Skinfaxi - 01.02.2018, Síða 41

SKINFAXI 41
Þórarinn Hannesson flutti til
Siglufjarðar árið 1994 og er
íþróttakennari við grunnskól­
ann. Hann segir miklar breyt­
ingar hafa orðið á samfélaginu
í gegnum tíðina.
„Við stofnuðum Ungmenna­
félagið Glóa haustið eftir að ég
kom hingað til að auka fjöl­
breytni í íþróttalífinu. Eftir sam­
einingu við Ólafsfjörð í sveitar­
félag Fjallabyggðar hefur verið
tvennt af öllu. Tvö skíðafélög,
tvö hestamannafélög og tveir
golfklúbbar ásamt fleiri félög­
um. Það eina sem breyttist er
að Leiftri og Knattspyrnufélag
Siglufjarðar sameinuðust í
Knattspyrnufélagi Fjallabyggð­
ar (KF). Ungmennafélagið Glói
er hins vegar eina félagið í sveit­
arfélaginu sem er fjölgreina­
félag,“ segir hann.
Þórarinn segir fólki hafa fækk­
að nokkuð stöðugt í sveitarfélag­
inu og setji það hömlur á þá fjöl­
breytni sem hægt er að bjóða
upp á í skipulögðu íþrótta­ og
tómstundastarfi. Hann tekur
sem dæmi að árið 1994 voru 340
börn í grunnskóla Siglufjarðar.
Nú eru 200 nemendur á grunn­
skólaaldri í sameinuðum skóla.
Þar af eru 120 á Siglufirði. „Það
er í raun ótrúlegt hvað við getum
boðið upp á fjölbreytt íþrótta­
starf með ekki fleiri íbúa,“ segir
hann.
Fjölbreytni
í íþróttalífi
bæjarins jókst
Vægi ÁÐUR NÚNA
Fjöldi iðkenda: 25% 0%
Umfang félaga (Æfingatími, mótahald og fleira): 65% 90%
Grunnstyrkur: 10% 10%
„Þetta munaði um hundrað
þúsund krónum á milli ára. Við
erum með íþróttaskóla fyrir
yngstu krakkana, fimleikaæfing­
ar og íþróttaskóla einu sinni í
viku sem er lítið miðað við aðra
sem eru með íþróttaskóla fjórum
sinnum í viku. Fólk sá auðvitað
að þótt ég bæri upp tillöguna
vorum við ekki að græða neitt
á breytingunni. Ég held reyndar
að það hafi skipt máli um það
hversu vel fólk tók í hana,” segir
Þórarinn og er þrátt fyrir þetta
enn sannfærður um að breyting­
in á útdeilingu fjármunanna
hvetji til fjölbreytni í rekstri
aðildarfélaga UÍF. Breytingin
skipti nær engu máli fyrir flest
félög. Knattspyrnufélag Fjal­
labyggðar og álíka umfangs­
mikil félög fengu um 100
þúsund krónum meira en áður.
„Ég var búinn að gefa mér
fyrirfram að minni félögin
myndu græða meira á þessu.
Svo reyndist ekki vera. En ég er
samt sannfærður um að þessi
regla sýni betur umfang aðildar­
félaganna og sé bæði sanngjarn­
ari og réttlátari en áður var,“ seg­
ir hann.