Þingtíðindi Alþýðuflokksins - 16.11.1984, Síða 30

Geir Gunnlaugsson gerði grein fyrir lagabreytingatillögu.
Sérstaklega breytingar á prófkjörslögum. Þessar tillögur
ganga allar í þá átt að takmarka meira en nú er þátttökurétt
annarra en flokksbundinna í prófkjörum Alþýðuflokksins.
Þessar tillögur verða til umræðu í vinnuhópi laganefndar.
Björn Friðfinnsson lagði fram tillögu um útbreiðslustarf
flokksins:
Æskilegt væri að stofna bókaklúbb jafnaðarmanna.
Til að efla útbreiðslustarf verði stofnaður sjóður sem heiti
Baráttusjóður. Kom Björn fram með hugmynd að fjármögn-
un slíks sjóðs.
Jón Baldvin Hannibalsson:
Hugleiðing: Allt hefur sinn tíma og sína stund.
I dag eru tímamót. Þær ákvarðanir sem teknar verða í dag
skipta sköpum fyrir framtíð Alþýðuflokksins og jafnaðar-
stefnunnar. Þjóðfélagið er á tímamótum. Vel er fylgst með
þessu flokksþingi. ÖIl þjóðin fylgist með okkur í dag og það
er gott.
Rakti sögu brautryðjendanna. . . „við verðum að berjast
hvert á sínum stað til að láta rödd jafnaðarstefnunnar hljóma
hvert á sínum stað hvert og eitt. Hljómi rödd jafnaðarstefn-
unnar há og tær. Afmáum þá hugmynd að við séum lítilsigld
á bak við bónuð skrifborð. Boðskapurinn verði róttækur.
Kosningar fara i hönd. Svarið verði afdráttarlaust. Það er allt
að vinna — engu að tapa“
Kjartan Jóhannsson formaður Alþýðuflokksins talaði
næst. Hann gat þess að flokkurinn væri'róttækur og vinstri
sinnaður umbótaflokkur, hann rakti ýmsar tillögur sem
flokkurinn hafi flutt á síðustu árum og sagði að þyrfti þor og
kjark til að berjast fyrir þeim. Hann kvaðst ekki skorast und-
an ábyrgð á gengi flokksins á undangengnum árum, en hann
hlakkaði til núna, þegar sóknarfæri væri að fara út á meðal
fólksins og boða stefnu flokksins. Hann skoraði á alla að'
standa saman og efla flokkinn og efla jafnaðarstefnuna.
28