hafsteinn
Þráinsson pródúsera nýja hljóm-
plötu með Bubba Morthens á
vormánuðum. Taumlaus tónlistar-
sköpun í kortunum, þannig vill
maður hafa það.“
Ástríða fyrir ýmiss konar list
Þótt tónlistin taki stóran hluta lífs
Magnúsar segist hann vera mikill
áhugamaður um ýmislegt annað.
„Frítími minn er af skornum
skammti en þegar hann skapast þá
nýti ég hann einna helst í að æfa
mig á píanóið og lesa og spila lög
sem ég fæ annars aldrei útrás fyrir
að spila.“
Hann segist vera mjög góður í
að kaupa bækur en ekki jafn góður
í að klára að lesa þær allar þótt
bókmenntaáhuginn sé mikill. „Ég
er einnig mikill áhugamaður um
kvikmyndagerð og horfi gjarnan
á góðar kvikmyndir og þætti. Svo
brenn ég fyrir list af ýmsum toga
og finnst mjög gaman að elda líka
þegar færi gefst.“
Söfnun ýmissa hluta hefur einn-
ig fylgt honum. „Þessa dagana er
ég að safna öllum þeim bókum
sem langalangafi minn, Ársæll
Árnason bóksali, gaf út þegar hann
rak bókaverslun á Laugavegi á
fyrri hluta 20. aldar. Hann gaf til
dæmis út verk eftir Laxness, Davíð
Stefánsson, Benedikt Gröndal og
fleiri. Markmiðið er að eignast allt í
frumútgáfum og mér gengur ágæt-
lega en öllum þeim sem rekast á
bækur útgefnar af honum er frjálst
að heyra í mér, því líklega hef ég
áhuga á að eignast þær.“ n
Við verðum því
staðsett á hring-
sviði á miðju gólfi sem
tilraun til þess að skapa
örlítið meiri nánd við
áhorfendur.
Magnús Jóhann Ragnarsson
2 kynningarblað A L LT 10. febrúar 2023 FÖSTUDAGUR