Veiðimaðurinn - 01.06.2005, Blaðsíða 43

fljótt að breytast. Hvað er maður oft búinn að fá sjokk
vegna hækkunar á veiðileyfum. Maður hefur jafnvel búist
við að hætta að veiða en alltaf fylgir maður þessari þróun.
Veiðileyfi hafa hækkað en veiðimönnum hefur einnig fjölgað.
Markaðurinn lagar sig að þessum hækkunum.
Veiðimaðurinn Stefán
Stefán er uppalinn af harðsvíruðu og afar öflugu gengi
silungsveiðimanna á Norðurlandi. Pabbi hans er Sigurður
Gestsson vaxtarræktarmaður og mikill veiðimaður. Af
veiðifélögum Sigurðar og Stefáns má nefna Akureyringana
Hermann Brynjarsson, Einar Guðmann og þá drengi,
gífurlega öfluga silungsveiðimenn. Sjálfur segist Stefán
fara í nokkrar veiðiferðir á ári. Hans vinna yfir sumarið
tengist hins vegar undantekningarlaust veiði, hvort sem
það er leiðsögn eða sala á veiðileyfum. En hvert fer hann
sjálfur að veiða?
”Ég fer í Blöndu í júní og sennilega tvisvar þetta árið.
Undanfarin ár hef ég veitt í opnuninni í Mývatnssveit en
komst því miður ekki í sumar. Ég fer alltaf í Miðfjarðará einu
sinni til tvisvar á sumri. Þá fer ég með konunni minni og við
erum saman með stöng. Hún er mjög góður veiðimaður.”
Harpa Hlín og Stefán (eða H&S Island) kynntust á
skrifstofu Lax-á. Stefán hlær þegar hann rifjar upp þeirra
fyrstu kynni.
"Hún var ekkert farin að veiða að ráði þegar hún byrjaði
en talaði samt eins og hún þekkti allt sem sneri að veiði
vegna sölu og samskipta við veiðimenn á skrifstofu Lax-
á. Hún þekkti allar flugurnar, línurnar, veiðisvæðin og allt
sem kom þessu við. Það var ofurlítið erfitt að sjá í gegnum
þetta. Hún kom með alveg meitlaðar spurningar eins og;
"Já, ætlarðu að setja undir Blue Charm númer 12? Ætlarðu
að prófa gáruhnútinn núna?” En svo vissi hún ekkert um
hvað hún var að tala í raun og veru. Það var mjög hlægilegt
þegar maður uppgötvaði að hjá henni voru þetta bara orð
og setningar sem hún hafði lært en vissi ekki alveg hvað
þýddu. En það er nú breytt í dag enda kýs hún að hafa
mig sem lengst í burtu þegar hún er að veiða." Stefán hlær
mjög innilega og það er auðvelt að sjá fyrir sér spaugilegar
uppákomur í þessari stöðu.
Hvernig líst þér á sumarið í þessum ám sem þú ætlar að
veiða í?
"Ég býst við stórkostlegu ári fyrir norðan. Ég er alveg rosalega
spenntur fyrir Blöndu í júní. Sama má segja um Miðfjaðrará.
Ég er með hnút í maganum af tillhlökkun."
Hvort er það sölustjórinn eða veiðimaðurinn sem talar
svona?
"Ég er að tala sem veiðimaður. í fyrrasumar í júní veiddum
við svolítið af stórlaxi en ekki sérlega mikið. Við veiddum
hins vegar mjög vel af smálaxi. Eftir tveggja daga veiði
fékk hollið sem ég var í rúmlega fimmtíu laxa og af þeim
voru bara 15 stórlaxar. Ég býst við miklu af stórlaxi eða
tveggja ára fiski í sumar. Ég er alveg viss um það. Sama má
segja með Miðfjarðará. Síðasta sumar kom smálaxinn frekar
snemma og ég man að 21. júní var kominn smálax um alla
á. Það var alveg rosaleg smálaxaveiði þar í fyrra eins og í
ánum í kring og því býst ég við góðu hlutfalli af tveggja ára
laxi úr sjó núna."
Hvað með Suðurlandið?
"Já, það er mjög spennandi. Heimtur í Rangánum voru
mjög góðar í fyrra, í raun alveg feykilega góðar. Ég hlakka
til að sjá hvort stórlaxinn mætir þarna í júní í miklum
mæli. Rangárnar skipa stóran sess hjá mér, ég var eitt sinn
yfirleiðsögumaður þar. Ég hef lent í mjög góðri og óvæntri
veiði í júní í Rangánum. Og það er svo merkilegt að það eru
helst júnífiskarnir sem maður man eftir þegar sumarið er
búið. Stórir og sterkir.
Árið 2001 var metveiði í Ytri-Rangá. Seiðasleppingar það
árið mistókust hins vegar og sumarið eftir, 2002, varð lélegt.
Þá komu ekki nema um 800 laxar á land. En merkilegast var
að ríflega 80% af þeim fiskum sem veiddust voru tveggja ára
eða úr sleppingunni 2001. Það bjargaði miklu. Menn fengu
stóra laxa og urðu því mjög ánægðir. Sleppingar hafa gengið
vel síðustu ár og ég á því von á mjög spennandi sumri fyrir
austan.
Veiða/sleppa!
"Ég hvet veiðimenn til að veiða og sleppa. Það verða fleiri
laxar í ánni og fleiri veiðimenn fá að njóta þeirra. Þegar
menn kaupa veiðileyfi gera þeir kröfu um að lax sé í ánni
og þegar þeir hafa sannfærst um það er hálfur sigur unninn.
Svo kemur í ljós hvort hann tekur. Þetta er mjög einfalt. Ár
sem geyma mikið af fiski eru góð söluvara. Hinar eru það
ekki."
Stefán hefur séð allt í þessu. Hann nefnir til sögunnar Hallá.
Litla á sem hefur bæði lax og silung. Stefán fór þangað í
eitt skipti með fjölskyldunni í afslöppun með veiðiívafi. Við
vitum svo sem öll hvað það þýðir. Nema hvað, þegar Stefán
mætir á svæðið og ætlar að hefja afslöppunina ákveður
hann að fara með stöngina bara rétt sem snöggvast og renna
í einn hyl. Hann kemur að litlu hvítfyssi skammt fyrir neðan
veiðihúsið. Þetta var lítill hylur, í mesta lagi metri á lengd og
breidd. Eiginlega smáflúð. Maðkinum var rennt varlega og
með það sama var þrifið í. Lax á og honum landað. Stefán
varð steinhissa. Aftur var settur maðkur á og sama sagan
endurtók sig. Ekki bara einu sinni heldur fjórum sinnum í
röð. Alls lágu fimm laxar á bakkanum eftir örfáar mínútur.
Þeir höfðu staðnæmst í smáholu í göngu upp ána. Flottir
smálaxar. Þegar þessi mikla veiði var komin í hús ákváðu
allir að veiða smávegis áður en farið væri að slappa af.
Raunar varð lítið um afslöppun í þessari ferð en mikið um
veiði. En hver slappar ekki best af þegar hann er að veiða?
Kannski gekk þetta einmitt nákvæmlega upp eins og til var
ætlast. Stefán er rokinn og talar tungum í síma, um ísland,
laxa og dagsetningar. Vonandi er tilfinning Stefáns fyrir
stórlaxasumrinu 2005 rétt. Ef ekki þá kemur það örugglega
næsta sumar.
Júní 2005 Veiðimaðurinn 43