Veiðimaðurinn - 01.12.1950, Blaðsíða 41

Að lokum mótmælir bréfritarinn
,,öllum ásökunum finu veiðimannanna
þess efnis, að við sveitaveiðimennirnir
séum svo miklir skussar og lagabrjótar i
veiðimennskunni, að okkur sé varla
heimilt að stunda hana.“
★
Jæja, Úlfur minn. Ég hef nú birt hér
allt, sem máli skiptir í bréfi yðar og
engu breytt, nema stafsetningunni á
stöku stað og nokkrum greinarmerkjum.
Mér skilst að þér séuð sveitaveiðimað-
ur. En þér eruð mjög ólíkur þeim veiði-
mönnum, sem ég hef kynnzt, bæði til
sjávar og sveita. Vilduð þér nú ekki hug-
leiða eftirfarandi atriði um jólin?.
1. Ef þeir eru réttnefndir slæpingjar,
sem veiða lax og silung á stöng, eru þeir
það þá ekki jafnt, hvort sem þeir eiga
heima í kaupstöðum eða sveitum?
2. Haldið þér að kaupstaðar--„slæp-
ingjunum“ veiti af að vera úti í heil-
næmu sveitalofti þennan hálfan mánuð
eða þrjár vikur, sem þeir flestir fá í
sumarleyfi? Og hafið þér nokkra trú á
þeim sem kaupamönnum?!
3. Eru það ekki veiðifélögin í sveitun-
um, sem selja árnar á leigu, og eru
ekki sumir þessir sveitaveiðimenn, sem
þér talið um, meðlimir í þeim?
4. Er það ekki nokkuð sterkt að orði
kveðið, að strangir eftirlitsmenn séu við
allar ár? En finnst yður það nokkuð at-
hugavert, þó að leigutakar ánna hafi
eftirlitsmenn við þær; og er endilega
víst að því eftirliti sé eingöngu beint
gegn ykkur?
5. Er það ekki yðar eigin hugarburð-
ur, að kaupstaðabúar telji sveitaveiði-
menn „skussa og lögbrjóta"? Ég hef
aldrei heyrt neitt í þá átt. Snjöllustu
veiðimenn, sem ég þekki, eru búsettir í
sveitum. Ég hef aldrei séð eða heyrt orð-
ið „sveitafýla" fyrr en ég las það í bréfi
yðar, og sé einhver „fýla“ í sveitunum,
þá er hún vafalaust ekki minni í kaup-
stöðunum, og það skyldi nú ekki vera,
að það væri m. a. hún, sem við erum að
forðast þegar við leggjum leið okkar út
í sveitirnar til þess að veiða. Reynsla
mín af samkomulagi og samskiptum
veiðimanna og sveitafólksins er á þá
lund, að á betra verður ekki kosið. Ég
hef aldrei orðið þess var, að við værum
sveitafólkinu óvelkomnir gestir, og í
mörgum tilfellum er þar um trausta,
gagnkvæma vináttu að ræða.
Ég held því, að þér séuð hjáróma rödd,
og að sveitafólkið yfirleitt muni kunna
yður litlar þakkir fyrir bréfið. En ég er
viss um að þér hugsið og ritið allt öðru-
vísi þegar þér eruð búinn að þvo yður, og
það gerið þér vafalaust fyrir jólin.
GLEÐILEG JÓL!
Ritstj.
FORSÍÐUMYNDIN
er frá Laxá i Kjós. Veiðimaðurinn
er Þórhallur Árnason, fulltrúi.
Veiðimaðurinn
39