Ægir - 01.09.2022, Síða 14

14
„Við sem erum búnir að vera lengi í
sjávarútvegi vitum að það koma
hæðir og lægðir í okkar rekstri. Það
eru breytingar í lífkerfinu og í afla-
brögðum sem sjávarútvegurinn hef-
ur alltaf þurft að laga sig að. Sveifl-
ur eru í ytra umverfi eins og við
höfum fengið að finna fyrir á síð-
ustu misserum með covid og stríði í
Austur-Evrópu. Hvað varðar laga-
legt umhverfi sjávarútvegsins þá
sér maður ekki fram á neina gjör-
byltingu. Þegar menn skoða málin
út frá því sem best kemur sér fyrir
þjóðina held ég að ekki sé von á
neinum kollsteypum. Þá væri óvar-
lega farið," segir Gunnþór B. Ingva-
son, forstjóri Síldarvinnslunnar í
Ægisviðtali.
Með kaupum á Vísi í Grindavík segir
Gunnþór að Síldarvinnslan sé að koma
sér vel fyrir í bolfiski. „Veiðar og
vinnsla á bolfiski munu vega þyngra í
rekstri okkar. Hér áður fyrr námu bol-
fiskheimildir Síldarvinnslunnar um
25% af aflaheimildum félagsins. Nú er
bolfiskurinn kominn yfir 50% þannig
að félagið stendur á fleiri stoðum en
áður og meiri dreifing á áhættu í af-
komu félagsins,“ segir segir Gunnþór.
Á ekki von
á neinum
kollsteypum
Gunnþór B. Ingvason, forstjóra Síldarvinnslunnar, í Ægisviðtali
Ægisviðtalið
 Beitir NK að veiðum. Mynd: Helgi Freyr Ólason.