Verzlunartíðindi - 01.06.1964, Síða 19

t
M I N N I N G
Hajlílór R. Gunnarsson
kaupmaður.
Halldór R. Gunnarsson, kaupmaður, andaðist
29. febrúar s.l. eftir stutta en erfiða sjúkdómslegu,
er hann háði með stakri hugprýði og sálarró.
Halldór var fæddur á Skeggjastöðum í Mið-
iirði 26. april 1896, en ólst að mestu upp að
Valdarási í Víðidal, þar sem foreldrar hans,
hjónin Kristín Guðmundsdóttir og Gunnar
Kristófersson, bjuggu.
Faðir Halldórs var hreppstjóri í sveit sinni og
síðar kaupmaður á Hvammstanga.
Halldór var nemandi Alþýðuskólans á Hvamms-
tanga, og er hann hafði lokið þar námi vann hann
í tvö ár hjá Riis-verzlun þar í kauptúninu, og þar
fékk hann sína fyrstu verzlunarreynslu. Taldi
hann það mikið happ fyrir sig að hafa starfað
við Riis-verzlun undir handleiðslu hins mæta
manns, Bjarna Bjarnhéðinssonar.
Til Reykjavíkur fór Halldór árið 1919 og til
verzlunarnáms í Kaupmannahöfn árið 1920.
I Danmörku fékk hann umboð fyrir nokkur
verzlunarfyrirtæki og seldi vörur fyrir þau hér á
landi næstu ár.
Arið 1923 keypti Halldór matvöruverzlun Guð-
mundar Olsen í Aðalstræti 6 hér í Reykjavík og
rak þar verzlun í nær 30 ár, eða til ársins 1951.
Arið 1936 opnuðu Halldór og Júlíus Kolbeins
vefnaðarvöruverzlun undir nafninu „Manchester"
a Laugavegi 40. Þá verzlun fluttu þeir svo í Aðal-
stræti 6 og lagði Halldór þá niður matvöru-
verzlunina, en keypti hluta Júlíusar í vefnaðar-
voruverzluninni og rak hana í Aðalstræti þar til
hygging Morgunblaðs-hússins hófst, en þá flutti
hann verzlun sína á Skólavörðustíg 4 og rak hana
til dauðadags.
Halldór R. Gunnarsson var einn af stofnendum
Lélags matvörukaupmanna, fyrsta sérgreinafé-
lags kaupmanna, árið 1928, og enginn íslenzkur
haupmaður hefur átt jafnlengi sæti í stjórn sér-
greinafélags kaupmanna sem hann.
Halldór var kjörinn í stjórn Félags vefnaðar-
verzlunartíðindin
Halldór R. Gunnarsson.
vörukaupmanna árið 1939 og átti sæti í henni í
meira en 20 ár og var heiðursfélagi þess félags.
Halldór kvæntist Steinunni dóttur Sigurðar
Solvasonar, póstmeistara í Westbourne, Kanada,
en fósturdóttur Brynjólfs H. Bjarnasonar, kaup-
manns í Reykjavík, 2. nóvember 1924. Eignuðust
þau fjögur börn: Rút, cand. mag. frá brezkum
háskóla, fulltrúa hjá raforkumálastjóra, Gunnar
Kristinn, en hann andaðist átta ára gamall, Guð-
Guðrún Steinunn, gift John Brian Dodsworth,
doktor í forn-íslenzku frá Cambridge, og Brynjólf
Hermann, verzlunarmann.
Heimili þeirra Halldórs og Steinunnar var
rómað fyrir myndarskap og gestrisni þeirra við-
brugðið.
Halldór var mikill drengskaparmaður og fé-
lagslega þtoskaður öðrum fremur.
Hann var háttprúður, áreiðanlegur og hjálp-
fús og naut mikilla vinsælda hjá viðskiptamönn-
um sínum og stéttarbræðrum, enda voru honum
falin mörg trúnaðarstörf.
Það er mikill skaði að slíkum manni sem Hall-
dór var, en minning hans og fordæmi lifir og
varðar veginn.
Jib.

51