Skinfaxi - 01.02.2018, Page 22

22 SKINFAXI
Þegar knattspyrnulið Magna
komst í Inkasso­deildina haust­
ið 2017 voru góð ráð dýr. KSÍ
gerir kröfu um að liðin séu með
stúku á vellinum. Magni lumaði
ekki á slíkum lúxus. Fram­
kvæmdastjóri íþróttafélagsins
lét þá boð út ganga og sjálf­
boðaliðar mættu með hamra á
lofti.
„Þessi stúka okkar er ótrúlegt
afrek. Allir á Grenivík fylgjast
auðvitað með liðinu og vilja láta
gott af sér leiða á þessum tíma­
mótum, þegar Magni keppir í
Inkasso­deildinni. Við gengum
í málið og komum upp stúku
fyrir alla bæjarbúa á tveimur vik­
um,“ segir Gísli Gunnar Odd­
geirsson, framkvæmdastjóri
Íþróttafélagsins Magna á Greni­
vík. Magni á aðild að Héraðs­
sambandi Þingeyinga (HSÞ)
sem er sambandsaðili UMFÍ.
Knattspyrnulið Magna lék
sinn fyrsta leik í Inkasso­deild­
inni, næstefstu deildinni í
íslenskri knattspyrnu, í sumar.
Þetta var aðeins í annað sinn í
meira en 100 ára sögu félagsins
sem það kemst svo hátt. En KSÍ
gerir þá kröfu til liða, sem spila
í Inkasso­deildinni, að þau séu
með stúku við knattspyrnuvöll­
inn. Gísli segir smiði bæjarins
hafa verið kallaða á fund og þeir
inntir eftir því hvort þeir gætu
nýtt kraftinn í bænum, snúið
bökum saman og reist stúku fyrir
íþróttafélagið. Allir voru til í það.
„Þegar við vorum búin að
mæla fyrir stúkunni fannst fólki
þetta auðvitað ansi stórt verkefni.
En þegar við ætlum okkur eitt­
hvað á Grenivík þá förum við í
það,“ segir Gísli og bætir við að
íbúar og fyrirtæki hafi lagst á eitt.
Meira að segja foreldrar liðs­
manna í knattspyrnunni hafi
komið til að smíða. Sænes, dótt­
urfélag Grýtubakkahrepps,
veitti höfðinglegan styrk til
verksins og sveitarfélagið keypti
efnið í stúkuna. Öll framkvæmd­
in, jarðvegsvinna og smíði
stúku, var að mestu unnin af
10–15 sjálfboðaliðum og lauk
verkinu á hálfum mánuði. Fyrir­
hugað er að fá sæti í stúkuna í
haust.
Stúkan er fyrir alla íbúa Greni­
víkur og þarna er eini heima­
völlur landsins sem tekur alla
372 bæjarbúa í sæti. Hún fylltist
á heimaleik liðsins á móti Þór í
júní en þá komu 804 á leikinn.
Það er rúmlega tvöfalt fleiri
en búa í bænum. Þetta vakti
athygli víða og fjölluðu fjölmiðl­
Stúkan á Grenivík sameinar bæjarbúa
„Þegar við ætlum okkur eitthvað
í Grenivík þá förum við í það.“
ar um gestaganginn í bænum.
Gísli segir margt fram undan.
Þar á meðal er verið að undirbúa
byggingu nýs tæplega 500 fer­
metra vallarhúss sem Magni
mun deila með Björgunarsveit­
inni Ægi. Þar verður öll aðstaða
fyrir íþróttafélagið, skrifstofa,
veitingasala og búningsaðstaða
fyrir bæði lið og dómara.
„Þetta verður mikil búbót fyr­
ir Magna og hreppinn því að við
höfum aldrei verið með okk­
ar eigin aðstöðu,“ segir fram­
kvæmdastjóri Magna.