Vesturland - 01.12.1986, Blaðsíða 28

28
Pll
Jarðgöng við Leirvík sem tengja byggðina þar við hinn kunna stað Götu. Þau
eru 2,2 km löng og tvíbreið og upplýst. Takið eftir ferjuhöfninni sem er þarna
fremst á myndinni. Hún var gerð úr efni því sem myndaðist við jarðgangna-
gerðina.
veg sem liggur inn hlíðina fyrir
innan Leirvík og inní Fugla-
fjörð en sá vegur er orðinn var-
hugaverður fyrir þungaflutn-
inga sem hafa aukist mikið á
þessari leið.
Gröfturinn úr þessum jarð-
göngum var notaður til þess að
byggja nýja ferjuhöfn í Leirvík
og sést þar greinilegaa hversu
mikið efni kemur úr slíkum
jarðgöngum.
Frá Leirvík er farið með nýrri
og glæsilegri bílferju til
Klakksvíkur sem er næststærsti
bær Færeyja og er á eyju sem
heitir Borðey.
Áfram var ekið og er komið
var út fyrir bæinn í Klakksvík
komum við að jarðgöngum sem
liggja til Árnafjarðar og eftir
100 til 200 metar akstur er
komið að öðrum jarðgöngum
sem liggja frá Ámafirði og yfir í
Hvannasund og er þar farið yfir
brúað sund yfir á Viðey. Þessi
tvö jarðgöng eru samtals um
3.800 mtr. löng.
Þarna fengum við að sjá að-
stæður sem eru mjög svipaðar
og hér, það er leiðin frá Tungu-
dal í Botnsdal og frá Botnsdal í
Breiðadal.
Síðar þennan dag skoðuðum
við jarðgöng í byggingu. Þau
eru á eyju rétt fyrir norðan
Klakksvík sem heitir Kúney og
liggja jarðgöngin þvert í gegn-
um eyjuna um 3.055 m. og
koma munu byggð hinu megin
á eyjunni þar sem búa um 60
manns í akvegasamband, en á
Kúney búa um 130 manns.
Þessi framkvæmd með vega-
lagningu, brú yfir sundið er á-
ætlað að kosti um 200 milljónir
danskra króna, eða um 1,1
milljarða íslenskra króna.
Fyrir vestan Kúney er eyja
sem heitir Kalsey. Þar eru um
150 íbúar og til þess að þessi
eyja fari ekki í eyði hafa þeir á
síðustu árum byggð fimm jarð-
göng á eyjunni sem eru samtals
5.426 m. löng og tengja saman
allar byggðirnar á eyjunni, en út
í hana verður að fara á bát.
Með í þessari ferð voru
Tómas Arebo þingmaður og
verkfræðingur frá landsverk-
fræðingi og sögðu þeir frá því
helsta sem fyrir augun bar í
þessari skoðunarferð.
Þegar hugað er að jarð-
gangagerð í Færeyjum verðum
við að gera okkur grein fyrir því
sem er öðruvísi þar heldur en
hér heima.
Vegalengdir milli þéttbýlis-
kjama eru yfirleitt stuttar og
vegakerfið á öllum eyjunum er
aðeins um 450 km samtals, en til
samanburðar má geta þess að
vegakerfið hér á Vestfjörðum
einum er talið vera um 1.300
km. og eru það stofn- og þjóð-
brautir fyrir utan sýsluvegi sem
eru nokkur hundruð kílómetrt-
ar hér á Vestfjörðum.
Þeir eru mjög landlitlir og
leggja mikla áherslu á að halda
öllum byggilegum stöðum í
byggð og til framleiðslu á mjólk
og öðrum landbúnaðarafurð-
um, en á síðustu árum hafa þeir
í fyrsta sinn verið sjálfum sér
nógir með landbúnaðarafurðir.
Eins og fram hefur komið
hafa Færeyingar verið að
byggja jarðgöng frá um 1960 og
til skamms tíma hafa það verið
danskir verktakar sem hafa
tekið þessar framkvæmdir að
sér. Vinnu við tvenn fyrstu
jarðgöngin var stjómað af i's-
lenskum verkfræðingi. Síðustu
árin hafa Færeyjingar sjálfir séð
um allar framkvæmdir og segj-
ast munu gera það framvegis.
I Færeyjum eru nú til tveir
borvagnar og eru þeir að kaupa
þann þriðja, sem verður mun
fullkomnari en þeir sem til eru
fyrir.
Borvagnarnir eru mikil verk-
færi sem geta borað með allt að
fjórum borum í einu og eru
borstangirnar 3 til 4,5 metra
langar.
Nýr borvagn kostar um 26
milljónir króna fyrir utan að-
flutningsgjöld, samkvæmt því
er okkur var sagt í Færeyjum.
Þar sem við skoðuðum bygg-
ingu jarðganganna í Kúney, var
okkur tjáð að þar ynni um 20
manns. Það er unnið fimm daga
vikunnar á tveimur 10 tíma
vöktum. Á borvagninum vinna
fjórir menn og eru 3—4
sprengingar á hvorri vakt. Til að
hreinsa út úr göngunum eru
notaðir fjórir vörubílar og eitt
ámoksturstæki og eru sömu
mennirnir á vörubílunum og
vinna á borvagninum.
Afköst eru um 50 til 70 metr-
ar á viku og eru unnar um
45—46 vikur á ári þannig að
með einu borgengi væri hægt að
bora 2.500 til 3.000 metra á ári.
Samkvæmt þeim upplýsingum
sem okkur voru gefnar er
kostnaður við fullgerð jarðgöng
um 100 milljónir króna á hvern
kílómetra en af því fer um 60% í
sprengingar.
Eftir að hafa þakkað gest-
gjöfum okkar í Færeyjum fyrir
velheppnaða heimsókn, kvödd-
um við Færeyjar að sinni og á
miðvikudag var flogið heim
aftur. Það var tilkomumikil sjón
að koma upp að suðaustur-
landinu í heiðskíru veðri oggeta
virt fyrir sér stóran hluta af
landinu meðan flogið var yfir
það.
Eftir þesa ferð er mér ljósari
nauðsyn þess að hafist verði nú
þegar handa um jarðgangagerð
hér á Vestfjörðum.
Er þar efst á blaði jarðgöng
frá Tungudal í Botnsdal í Súg-
andafirði sem yrðu um 4,2 km.
og yrðu í 110—140 m hæð yfir
sjó og síðan jarðgöng frá Botni
yfir í Breiðadal í Önundarfirði
sem yrðu um 4,8 km að lengd.
Myndu þessi jarðgöng gjör-
breyta allri búsetu á þessu svæði
og jafnvel geta snúið við þeirri
neikvæðu byggðaþróun og
fólksfækkun sem hér hefur átt
sér stað á undanförnum árum.
Til þess að þetta geti orðið að
veruleika, þarf að fara þess á
leit við Alþingi að á næstu 10
árum verði veittar árlega 250
milljónir króna til jarðganga-
gerðar, sem verði viðbót við
vegafé.
Rétt er að benda á að vegafé
er nú 'h milljarði minna á ári en
áætlað var í langtímaáætlun um
vegagerð.
Ef helmingur þessarar fjár-
hæðar fengist til jarðganga-
gerðar væri hægt að gera 5 — 6
jarðgöng á næstu 10 árum.
Og með sama framkvæmda-
hraða mætti ljúka jarðganga-
gerð hér á landi á fyrsta áratug
næstu aldar.
Óskum starfsfólki okkar og viðskiptavinum
gleðilegra jóla, árs og friðar, og þökkum
jafnframt samstarf og viðskipti á líðandi ári.
RÍKISSKIP
NUTIMA FLUTNINGAR
Óskum starfsfólki okkar og viðskiptavinum
gleðilegra jóla, árs og friðar, og þökkum
samstarf og viðskipti á líðandi ári.
TOEKNI
Sindragötu 10 ísafirði
Höfðabakka 9 Reykjavík
Bolungarvíkur-
kaupstaður
sendir bestu óskir um gleðilega
jóla- og nýárshátíð og þakkar
árið, sem er að líða.
Bæjarstjórinn í Bolungarvík.