Skinfaxi - 01.02.2018, Blaðsíða 40

40 SKINFAXI
Ungmenna­ og íþróttasamband
Fjallabyggðar hefur tekið upp
breytt fyrirkomulag á útgreiðslu
styrkja sveitarfélagsins. Formað­
urinn, Þórarinn Hannesson, tel­
ur breytinguna geta hvatt minni
félög til að auka fjölbreytni í
starfi sínu.
Samþykkt var á ársþingi Ung­
menna­ og íþróttasambands
Fjallabyggðar (UÍF) um miðjan
maí sl. að breyta aðferð þeirri
sem notuð hefur verið við skipt­
ingu á styrk sveitarfélagsins til
aðildarfélaga UÍF. Styrkur sveit­
arfélagsins nemur 6,5 milljón­
um króna á ári til barna­ og
unglingastarfs, aldraðra og fatl­
aðra og deilist hann niður á
þrettán aðildarfélög UÍF. Fram
til þessa hefur í skiptingu fjár­
ins verið tekið mið af ákveðnu
hlutfalli iðkenda. Hún er síðan
margfölduð með æfingatímum
og fleiru tengdu umfangi við­
komandi félags. Með breyting­
unni er í meira mæli tekið mið af
starfsemi félagsins, fjölda nám­
skeiða og öðru tengdu starf­
seminni. Fjöldi iðkenda vegur
minna en áður. Greitt var út í
fyrsta sinn eftir samþykktinni í
kjölfar ársþingsins. Ágætis
mæting var á þingið eða rúm­
lega 30 manns sem svarar til um
80% fulltrúa aðildarfélaga UÍF.
Þórarinn Hannesson, formað­
ur UÍF og formaður Ungmenna­
félagsins Glóa í Fjallabyggð, telur
þetta vera sanngjarnari leið þar
sem þau félög sem bjóði upp á
fleiri námskeið beri meira úr
býtum en þau sem haldi fá nám­
skeið. Að sama skapi geti þetta
hvatt félög óháð iðkendafjölda
til að bjóða upp á fjölbreytta starf­
semi. Það geti skilað sér til félag­
anna í hærri fjárframlögum.
Fá meira fyrir fleiri
námskeið
„Gamla fyrirkomulagið var sett
á hjá Íþróttabandalagi Siglufjarð­
ar áður en það sameinaðist Ung­
menna­ og íþróttasambandi
Ólafsfjarðar árið 2009. Engin sér­
stök reikniregla var fyrir á Ólafs­
firði sem hægt væri að taka upp
og því notuðum við hina áfram.
Það var sátt um hana. En senni­
lega var ástæðan fyrir því sú að
menn höfðu ekkert kafað ofan í
reikninginn og spáð í það hvernig
fénu var útdeilt. Það var engin
fyrirmynd að breytingunni. En
mér fannst útkoman ranglát og
ég var búinn að hugsa þetta í
talsverðan tíma fyrir ársþingið.
Það sem sannfærði mig um að
við þyrfum að breyta reglunni
var að við erum með félög sem
voru með æfingar einu sinni í
viku og önnur sem voru með
fjórar æfingar í viku. Þau fengu
hins vegar borgað jafnmikið fyr­
ir iðkanda, hvort sem hann æfði
einu sinni eða oftar í viku,” seg­
ir Þórarinn.
Stjórn UÍF skoðaði málið og
áttaði sig á að æfingatíminn væri
dýrasti og mikilvægasti liður í
rekstri hvers félags og hefði meiri
áhrif á reksturinn en annað þar
sem æfingatími og iðkendafjöldi
færi saman.
Hvatning til að gera
betur
Þórarinn viðurkennir að í fyrstu
hefði hann talið að minni félög­
in myndu hagnast á breyting­
unni þar sem vægi iðkenda væri
minna. Það varð hins vegar
ekki raunin. Umfang félaganna
varð hins vegar skýrara.
„Námskeið voru einfaldlega
ekki styrkhæf í fyrri reiknifor­
múlunni sem við notuðum. Sú
regla gerði ráð fyrir því að
iðkandi hefði æft í þrjá mánuði,”
segir Þórarinn. Eftir breyting­
una kveður reiknireglan á um,
sem dæmi, að sé hægt til dæmis
að halda 20 tíma námskeið með
tíu iðkendum. Út úr því fáist
200 klukkustundir af nám­
skeiðahaldi.
Þórarinn bætir við að skoðan­
ir hafi verið skiptar í þessu máli.
Það breyttist hins vegar þegar
hann sýndi fram á að félagið, sem
hann er í forsvari fyrir, Umf.
Glói, bæri minna úr býtum eftir
breytinguna en áður.
Skipta styrktarfé með nýjum hætti
Þórarinn Hannesson,
formaður Ungmenna-
og íþróttasambands
Fjallabyggðar.