Harmonikublaðið - 15.05.2021, Blaðsíða 21

B.S.O. valsinn
Það kemur fyrir að ég gramsa á netinu og þá
oftar en ekki á timarit.is, en þar má finna
ýmislegt forvitnilegt eins og gefur að skilja.
Nýlega rakst ég á nokkuð sem vakti hressilega
forvitni mína. Það var auglýsing í
Morgunblaðinu þann 13. október 1957, þar
sem auglýstur var dansleikur í Gúttó og þar lék
hljómsveitin „Fjórir jafnfljótir" fyrir dansi.
Hljómsveitina, sem var nýstofnuð skipuðu á
þessum tíma þeir Magnús Randrup, sem lék á
harmoniku og blásturshljóðfæri, Sigurgeir
Björgvinsson, sem lék á harmoniku og píanó,
auk þess vera mjög liðtækur trommari, Siggeir
Sverrisson var bassaleikari og Skafti Olafsson,
sem sá um sönginn auk trommuleiksins. Þetta
kvöld var meðal annars auglýst að nýir
dægurlagasöngvarar ætluðu að reyna hæfni sína.
Þá átti að kynna tvö ný lög, Geisla kvöldsins
og B.S.O. valsinn, eftir hinn vinsæla
danslagahöfund Agúst Pétursson og yrði hann
sjálfur viðstaddur. Eg hafði aldrei heyrt um þessi
tvö lög eftir Agúst Pétursson. Eg hafði samband
við dætur Agústar Péturssonar. Agústa Sigrún
kannaðist við nafnið á B.S.O. valsinum, en ekki
við hitt og taldi sig eiga annan textann í sínum
fórum. Það reyndist rétt, en lagið það finnst
hvergi. B.S.O. er skammstöfun fyrir Bifreiðastöð
Oddeyrar, sem þá var búin að starfa á Akureyri
síðan 1953. Ljóðið hafði Kristján frá Djúpalæk
samið fyrir Agúst vin sinn og sveitunga. Það
birtist í ljóðabókinni „Það gefur á bátinn“, sem
út kom 1957. Þess má geta í þessu sambandi
að Ágúst Pétursson lék í hljómsveit á þessum
tíma með Jenna Jóns, en hann hafði einmitt
samið Hreyfilsvalsinn, sem Alfreð Clausen söng
inn á plötu 1954. Ljóðið birdst hér með í von
um að einhver kannist við og geti jafnvel rifjað
upp lagið. FH
B.S.O. valsinn
Lag: Agúst Pétursson
Texti: Kristján frá Djúpalæk
Að aka gegnum Eyjajjörð
er óskadraumur slíkur,
að hver, sem staðinn sér í svip,
er síðan nýr og ríkur,
og elskar þenna huldu-heim,
sem hjúpar mistrið bláa.
Og mitt íþeirri blómstur-byggð
er borgin grœnna trjáa.
Hér kalla ghzst oggömul nöfn
frá Grund til Möðruvalla.
Og þor og dyggðir Þverœings
hér þróast milli fjalla.
Ei Vitaðsgjafi búi bregst,
efbeitt er viljans plógi.
Og Ijóðin heilla huga vorn,
frá Hrauni og Fagraskógi.
Og keyrum austur Vaðlaveg,
þar Vaglaskógur fríður
þér, ferðamaður, frið ogskjól
ifaðmi sínum býður.
Já, landið kallar okkur öll
í austur, suður, vestur.
Sá endurheimtir œskuvor,
sem erþess stundargestur.
Sigurður Hilmar Guðjónsson
f. 2. ágúst 1939 - d. 26. maí 2020
Kveðja frá Harmonikufélagi Selfoss
Sigurður Hilmar Guðjónsson, Siggi í Báru
fæddist í Sæbóli Sandgerði 2. ágúst 1939.
Hann lést 26. maí 2020 á sjúkrahúsi í
Torrevieja á Spáni.
Eftirlifandi eiginkona hans er Sæunn H.B.
Guðmundsdóttir. Þau eignuðust fjögur
börn, þrjá syni og eina dóttur. Fráfall hans
kom sem reiðarslag því hann hafði alltaf
verið hraustur og hress og vel á sig kominn.
Siggi gekk til liðs við Harmonikufélag
Selfoss árið 2007. Hann féll strax vel inn
í hópinn enda hlýr og hafði afar góða
nærveru. Það kom strax í ljós að Siggi var
skemmtilegur spilafélagi og hafði mikinn
áhuga, sem sýndi sig í því að oftar en ekki
keyrði hann á æfingar úr Sandgerði á
Selfoss.
Það var gaman að spila með Sigga en hann
var mjög laginn við að radda. Hann tók
fljótlega þátt í stjórn félagsins og starfaði
með því til dauðadags. Fyrir áratugum
hófu Siggi og Sæa að byggja sumarbústað
í Grímsnesinu en þar áttu þau hjón sinn
sælureit og dvöldu þar löngum stundum.
Þangað var oft farið að spila og spjalla enda
gott þar að vera. Arið 2013 gaf
Harmonikufélag Selfoss út geisladiskinn
Vangaveltur og fóru upptökurnar fram í
sumarbústaðnum eftir langar og strangar
æfingar.
Siggi átti sér skemmtilegt áhugamál, sem
fólst í því að smíða líkön af gömlum
húsum frá Sandgerði, sem mörg hver eru
horfin. Ekki er langt síðan hann hélt
sýningu á þessum húsum, sem voru algjör
listasmíð. Fyrir stuttu keyptu þau hjón sér
íbúð á Spáni, sem til stóð að njóta á
komandi árum en lífið er hverfult og ekki
lengi að breytast. Sigga er sárt saknað af
félögum í Harmonikufélagi Selfoss.
Við viljum að lokum senda eiginkonu og
börnum, okkar innilegustu samúðar-
kveðjur.
f.h. Harmonikufélags Selfoss,
Þórður Þorsteinsson, formaður
21