Veiðimaðurinn - 01.06.2005, Side 64

SVFR-punktar
Samantekt
Porsteinn Ólafs
Frá veiðidegi ungra félagsmanna íSVFR við Elliðavatn. Ljósmyndir www.votnogveidi.is - HÓ.
Fjölbreytt dagskrá í sumar
Ungir veiðimenn í SVFR munu fá næg verkefni í sumar.
í byrjun maí var boðið upp á veiði í Elliðavatni. Veiðin var
dræm og norðankuldi þennan dag. Nóg var hins vegar af
pylsunum ofan í gesti í lok veiðitíma!
Veiðidagur var í Seltjörn 22. maí s.l. og fyrirhugaðir eru
veiðidagar í Elliðaánum 3. og 17. júlí og 7. og 14. ágúst og
uppskeruhátíð í september.
Þegar nær dregur þessum atburðum verða þeir kynntir betur
í bréfi til félagsmanna og á vef félagsins www.svfr.is.
Ós Gljúfurár dýpkaður
Frá dýpkun neðsta hluta Gljúfurár.
Ljósmyndir Hannes Ólafsson.
í vor var ós Gljúfurár í Borgarfirði
dýpkaður til að auðvelda laxi uppgöngu
í sumar. Hér er um samstarfsverkefni
SVFR og Veiðifélags Gjúfurár að
ræða. Stórvirkar vinnuvélar voru
notaðar til verksins enda um töluverða
framkvæmd að ræða. Ós árinnar hefur
löngum verið vandamál en nú telja
menn að úr hafi verið bætt.
Sumarið 2004 veiddust 166 laxar í
Gljúfurá. Vegna vatnsleysis framan
af veiðitíma lagði laxinn ekki í ósinn
og veiddist hátt í helmingur aflans í
september er loks hækkaði í ánni. Sem
dæmi gaf vikan níunda til fimmtánda
september 40 laxa.
Það er hins vegar von manna að við
þessar framkvæmdir dreifist veiðin
betur.
Sala veiðileyfa í Gljúfurá hefur gengið
vel og eru fáar stangir óseldar þegar
þetta er skrifað. Gljúfurá er skemmtileg
laxveiðiá í fögru umhverfi með fjölda
fjölbreyttra veiðistaða sem henta vel
bæði fyrir maðk og flugu. Glæsilegt
veiðihús með heitum potti er við ána
og öll herbergi eru með sturtubaði.
Þetta, ásamt framkvæmdum við ósinn,
gera Gljúfurá að góðum kosti fyrir
veiðimenn.
64 Fréttapunktar SVFR - samantekt Þorsteinn Ólafs