Þingtíðindi Alþýðusambands Íslands ... - 26.11.1984, Page 69

Dæmi munu vera um að lagaákvæðin og samkomulagið hafi ekki verið
virt. Það er skylda verkalýðsfélaga, trúnaðarmanna verkafólks og Vinnueftir-
i-its ríkisins að gæta þess stranglega að lagaákvæði og reglur um hvíldartíma
og frídaga séu í heiðri höfð til verndar gegn óhóflegu vinnuálagi.
35. þing Alþýðusambands Islands samþykkir að beina því til væntanlegrar
miðstjórnar ASÍ, stjórna sérsambanda og stjórna allra verkalýðsfélaga að efla
og herða áróður, fræðslu og starf fyrir heilsusamlegu og öruggu starfsum-
hverfi.
Stefnt verði að því að MFA og ASI ráði sem fyrst starfskraft sem vinni
sérstaklega að fræðslu- og leiðbeiningum varðandi umbætur á aðbúnaði, holl-
ustuháttum og öryggi á vinnustöðum verkafólks.
Ennfremur telur þingið rétt að framhald verði á erindrekstri af hálfu ASÍ
um vinnuverndarmál og að miðstjórn skipi starfshóp, sem sinni vinnuvernd-
armálum.
Jafnframt verði haldið áfram að byggja upp samstarfsvettvang í fyrirtækj-
unum með því að tilnefndir verði öryggistrúnaðarmenn og öryggisverðir eða
öryggisnefndir, sem geti leyst aðbúnaðar-, heilbrigðis- og öryggisvandamál
innan vinnustaðanna sjálfra og Vinnueftirlitinu verði gert kleift að fastráða
eftirlitsmenn á öllum eftiritssvæðum. Mál smærri fyrirtækja, þar sem vinna
fáir eða jafnvel aðeins eigendur, fái sérstaka meðferð Vinnueftirlitsins.
Lög um aðbúnað, hollustuhætti og öryggi á vinnustöðum nr. 49/1980
skal endurskoða eigi síðar en fimm árum eftir gildistöku, þ. e. fyrir árslok
1985. í því sambandi telur þingið að endurskoðuð verði ákvæði er snerta ör-
yggistrúnaðarmenn, öryggisnefndir og öryggisverði. Einkum verði tekið til
athugunar í því efni hvort svæðistrúnaðarmenn henti bemr í þeim starfs-
greinum þar sem vinnustaðir eru smáir og verkafólk stansar stutt. Stefna ber
að því að svæðistrúnaðarmenn séu starfsmenn verkalýðsfélaga og landssam-
banda en launaðir af Vinnueftirliti ríkisins.
Ljóst er að atvinnurekendur vilja draga úr áhrifum og gildi laganna. 35.
þing ASÍ felur væntanlegri miðstjórn sambandsins að gæta þess við endur-
skoðun þeirra, að réttindi og vernd, sem lögin veita verkafólki, verði ekki
skert.
35. þing Alþýðusambands Islands mótmælir sérstaklega niðurskurði fjár-
veitingavaldsins á fjárhags- og starfsáætlunum Vinnueftirlitsins undanfarin
ar, sem samkomulag var um í stjórn þess og krefst þess að þegar samkomulag
tekst í stjórn Vinnueftirlitsins um fjárhagsramma starfseminnar verði fjár-
hagsáætlun ekki skert af fjárveitingavaldinu enda komi engar fjárveitingar
úr ríkissjóði til starfsemi Vinnueftirlits ríkisins.
67