Á vakt fyrir Ísland - jún. 2018, Blaðsíða 8

8 Á vakt fyrir Ísland
LSS hefur gert allt sem unnt er til
að styðja við þá sem sækja þetta
mikilvæga nám.
Fyrst við erum að tala um utanspít-
alaþjónustu þá skulum við halda því
áfram.
Ætli sá hluti heilbrigðiskerfisins sé
ekki einn sá vanmetnasti þrátt fyrir að
vera líklega einn af þeim mikilvægari
því ef ekki tekst að koma bráðveikum
og slösuðum til bjargar og öruggs
flutnings inn fyrir veggi sjúkrahúss þá
dugar skammt vígbúið sérfræðingalið
sjúkrahúsanna með sína mikilvægu
sérþekkingu, tæki og tól. Lengi hefur
verið kallað eftir eflingu þjónustunnar og
aukinni fjármögnun sem og ákveðinni
stefnumótun.
Ráðherrar hafa hummað þennan
málaflokk ítrekað fram af sér og
bent á fagráð sjúkraflutninga.
Fagráð sem er í raun hagsmunaráð
og hefur ekki auðnast það hlutverk
að stuðla að framþróun málaflokks-
ins en frekar haldið hlutum í horfi
og brugðist við óhjákvæmilegum
áskorunum hvers tíma.
Þetta hefur reynt mjög á þolrif LSS,
sem þó á EINN HEILAN fulltrúa í
ráðinu!
Já – það svíður að vera hunsaður
.....................þar til nú !!!
Já – það bar til tíðinda í upphafi þessa
árs. Við náðum eyrum ráðherra.
Fundur með ráðherra
Formaður og framkvæmdastjóri LSS
og formaður fagdeildar sjúkraflutn-
ingamanna áttu góðan fund með
núverandi ráðherra heilbrigðismála
og góðu samstarfsfólki. Ráðherra
sýndi okkur ósvikinn áhuga sem og
þeim knýjandi þáttum sem úrlausnar
þurfa.
Við kynntum óskir okkar um að
vettvangsliðum yrðu gerð skýr skil í
reglugerð sem hluta af heilbrigðis-
kerfinu, breytingu á fagráði sjúkra-
flutninga þannig að vægi fagaðila
utanspítalaþjónustu yrði snaraukið,
aðkoma okkar að málaflokknum yrði
aukin sem og embætti yfirlæknis
bráðaþjónustu utanspítala yrði eflt
með stofnun sérstakrar miðstöðvar
utanspítalaþjónustu. Miðstöð sem
undir heyrði gæðaeftirlit, rannsóknar-
og vísindavinna, framþróun og
umsýsla. Höfum í huga að það var
fyrir tilstilli LSS að stöðu yfirlæknisins
var komið á.
Það er rétt að staldra hér við og
nota tækifærið og þakka hæstvirtum
ráðherra sérstaklega fyrir. Áhugi þinn
og liðsinni er ómetanlegt.

Ráðherra hefur þegar skipað
sérstakan starfshóp sem vinnur
að útboðsgerð varðandi sjúkrabíla
og framtíð utanspítalaþjónustu á
Íslandi. Verið er að vinna að út-
færslum sjúkraflugs með sérútbúnum
sjúkraþyrlum á Suðurlandi og er það
byggt á mati fagráðs sjúkraflutninga
og kemur fram í skýrslum okkar. Þar
eiga fagaðilar og fagfélag sitt aukna og
áþreifanlega vægi. Það er þakkarvert.
Ég set hér með 17. þing Lands-
sambands slökkviliðs- og sjúkra-
flutningamanna og megi þetta vera
árangursríkt og gott þing.
Verið velkomin í verslun okkar
Opið virka daga kl. 8:30–17:00
Síðumúli 16 I 108 Reykjavík I Sími 580 3900 I fastus.is
fastus.is
SJÚKRA- OG SLÖKKVIBÍLAR
Fastus sérhæfir sig í lausnum fyrir sjúkra- og slökkvibíla.
Hafið samband við sölumenn okkar í síma 580 3900 fyrir nánari upplýsingar.