Þingtíðindi Alþýðuflokksins - 20.11.1942, Blaðsíða 38

sem áður var, og má fyllilega vænta þess að áfram-
hald verði á því í framtíðinni. En tilfinnanlega
skortir flokkinn ennþá útgáfu almenns landsmála-
blaðs, þar sem stór dagblöð, gefin út í Reykjavík, ná
aldrei sömu útbreiðslu og áhrifum úti um land og
blöð, sem gefin eru út með slíkt fyrir augum. Hefir
útgáfa slíks landsmálablaðs verið undirbúin, og þeir
menn, sem að því hafa unnið, munu leggja niður-
stöður sínar fyrir flokksþingið, er væntanlega mun
gera ályktun í því efni.
Þá hefir miðstjórninni og verið það Ijóst, að nauð-
syn bæri til þess, að fá fastan framkvæmdastjóra
fyrir flokkinn og hefir það mál einnig verið undir-
búið, þótt enn hafi ekki komið til framkvæmda í því
efni, en það verður eitt af viðfangsefnum þessa þings
að ráða því máli til lykta.
Skipulagsmál flokksins hafa því miður ekki ennþá
komizt á það stig, er vera þarf. Alþýðuflokksfélögin
eru of fá, of fámenn og starfsemi þeirra ekki eins
öflug og vera ætti. Þarf að gera sérstakar ráðstaf-
anir til þess, að úr þessu verði bætt, og er það líka
eitt af verkefnum þessa þings. Þær afsakanir kann
miðstjórnin að hafa í þessu efni, að örðugt var fyrst
í stað, eftir að skipulagsháttum Alþýðuflokksins var
breytt, að taka mikil stökk í þessum efnum, en brýn
þörf er á því, að við málefni þessu verði snúizt af
fullri festu og auknu afli.
Fleira mun ég þá ekki ræða um innra starf flokks-
ins, en ritari hans mun gefa hér skýrslu um tölu
félaga flokksins og meðlima þeirra.
36