Þingtíðindi Alþýðusambands Íslands ... - 26.11.1984, Side 70

Með auknum innflutningi notaðra kaupskipa og með hliðsjón af þeim að-
búnaði sem undirmönnum er ætlaður er í mörgum tilfellum stigið stórt skref
aftur á bak í aðbúnaði. Af þessum ástæðum m. a. samþykkir þingið að skora
á samgönguráðherra að endurskoðun reglugerðar um aðbúnað og öryggi í
farskipum fari fram hið fyrsta, jafnframt sem unnið verði að endurskoðun
sömu reglugerðar varðandi fiskiskip.
Þingið tekur undir hugmyndir SVFI um að gera v/s Þór að þjálfunarmið-
stöð sjómanna og væntir þess að ríkisstjórnin bregðist skjótt og jákvætt við
þessari hugmynd.
Til frekari áherslu á nauðsyn þess að sjómenn verði að efla þekkingu sína
á þeim öryggisbúnaði sem er um borð í íslenskum skipum verði áramóta-
skráning óheimil nema staðfest gögn skipstjóra og Siglingamálastofnunar
verði framlögð um að björgunar- og brunaæfing áhafnar hafi farið fram.
Þá bendir þingið á að engin lög né reglugerð er til í dag um aðbúnað og
starfsumhverfi flugliða. Því skorar þingið á Samgönguráðuneytið að það
setji nú þegar reglur um aðbúnað og vinnuumhverfi flugliða og hver skuli
hafa eftirlit með starfsumhverfi þeirra.
Frá atvinnulýðræðisnefnd:
Ályktun um atvinnulýðræði
Verkalýðshreyfingin berst fyrir bættum lífskjörum félagsmanna sinna. Sú
barátta getur ekki einskorðast við launakjör og vinnutíma. Hún hlýtur að ná
til allra þátta þjóðlífsins, því góð lífskjör geta ekki einskorðast við krónur
og aura eina saman. Um leið og verkalýðssamtökin berjast fyrir bættum efna-
legum kjörum, auknum efnahagslegum jöfnuði í þjóðfélaginu verða þau að
huga rækilega að öðrum þáttum svo sem jafnrétti til náms, félagslegum jöfn-
uði og auknu og virkara lýðræði í þjóðfélaginu.
A næstu árum mun krafan um stóraukin og víðtæk áhrif vinnandi fólks á
daglega stjórnun í atvinnulífinu verða ofarlega á verkefnaskrá verkalýðssam-
takanna. Til þess að slíkt nái raunverulegum árangri, verður verkafólk að
fá efnahagsleg ítök í fyrirtækjum, t. d. með stofnun launamannasjóða.
Markmiðið er að gera lýðræðið í landinu öflugra en nú er og skapa jafn-
framt skilyrði til þess að gera vinnuna að öðru og meira en brauðstritinu
einu saman, gæða atvinnuífið í landinu nýju lífi, þar sem verkalýðsstéttin
hefur annað og meira hlutverk en að vera aðeins hlekkur í framleiðslukeðj-
unni.
68