Vesturland - 01.12.1986, Blaðsíða 5

5
„Verið óhræddir, því sjá, ég boða yður
mikinn fögnuð, sem veitast mun öllum lýðnum:
Yður er í dag frelsari fæddur, sem er Kristur
Drottinn,
Sr. Gunnar E. Hauksson, sóknarprestur á Þingeyri
Þingeyrarkirkja.
Það er snjór og kuldi. Dagarnir eru stuttir. Svartasta skammdegið
skellur á. En á þessum myrku dögum eigum við Ijós, sem kviknaði
fyrir tæpum tvö þúsund árum. Hversu glatt það logar, fer eftir
hverjum og einum. Staðreyndin er sú, að sá sem nefndi sig „Ijós
heimsins“ er kominn í heiminn. Það eru jól - fæðingarhátíð frelsar-
ans - Ijósið í myrkrinu. Mitt í þunga vetrarins færist Ijósið yfir og
þjóðin fer öll á stjá við undirbúning jólahátíðarinnar.
Endur fyrir löngu voru fjárhirðar úti á Betlehemsvöllum. Það var
nótt. Allt í einu verður bjart, engill Drottins, sendiboði Drottins stóð
hjá þeim. Ótti grípurþá - hver óttast ekkiþað sem hann þekkir ekki?
„Verið óhræddir“, ersagtviðþá „sjá, égboðayðurmikinnfögnuð“.
Óttinn hverfur með fögnuðinum. En hverju áttu hirðarnir aðfagna.
Jú, sendiboði Drottins var hjá þeim, og hann boðaði þeim mikinn
fögnuð: „Yður er í dag frelsari fæddur“. Þetta var hinafyrstu jóla-
nótt. Guð gerði sig kunnan fyrir venjulegum mönnum; þeim var
fyrst boðað það fagnaðarerindi, að frelsarinn væri kominn í heim-
inn. í veikleika barnsins var sá fæddur, er Jesaja spámaður sagði
fyrir um: !yÁ hans herðum skal höfðingjadómurinn hvíla. Nafn hans
skal kallað Undraráðgjafi, Guðhetja, Eilífarfaðir, Friðarhöfðingi“.
Svo stórt í svo smáu - svo sterkt í svo veiku.
Fagnaðarboðskapurinn felst ekki í fæðingarfrásögunni einni.
Hann er allur Krists atburðurinn, lífJesú, dauði og upprisa. Þáfyrst
fær fœðingarfrásagan merkingu.
Guð gerðist maður í Kristi. Þannig deilir hann kjörum sínum með
mönnum. Maðurinn er því ekki lengur einn áferð sinni í heiminum.
- Þegar Jóhannes skírari spurðist fyrir um Jesú, létJesúsfæra honum
þetta svar: „Blindir fá sýn og haltir ganga, líkþráir hreinsast og
daufir heyra, dauðir rísa upp, og fátækum er flutt fagnaðarerindi.
Og sæll er sá, sem hneykslast ekki á mér“.
Hirðunum forðum var boðaður fögnuður. Svo er og um okkur,
þvíþessi fögnuður skyldi veitast „öllum lýðnum“. Engum ergleymt,
fagnaðarboðskapurinn er öllum ætlaður. Það er jólagjöfin okkar:
„Yður er í dag frelsari fæddur“. Þessi boðskapur heyrir ekki til
liðnum tíma. Nei, hann er handa þér núna, þá stund er þú heldur
heilög jól og alla daga. Frelsarinn er fæddur. Hann kom sem Ijós í
heiminn; heim sem ekki varð samur á eftir. Þegar hann verður Ijós
þitt ílífinu, kemur hann tilþín, ogþú munt ekki verða samur á eftir.
Gleðileg jól í Guðs friði.