Heimili og skóli - 01.04.1955, Blaðsíða 17

HEIMILI OG SKÓLI
37
hans viljandi. En við vorum líka svo
hamingjusöm, ílest eða öll börnin, að
heyra ekki annað en velvild og virð-
ingu í hans garð heima. Það var al-
gengt að heyra sagt sem svo: ,,Það er
bezt að spyrja Einar um þetta,“ ef um
vandamál var að ræða. Eða: „Einar
mundi nú gera það fyrir mig,“ eí' gera
þurfti uppkast að samningi, skrifa
vandasamt bréf eða því um líkt. Það
var notalegt að heyra talað. svona um
kennarann sinn. Hann var maðurinn,
sem allir treystu. Ef það kom fyrir, að
við heyrðum kveða við annan tón,
urðum við reið.
Hvaðan komu Einari mannkostir
sínir og góðir hæfileikar? Ég tel víst,
að þeir séu bæði erfðir og áunnir. Ein-
ar er kominn af fátæku bændafólki.
Faðir lians var Hörgdælingur en móð-
ir hans af Svalbarðsströnd. Hann
fæddist í litlu koti, sem nú er í eyði,
Stóragerði í Hörgárdal. Hann var elzt-
ur af 8 systkinum. Hann fór kornung-
ur til vandalausra, líklega vegna fá-
tæktar, og ldaut allharðan skóla í upp-
vextinum. Hann hefur aldrei verið
búsettur utan héraðs og mest alla æv-
ina átt heima í Glæsibæjarlireppi. Á
Laugalandi hefur hann búið frá árinu
1925. Hann ey ókvæntur.
„Hver er sinnar gæfu smiður,“ segir
máltækið. Það er þó ekki allur sann-
leikur, því að erfðum ræður ein-
staklingurinn ekki og ekki heldur
hinu, hver tíðarandinn er ríkjandi á
mótunarárum lians.
Við, sem þekkjum Einar G. Jónas-
son, teljum hann gæfumann. Það var
einn þáttur í gæfu-hnoða hans, að
hann fæddist á hentugum tíma, (ef svo
má að orði komast). Hann er að verða
fulltíða maður þegar virkilega vorar í
íslenzku þjóðlífi. Fagrar og glæstar
hugsjónir hvetja unga menn til dáða.
Þá voru ungmennafélög stofnuð, og
auðvitað gerðist Einar þar forystu-
maður um skeið. Og mig grunar, að
einmitt þær hugsjónaöldur, sem jrá
flæddu yfir, liafi átt nokkurn þátt í
því, að Einar varð svo góður kennari,
sem ég hef nú reynt að gera nokkra
grein fyrir. '
Einar G. Jónasson, góði kennari
minn. Ég vil að síðustu leyfa mér að
ávarpa þig beint og þakka þér kennsl-
una, samveruna og — allra helzt —
góðu áhrifin, sem þú hafðir á mig. Ég
er þess fullviss, að þetta sama mundu
flestir eða allir nemendur þínir geta
sagt við þig af heilum hug. Og þó að
mikið og gott starf liggi eftir þig sem
bónda, oddvita og hreppstjóra, þá
munu kennarasporin þín varanlegust
verða, og þau liggja langt út fyrir
Glæsibæj arhrepp.
Eiríkur Stefánsson.
UPPELDISMÁLAÞING OG
SKÓLASÝNING.
Þann 12. júní hefst í Reykjavík uppeldis-
málaþing Sambands íslenzkra barnakennara,
sem haldið er annað hvort ár. Jafnhliða
verður sýning á kennslutækjum, kennslu-
bókum og væntanlega fleiru, er varðar
skóla. Stjórn sambandsins hefur ráðið einn
hinn þekkasta uppeldisfræðing Dana, frú
Anne Marie Nörvig, til að flytja nokkra fyr-
irlestra á þinginu, og má vænta þess að
kennarar noti sér þetta tækifæir til að kynn-
ast frú Anne Marie og kenningum hennar í
uppeldis- og kennslufræðum.