Skinfaxi - 01.02.2018, Page 24

24 SKINFAXI
Guðríður Aadnegard er for­
maður Héraðssambandsins
Skarphéðins (HSK). Sambandið
er næststærsti sambandsaðili
UMFÍ en innan þess eru um
fimmtíu aðildarfélög. Í HSK er
fólk sem býr að mikilli reynslu
við skipulagningu stórmóta.
Næsta stórmót á vegum HSK er
Unglingalandsmót UMFÍ sem
haldið verður í Þorlákshöfn
um verslunarmannahelgina. En
hvaða ráð á formaður HSK
handa þeim sem undirbúa mót?
„Undirbúningur fyrir Ungl­
ingalandsmótið gengur mjög
vel og skemmtidagskráin er til­
búin. Við í mótsnefndinni höf­
um verið lengi á fullu. Hér er
fólk sem kann til verka,“ segir
Guðríður, formaður HSK.
Hún segir að við undirbúning
móta eins og Unglingalands­
mótsins skipti máli að byrja
nógu snemma, að virkja fólk til
að klukka aðra og koma hlutun­
um í gang. Langt er síðan nefnd
mótsins hjá HSK skipti með sér
verkum og deildi verkefnum
út til fólks. Guðríður fékk sjálf
mörg verkefni til viðbótar við
formennskuna í HSK. Eitt þeirra
er að safna styrkjum hjá fyrir­
tækjum í tengslum við Ungl­
ingalandsmótið. Aðrir sjálf­
boðaliðar í öðrum bæjarfélög­
um safna styrkjum á heimaslóð­
um sínum. Hópar fólks eru á
Selfossi og í Þorláshöfn og víðar.
„Íþróttahreyfingin þrífst á því
að fólk vinni saman. Samfélagið
þarf einfaldlega að standa sa­
man að svona mótum og allir
sem geta verða að leggja hönd
á plóg.“
Guðríður segir styrkja fyrir
Unglingalandsmótið leitað víða.
„Við leitum ekki aðeins styrkja
á mótsstaðnum heldur um allt
Suðurland,“ segir hún og bætir
við að lítið þýði að skrifa tölvu­
pósta til að senda út og suður.
Árangursríkara sé að gera fólk
út af örkinni og hitta forsvars­
menn fyrirtækja. Með kynningu
á viðburðum, hverjir sem þeir
Landsmót UMFÍ 50+ var haldið
í Hveragerði á síðasta ári. Þetta
var stórt mót, með 500–600
þátttakendum. Guðríður segir
það koma að gagni. „Við búum
að reynslunni síðan í fyrra.
Mótið gaf mótshöldurum heil-
mikið, reynslu og fjármuni sem
runnu til aðildarfélaganna.
Sjálfboðaliðarnir skipta miklu
máli fyrir félögin og skipt-
ingu fjármuna til þeirra. Þegar
haldið er af stað mæli ég með því
að allir haldi skrá um fram-
lag sitt á mótinu svo að félag
viðkomandi beri sitt úr býtum.“
Fordæmi
fyrir stórum
mótum hjá
HSK
Skiptir
máli
að hitta
fólkið
eru, í eigin persónu, sé mun lík­
legra að uppskera stuðning. Með
þessum hætti hafa ungmenna­
félagar í HSK aflað styrkja og fjár­
magnað verðlaun Unglinga­
landsmótsins.
„Við höfum reiknað út hvað
verðlaun kosta og fáum fyrirtæki
til að styrkja þau. Forsvars­
mönnum fyrirtækjanna er boðið
á mótið til að afhenda verðlaun­
in. Það eru 22 greinar á Ungl­
ingalandsmótinu og fyrirtæki
gefa öll verðlaunin.“
Búið er að tilkynna að Ungl­
ingalandsmót verði haldið á Sel­
fossi árið 2020. Guðríður segir
löngu búið að skipa í nefndina
fyrir það mót. „Það sem skiptir
máli er að virkja sem flesta og
byrja snemma að skipuleggja
fjárhagshliðina eins og við höf­
um gert í gegnum tíðina,“ segir
hún og leggur áherslu að kostir
fylgi því að skipuleggja flesta
þætti, sem snúa að fjárhagshlið
mótanna, mjög snemma á veg­
ferðinni. .