Skinfaxi - 01.02.2018, Blaðsíða 48

48 SKINFAXI
Haustið 2017 tók Hjörleifur K. Hjörleifsson að sér að verða formað ­
ur sambandsins. Laufey Helga Árnadóttir tók svo við af Garðari sem
framkvæmdastjóri. Í desember greindust síðan fyrstu merki um líf
í gömlum kroppi þegar héraðsþing HSH var haldið í Ólafsvík. Þar
voru ársreikningar síðastliðinna tveggja ára lagðir fram og kosið í
stjórn. Á þingið mættu 45 þingfulltrúar frá öllum aðildarfélögum
og var það meira en reiknað var með. Laufey sagði eftir þingið kraft
í sambandinu og horfði allt til betri vegar fyrir íþróttafólk og ungu
kynslóðina á svæði HSH.
Meiri samvinna skilar árangri
Héraðsþing HSH var svo haldið í apríl og komu þar fram ýmsar
hugmyndir sem taldar voru geta eflt starfsemina enn frekar. „Þetta
voru í fyrsta lagi hugmyndir sem lutu að því að auka samstarf
aðildarfélaga HSH og ýmislegt fleira til úrbóta. Við erum að skoða
útfærslur á því en erum engu að síður farin að vinna betur saman,“
segir Laufey.
Samvinnan er lykill að
endurreisn HSH
HSH­fólk þekkir vel til samstarfsverkefna og hefur sambandið
verið lykilaðili í SamVest, samstarfi sjö héraðssambanda á Vestur­
landi og Vestfjörðum í frjálsum íþróttum um nokkurra ára skeið.
Íþróttadagar HSH eru enn eitt samvinnuverkefnið en hugmynd­
in kom fram hjá stjórn HSH í vetur. Á íþróttadögum heldur eitt
aðildarfélag HSH hverju sinni dag sem tileinkaður er starfi þess og
það er kynnt fyrir gestum og gangandi. HSH vinnur með aðildar­
félaginu að því að kynna daginn.
„Þetta var hugmynd sem kom upp í vetur til að kynna betur fyrir
iðkendum HSH hvað sé í gangi hjá öðrum félögum. Við erum frekar
smá hvert í sínu horni en sterkari saman. Í Stykkishólmi er körfu­
bolti mjög sterkur og fótbolti í Snæfellsbæ. Grundfirðingar stunda
blak og svo eru frjálsar íþróttir í Staðarsveitinni, sem dæmi. Við leit­
uðum til félaganna með uppástungu um að þau myndu halda einn
dag og kynna íþróttina fyrir öðrum innan HSH. Fólk tók mjög vel
í það,“ segir Laufey. Verkefnið byrjaði í apríl sl. og var frá upphafi
stefnt að því að það stæði inn í sumarið.
Skurkur var gerður í starfi Héraðssambands Snæfells- og
Hnappadalssýslu í fyrrahaust. Nauðsynlegt þótti að grípa
til aðgerða. Enginn formaður hafði verið við stýrið í þrjú
ár og treglega hafði gengið að fá fólk til starfa í stjórnina.
Héraðsþing hafði heldur ekki verið haldið um hríð og
hafði Garðar Svansson framkvæmdastjóri ekki undan að
sinna verkefnunum.