Ægir - 01.04.2023, Blaðsíða 19

19
hann er spurður hvaða veiðiskapur sé
skemmtilegastur af verkefnum skipanna
tveggja sem hann stýrir.
„Það er einfaldlega gaman að öllum
veiðiskap þegar gengur vel og fiskast en
að sama skapi leiðinlegt þegar illa geng-
ur. Mér er sama hvaða veiðiskap er um
að ræða. Þó maður sé búinn að vera í
þessu lengi þá er alltaf ákveðinn spenn-
ingur að leggja upp í veiðitúr og spurn-
ing hvernig komi til með að ganga og
hvernig muni fiskast. Þetta er það sem
gerir sjómennskuna svo skemmtilega.“
Glimrandi loðnuvertíð að baki
Og talandi um fiskirí og veiðiskap segir
Sigurður að loðnuvertíðin í vetur hafi
verið glimrandi góð. Tíðin hafi hafi verið
einstaklega hagstæð nótaveiðunum og
mikil loðnugengd. „Þetta var stór munur
frá vertíðinni 2021/2022 þegar var bæði
minna af loðnu og veðurfarið mjög leið-
inlegt,“ segir hann.
Alltaf er nokkur spurn eftir því að
komast í pláss á sjó en Sigurður segir
það einhverra hluta vegna svolítið
breytilegt hversu mikið sé hringt og
spurt um pláss. „Hjá okkur eru ekki mikl-
ar breytingar frá ári til árs, umfram það
sem eðlilegt er. Síðan er það líka þannig í
þróun skipaflotans að með tækniþróun-
inni og endurnýjun skipa hefur plássum
verið að fækka. Þetta á sérstaklega við
um uppsjávarskipin. Þau verða stærri og
stærri en færri og færri eru í áhöfn.
Tækniþróunin mun einnig hafa áhrif á
togurunum en áhrifin á fjölda í áhöfn
verða aldrei eins mikil og á uppsjávar-
skipunum. Það þarf alltaf hendur til að
gera að fiskinum. En þó störfum fækki
ekki á togurunum þá sjáum við miklar
breytingar á þeim, ekki síst í lestarvinn-
unni. Nú þarf ekki að moka ís eins og áð-
ur fyrr, komnar ískrapavélar í lestarnar
og ýmislegt fleira sem hefur létt störfin.
Sú þróun mun halda áfram.“
 Skipstjórinn á dekkinu á Álsey VE. Sigurður segir að loðnuvertíðin í vetur hafi verið glimrandi góð. Mynd: Óskar Pétur Friðriksson
 Skemmtilegar könnur með merkjum sem áhöfnin hefur fyrir hvort skip. Ottó er
kóngurinn og Álsey drottningin. Mynd: Facebook/Ottó N. Þorláksson