FLE blaðið - 01.01.2019, Qupperneq 35

35FLE BLAÐIÐ JANÚAR 2019
Ráðstefnulok voru kl. 15 og þá var enn einu sinni frjáls tími sem
hægt var að nota í ýmislegt en aðallega til að undirbúa sig undir
Gala kvöldverðinn á hótelinu sem byrjaði með fordrykk kl. 19.
Til borðs var sest kl. 20 og borinn var fram dýrindismatur en
undir matnum voru úrslit borgarleikana kynnt auk þess sem
afrakstur mynda og myndbanda hópana voru sýnd við mikinn
fögnuð viðstaddra vegna þess að eins og við öll vitum þá geta
endurskoðendur og gestir þeirra verið mjög skemmtileg og
skapandi þegar á reynir.
Eftir kvöldverðinn spilaði íslenska hljómsveitin Kókos fyrir dansi
fram eftir nóttu við góðar undirtektir gesta og var gerður góður
rómur af frammistöðu hljómsveitarinnar. Hjómsveitin var einnig
mjög ánægð með frammistöðu gestanna en á fésbókarsíðu
hljómsveitarinnar segir m.a. um þennan atburð:
„Við fórum á Evróputúr um daginn þar sem við skemmtum
Félagi löggiltra endurskoðenda - FLE á lokakvöldi á ráðstefnu í
Brussel. Þessi hópur var einn sá fjörugasti sem við höfum spil-
að fyrir og við erum óendalega glöð með þetta gigg. Við spiluð-
um fyrst “unplugged” í fordrykk fyrir mat og svo var partýball-
-spilerí inn i nóttina með þessu frábæra fólki. Takk fyrir okkur
endurskoðendur!„
Greinarhöfundur fór reyndar snemma í háttinn en frétti daginn
eftir að skemmtunin hefði ekki farið úr böndunum og bara einn
félagsmaður hefði handarbrotnað við dansiðkunina.
Daginn eftir sunnudag héldu flestir heim á leið en einhverjir
framlengdu um nokkra daga til að kynnast þessari frábæru
borg Brussel betur.
Greinarhöfundur sem á samanlagt 100 afmæli og starfsafmæli
nú í byrjun janúar 2019 (120 ára með kvöld og helgarvinnunni)
verður að játa að þetta er skemmtilegasta og best heppnað-
asta ferðin sem hann hefur farið í á vegum FLE þótt allar hafi
þær verið skemmtilegar og eftirminnilegar. Í fyrsta lagi var
skipulagið gott með hæfilegu samblandi af fræðslu og skemmt-
un með nægum frjálsum tíma og engum rútuferðum. En í öðru
lagi var gaman að sjá hve margir ungir félagsmenn tóku þátt í
ferðinni af lífi og sál og t.d. var ég vitni af því þegar tveir ungir
endurskoðendur frá sitt hvoru fyrirtækinu voru að metast um
það hvor væri kjötaðri en sættust síðan og ákváðu skipta með
sér höfuðborgarsvæðinu í þeim málum á bróðurlegan hátt og
eru þeir vinir nú í dag sem er tilgangurinn með svona ferðum
og vonandi þarf ekki að bíða aftur í 13 ár eftir næst ferð verði
farin heldur verði hún sett á dagskrá fyrr en síðar.

Benóní Torfi Eggertsson