Veiðimaðurinn - 01.12.1943, Blaðsíða 4

/. V. HAFSTEIN:
STÓRA-ÞVERÁ
Þverárljóð
Lax um Þverá þeytist
þýtur byljagöng.
Drengir kampakátir
kyrja gleði-söng.
Með maðk og flugu fríða
og fallega veiðistöng
gaman er að vera á Víghól
vorkvöldin löng.
Veiðin tekst þér varla
'i vatnsleysi og yl,
því laxinn tœpast tekur
er titrar geislaspil.
Betra er því að bíða
unz breytir eitthvað til;
Og þá skulum við reyna að renna
í Rauðabergshyl.
Lax á bakka liggur,
leik er hætt um sinn.
Fanst þér ekki fengsæll
og fallegur strengurinn?
Yrir ögn úr skýjum
og úði vætir kinn.
Nú er gott að vera á Víghól
vinurinn minn.
J. V. HAFSTEIN.
—
(Kjarrardalsá)
Stóra-Þverá í Borgarfirði er ein-
hver lengsta laxveiðiá á íslandi. Mað-
ur gæti látið sér detta í hug, að nafn-
gift hennar væri af þeim rótum runn-
in, því að ekki er hægt að segja að
vatnsmagninu „sé fyrir að fara“. Ann-
ars er hún á herforingjaráðskortinu
nefnd Kjarrardalsá, og þykja allar lík-
ur, umhverfi og annað, benda til þess,
að það sé hið rétta nafn árinnar.
Hún á upptök sín í vötnunum á Tví-
dægru og rennur í Hvítá rétt við
Hamraenda.
Eins og áður var gefið í skyn, er
Þverá fremur vatnslítil og því mjög
auðvelt að veiða hylji hennar og strengi
Það er reyndar ekkert, sem er leynd-
ardómsfult við Þverá, nema eitt — að
vísu verulegt atriði — en það er, hve
fádæma fiskisæld er í ánni. Og það er
nú orðin staðreynd, að Þverá sé einhver
allra mesta veiðiá landsins, og er þá
ekki „í kot vísað“, því að margar eru
þær góðar. Hún er líka eftirsótt og mik-
ið til hennar lagt.
Ég hygg að það, sem mestu veldur
í þessum efnum, sé einkum tvennt:
engar fyrirstöður eru í ánni, hvorki
fossar né fallþungar flúðir og hryggn-
ingarskilyrðin eru með afbrigðum
góð.
Svo er líka vert að minnast þess, að
um margra ára skeið var hún leigð er-
lendum veiðimönnum, sem níddust
ekki á hyljunum frá morgni til kvölds
með maðk, heldur stunduðu veiðina
2